ISAIA 6:5 - Khumi Common Language Bible

⁵ Kaimy py, “Kai teng y athang khai naira by y leang bo. Kai ly taham si parai na ly! Ati mana nai mo nabaly kai i labeaung mang theu nai leu ngiereichi ly chai y i, chai y nai leu naini katheu reng nai khumichi theung y kaawm nai ne. Na i py vai, kai ly ati cheaungkhang sa thai nai Areng! napi nai samrang ai kaniu lawh bo,” napi.

ISAIA 6:5 ပူးပေါင်းရင်းမြစ်များ

ATITI AWM ANGCHEI NAI 32:31

Jakob ly Peniel meingtym i theu nai khala kani si bo; ni ly tangkeang athli nai deaungkho y, ta-krawm ta-krawm naimy tako nai ne.

SAM 24:10

Huni nang parai nai samrang ly ami mo? Nang parai nai samrang ly tavai eaung nai Areng ne.

THEU NAI 24:10

Nichi ly Israela chengchi i Tameuh ai niu u bo. Mymy i kheu keung y kani khusang kamta pangau nai saphire lengseaung padai nai atawm.

THEU NAI 3:6

Kai ly nang i amsi pajochi i Tameuh, Abraham i Tameuh, Isaka i Tameuh, Jakob i Tameuh ne,” napi. Mosi ly Tameuh ai khen vam y i, mymy i mei atamym cheng vui bo.

THEU NAI 33:20

Kai ai niu nai khumi ly heng ai ny y nai deaungkho y, nang ai kai i meimai kang patei ai ny y.

THEU NAI 4:10

Na i py Mosi ly “Aw Areng, kai ai pato mo kyh; kai ly leu haidau by y, nangmy kai ai leu pei nai thym khala malawn py leu haidau by y, kai ly labeaung palai ham y nai ne,” napi.

THEU NAI 6:12

Na i py Mosi my pathang i, “Israela chengchi malawn py kai i leu tangai y baly, samrang ipsaly kai i leu mana tangai ai mo? Kai ly leu haidau by y nai khumi ne,” nanai pathang.

THEU NAI 6:30

Na i py Mosi my, “Kai ly leu haidau by y, nanai nangmy pany; samrang Pharao ly kai i thui nai leu tangai ai ny y leang,” napi.

ISAIA 24:16

Achi ly leu meitang teaung nai Israela chengchi ai, khaileaung khuteng takira y awm nai khumichi my palo nai khulym raawichi thai u ai. Na i py kai ly athang khai naira by y i, bengtlairei kaawm nai khyh bo ly! Ka-ym by y nai khumichi ly leu tangai y jojo i, tamangra tamangra nai ne.

ISAIA 29:13

Areng my, “Hini khumichi ly kai ai labeaung mang ly kang chiu bo, nanai thui i py, nichi i leuchi ly ati sai py ny y. Nichi i paleung py meingtym takhra mang y apei vui nai ne. Nichi i reita ly khen y naimy thui kawp nai khumichi i tanyn hawi, reitachi naini lawm bo.

ISAIA 33:17

Nangchi ly khri pa-rei kau parai nai khu ka-peang theung y, nang parai naimy peang nai samrang leaungrei ai niu u ai.

ISAIA 59:3

Nangchi ly ka-chawi leu katheu nai, nangchi i kiuchi hawi kiu pajeungchira y thi abawi nai, khumi ai tleh nai, hunichi molam y kamngo awm u nai ne.

ISAIA 64:6

Kaichi bawibawi ly kamngochochi ne. Kaichi i kahawi keh sa nai malawn py, amso ngailai nai cheichei teu bo. Kaichi ly kaimychi i kamngochi deaungkho y, ali my pakheang veng nai phaicham kajeichi hawi atawm.

JEREMIA 1:6

Naibaly kaimy, “Aw Areng, kai ly saneng theang ala nai deaungkho y, ati mana katheu ai mo, nanai pany y,” napi.

JEREMIA 51:57

Huni mary i peang nai keungchi, khumi kachengchi, lu sa naichi hawi tavaimi risachi ai pavui tapai hai ai. Nichi ly i ngym chum baly, mana khala py anglaw u ai ny y. Hini ly kai samrang i thui nai leu ne; Kai ly ati cheaungkhang sa thai nai Areng ne.

Ezekiela 12:2

Mymy ly “Nang khumicho awi, nang ly atiu ham nai khumi cheng theung y awm nai ne. Nichi ly mei awm i py ati sai py niu u y, kano awm i py ati sai py thai u y. Ati mana nai mo na baly nichi ly atiu ham naichi ne nai deaungkho y ne.

Ezekiela 33:31

Hunai deaungkho y kai i khumichi ly nangmy thai hai ai awm nai leu tangai ai nai, nang i mo y ang tym u bo. Na i py nichi ly nang i thui nai kamta so u y. Leu khulym kahawi katheu u teu i py, atakaw nai paleung awm nai kamta sa u.

DANIELA 9:20

Kai ly chiu sa bi i, kaimy i kamngochi py, kaimy i khumi Israela chengchi i kamngochi py, ahui naimy nang i chai parai nai Achura yhm sa palum teang ai nai, kai i Areng Tameuh teng y hnei takeng nai ne.

HABAKKUK 3:16

Kai ly hini leaungsaichi thai baly kaso theu; kai i labeaung teng ly jei nai ahyn thlyhthlyh naimy tlang ly nau vui iy, kheuchi ly atlym khikha na bo. Kaichi ai tiu nai khumichi ai, Tameuh my pajeng nai neng tym pa-rei, kaichi ly awmnem nai my ajeng ai.

Kati Nai 17:12

Israela chengchi my Mosi teng y, “Kaichi i vui ly tem na bo!

TARA CHIH NAI KEUNGCHI 13:22

Manon my mymy i aju teng y, “Ani ly Tameuh ai niu hawi lawh bo i, meitang khyp dei ai,” napi.

TARA CHIH NAI KEUNGCHI 6:22

Huna nai khala Kideon ly mymy i avum nai ly Areng i kani pri amtaw thau ne, nanai pany i, jei naimy hina nai thui; “Aw salo kangteng Areng! kai ly nang i kani pri amtaw thau hawi, motha naimy avum lawh bo ly! " napi.