ISAIA 6:10 - Khumi Common Language Bible

¹⁰ Naibaly mymy ly “Hini khumichi i paleung ly deitup naimy, nichi i kanochi ly pang naimy, meichi py paju naimy awm pa-rei so. Huna khala naini nichi ly niu pajau y, thai pajau y, pany thai y naimy awm u ai. Nichi ly niu pajau, thai pajau, pany thai pajau lawh ai nabaly, mymychi phailo mang i no-nachi tama ai nai kai teng y ali u teang ai,” nanai kai ai leu pei bo.

ISAIA 6:10 ပူးပေါင်းရင်းမြစ်များ

SAM 119:70

Huni khumichi ly pany thai naichi ny y; na i py kai ly nang i reitara y amo theu bo.

SAM 17:10

Nichi ly pahen nai paleung by y naimy, amlyh am-e nai leu katheu u.

SAM 69:23

Nichi ly niu pajau y ai nai, mychi i mei paju hai ba! Nichi i akengchi py no hai jojo sy!

THEU NAI 10:27

Areng ly samrang ai paleung tang hai cheng nai deaungkho y, Israela chengchi ai chei ai nai pei y bi nai ne.

THEU NAI 11:10

Naibaly Mosi nini Aron my samrang i mo y rengrang naichi sa pi i py, Areng my samrang i paleung tang hai cheng i Israela chengchi ai, my i pri theung i nai theu ai nai pei y bo.

THEU NAI 14:17

Kai ly Aikupta chengchi ai paleung tang hai nai deaungkho y, nichi ly Israela chengchi nithun hui u kathiu ai. Kai ly samrang hawi vanrei ni i tavaimichi, keaungngo ka-richi ai eaung nai khala ly kai i nang parai nai saichi niu u ai.

THEU NAI 7:3

Na i py kai ly samrang i paleung katang hai ai i, nang i leu tangai ai ny y. Aikupta pri y ka-jei awm parai nai rengrang tlaichi kapatei i py, pathi lawh y ai. Huna nai khala Aikupta pri y kai i sa thai naira patei iy, mipuichi tlang tleaung y pajeng naira len parai nai katym hai ai. Hunaibaly kai i khumi Israela cheng bawibawichi ai Aikupta pri i nai kapahawi ai.

LEU KACHENG 16:30

Nang ai mei meang hai iy, ho amteng na pa-rei panuiyhm hai nai khumi ly hawi y naira dawn khyh nai ne.

Parip nai leu 3:3

padei ai nai neng hawi no hawi sa ai nai neng py, taphra ai nai neng hawi sa palum ai nai neng py awm.

ISAIA 19:22

Areng ly Aikupta chengchi ai pajeng ai nai ne teu i py, nichi i tamo kalemchi tama hai ai. Nichi ly Areng teng y ali teang nai deaungkho y, nichi i hnei takeng nai raawi tangai pi iy, nichi i no-na tama hai ai.

ISAIA 28:13

Huna nai y Areng ly nangchi ai hawihai palai kamsi kamdi, lamrei chum baly lamrei, sairei chum baly sairei patiu pi ai. Hunai deaungkho y nangchi ly kheu takan nai tleirei atlym u ai. Nangchi ly tamo kalem nga iy deaung y man i, patiu nai avum u ai.

ISAIA 29:10

Areng ly nangchi ai rai y naimy i hai vui ai. Amochi ly khumichi i mei lawm ai nai avo teu i py, Tameuh ly nichi i mei tamym pi vui bo.

ISAIA 29:14

Hunai deaungkho y kai ly nichi athang khai y nai patang naira harei chum baly harei tym hai iy, nichi ai jei hyn hai ai. Khumi kachengchi ly khumi hawi y naichi lawm u be iy, nichi i tau cheng nai ngiereichi py, nichi ai ati sai py hawi hai ai ny y,” nanai leu pei bo.

ISAIA 29:9

Nangchi ly tau akhum naimy awm u! Mei paju naimy awm u! Kreip hang nei y naimy pavui u! Amjawnreichy py nei y naimy atlym khikha u!

ISAIA 44:18

Hina nai khumichi ly khri pa-rei akhum nai deaungkho y, mychi ly ati sa nai mo, nanai py apany u y. Kateng niu y, pany y ai nai, mychi i mei hawi paleung katheuchi kho u typ veng bo.

ISAIA 63:17

Kaichi ai ati mana nai y nangmy i reita lam i nai amphri hai vui lawh mo? Ati mana nai y kaichi ai paleung tang hai iy, nang teng i nai hihai vui lawh mo? Nang ai chiu naichi ai dawn pi nai deaungkho y py, nangmy peang jojo nai nangmy i khumichi ai dawn pi nai deaungkho y py, jeu ali teang ba.

JEREMIA 17:9

“Mani khumi ly khumi i paleung pany pajau mo? Khumi i paleung ly ati cheaungkhang tleaung y py akawi reng. Huni paleungra y kahawi sa iy ngo pajau y nai ang vawi awm.

JEREMIA 5:21

Mei awm ta-jai iy niu thai y, kano awm ta-jai iy thai y nai khumi, nangchi khumi ka-khumchi awi, tangai u.

JEREMIA 6:10

Kaimy py, “Kaimy kapany hai iy ami my kai i leu tangai ai mo? Nichi ly kanochi tamym vui iy nang i leu pei naichi tangai ai nai akhi naimy, nang i leu panui hai ai.

TANGAM NAI LEU 3:65

Nichi ai pasawi ly nichi ai paleung phra naira tym hai kyh ba!

ZEKHARIAH 11:15

Areng my kai teng y, “Nang ly vai tlenrei beram typ nai keung kamta so bi rai; vai i ly hawi y nai beram typ keung kamta ne.

ZEKHARIAH 7:11

“Na i py kai i khumichi ly dawndan u y naimy, paleung tang u i, kai i leu tangai u y. Nichi ly mychi i kano tamym u.

MATTHAI 13:15

Ati mana nai mo nabaly hini chengchi i paleung ly kyh chawn veng bo, Nichi i kano py pang panang veng i, Nichi i mei py pasym teang. Ti y baly nichi i mei my niu lawh iy, Nichi i kano my thai lawh ai i, Nichi i paleung my pany thai lawh ai, Naibaly nichi ly hi ali teang lawh iy Nichi ai hawi kaso pi vui lawh na,’ napi.

JOHAN 12:40

“Mymy ly nichi i mei paju hai, nichi i paleung py tang hai; Ti y baly nichi i mei niu lawh na, paleung my py pany thai lawh na: Ti y baly nichi ali teang lawh ai i, kaimy hawi so pi lawh na,” napi.

AMTAW 28:27

hini chengchi i paleung ly kyh chawn veng bo i, Nichi i kano py pang panang veng i, Mychi i mei py pasym teang; Ti y baly nichi i mei my niu lawh iy, Nichi i kano my thai lawh ai i, Nichi i paleung my pany thai lawh ai. Naibaly nichi ly ali teang lawh iy Kai ly nichi ai hawi so pi vui lawh na,’ nanai napi nai ly.

AMTAW 3:19

Hunai deaungkho y nangchi i kamngochi ly tama hai thai ai nai uikhei u ly, ali u teang jau,

II KORINTH 2:16

kamkawm hareichi i vui ly deira y dei ai nai kamui ne; kamkawm takhrachi i vui ly hengra y heng ai nai kamui ne. Hunai kamtachi i vui ly ami pha pajau ai mo?

Leu Thui Nai 2:30

“Na i py samrang Sihon ly achi ai ni i pri theung mang tako prei ai nai pei y. Nangchi i Areng Tameuh my huni samrang i paleung tang hai nai deaungkho y, achi my ni ai tiu pajau vui i, ni i pri peang vui iy vaini khrairei achi ly hu y khuteng sa jo nai ne.

Leu Thui Nai 29:3

Nangchi ly ka-jei awm nai no kanghawichi, Areng my patei nai lyh ai hawi parai nai rengrang ka-ma-rachi py niu u bo.

Leu Thui Nai 29:4

Na i py nangchi niu nai ngiereichi ai pany thai ai nai cheng naira ly vaini khrairei mymy ly nangchi ai pei y.

Leu Thui Nai 31:20

Kai ly nichi i amsi pajochi teng y adeu pi nai kamta, nichi ai paitiu khuta hawi nai pri y kapahawi ai. Nichi ly huni pri y teicha teinei kajeu kawi pa-rei cha ai nai nga u ai i, awmnem naimy awm u ai. Na i py nichi ly kai ai ym y ai i, tameuh takhrachi ai chiu u ai. Nichi ly kai ai khai su iy Kai i Leu Maikawm ai taphra nai deaungkho y,

Leu Thui Nai 32:15

“Areng i khumichi ly nang ra nang ra nai ne, na i py tiu u lawh; nichi ly veung tlang hawi u, teicha teinei kajeu kawi pa-rei cha ai nai nga; mychi ai sa nai keung Tameuh ai khai su iy, sa thai naira awm nai keung ai hi u vui bo.