ISAIA 59:7 - Khumi Common Language Bible

⁷ Nangchi ly hawi y nai sai sairei dawn jojo naimy, kamngo sa ai nai ajeng u keaung na. Kamngo by y nai khumi ai padei ai nai kiu patyh y. Nangchi tym nai meingtym tleirei y, phra nairachi naini awm jo nai ne.

ISAIA 59:7 ပူးပေါင်းရင်းမြစ်များ

LEU KACHENG 1:16

Nichi ly hawi y nairachi sa ai nai panga y; nichi ly khumi padei ai nai avawrei angvei u rym nai ne.

LEU KACHENG 15:26

Areng ly hawi y nai ka-dawnchi ai niu ngai y; na i py leu kamrawichi ai ly kawn nai ne.

LEU KACHENG 24:9

Khumi ka-khum i dawn pasym nai bawibawi ly kamngo sa tamang reng. Amichi i tlang tleaung y mei aniu y nai sa nai khumi ai ly khumichi my niu ngai y nai ne.

ISAIA 15:5

Kai ly Moba pri i vui vo tangam bo! Mipuichi ly Zorath mary Ekalath Shelishija ryrei preang u. Phyrei khumichi ly meikatui tla naimy, Luhith mawi lam kataw lyn u bo. Phyreichi ly paleung si vo hang naimy, Horonam mary mang y preang u nai ne.

ISAIA 32:6

Khumi ka-khum ly ka-khum leu katheu iy, hawi y nai atitichi sa ai nai dawn pasym reng. Ni i sa nai kalop hawi ni i katheu nai leuchi ly Areng ai khumi aniu y nai sa nai ne. Ni ly kajeu alam naichi ai mana khala py pacho y; tui ahai naichi ai mana khala py tui panei y.

ISAIA 55:7

Khumi hawi y naichi ly mymychi i hawi y sa naichi khai su iy, mychi i paleung ka-dawnchi py takhra vui ai nai tla. Nichi ly achi i Areng Tameuh mang y ali u teang ai nai tla. Mymy ly pahen iy law tleaung hai kaliki ai.

ISAIA 59:3

Nangchi ly ka-chawi leu katheu nai, nangchi i kiuchi hawi kiu pajeungchira y thi abawi nai, khumi ai tleh nai, hunichi molam y kamngo awm u nai ne.

ISAIA 60:18

Khrukhra nai katyn katengchi theu ai ny y leang bo. Nang i pri py phra naira avum bi ai ny y. Kai ly mary apai kamta nang ai ama hai iy kang kry ai. Nang py nangmy ai atleu nai molam y kai ai palo ai.

ISAIA 65:2

Paleung tang iy hawi y sa naimy mychi kangai lam y tako reng nai, kai i khumichi ai lamchung ai nai ajeng rym jo nai ne.

ISAIA 66:18

Nichi i sa nai, dawn naichi kai pany. Kai ly pri tlei tleireichira i khumichi ai kachu ai nai kang jeu ai. Nichi ly akachu u nai khala y kai i sa thai naira mana tanrei ham na mo, nanai niu u ai. Mymychi ai pajeng nai keung ly kai naini ne, nanai py pany u ai. Na i py kai ly phyreichi ai tlamsa naira pei ai. Kai ly nichi ai kai i satang thai vai y, kai i sa thai naira len parai nai niu vai y nai

ISAIA 66:4

Hunai deaungkho y kai ly nichi jei u nai ka-jeirachi py, nichi i tlang tleaung y tym hai bo. Hunai kamta tym hai nai ly kaimy palau nai khala y, ami py pathang u y. Kaimy thui nai khala py ami py pathang u y nai deaungkho y ne. Nichi ly kai i leu tangai y, hawi y sa ai naini vawi takhra u lawh,” napi.

JEREMIA 22:17

Na i py nang ly amy i vui dawn khyh nai paleung hawi, amy hawi ai naira naini paleung apei khyh nai ne. Kamngo by y nai khumichi ai padei iy, amy i chengchi ai khrikhri pa-rei ana, nanai Areng my thui bo,” napi.

JEREMIA 41:7

Huni khumichi mary theung y tym phai tym u baly, Ismaela hawi my i khumichi ly huni khumichi ai tleh chauchau iy, veuchi ai ly tuikan theung y aphi u nai ne.

TANGAM NAI LEU 4:13

Na i py huna nai tiu naimy kun nai ly tym chum veng bo. Ati mana nai mo na baly mary i amochi hawi pathyp pi nai keungchi ly kamngo sa tamang u iy, kamngo by y naichi dei u nai deaungkho y ne.

Ezekiela 18:12

Ni ly khumi kamawnchi ai py li-tapawp; ami i yhmtheaung py kamjau kamteang lawm; ka-peaung vawnsaichi py paku teang y; mynchi ai chiu iy amso ngai naichi py sa.

Ezekiela 22:6

Nang teng y awm nai Israela cheng lu sa nai khumi bawibawichi ly mymychi i atho a-ym iy khumichi ai padei u nai ne.

Ezekiela 9:9

Tameuh my, “Israela hawi Juda mipuichi i kamngochi ly khri pa-rei len parai na; nichi ly pri theung i meingtym tleirei y khumi ai padei naichi hawi Jerusalem mary verei y kamngo kawi hai nai y, ‘Areng ly achi pri ai khai su bo, Areng ly achi ai niu ngai y leang bo,’ nanai thui u nai ne.

MIKHA 7:2

Hini pri theung y khumi kahawi, Tameuh ai ka-ym awm nai khumi, nanai leaungrei py by y leang bo. Khumi ai padei ai nai neng ka-pe, khumi luteng ajeng u bo. Amjo amnau tengtawi, leaung leaungrei ai apatym iy apatiu u reng nai ne.

MATTHAI 2:16

Hunaibaly Heroda ly khumi kechengchi my ni ai tapawp nai pany baly khrikhri pa-rei kado theu, naibaly khumi kachengchi teng y deng nai neng pany khyp nai kamta khumichi ai pato i, Bethlehem avang hawi huni tengtang bawibawi i saneng nyhrei akui neampacho deaungdi kangpen chauchau padei bo.

AMTENG HAI NAI 17:6

Naibaly huni neampachy ly khumi kachaichi i thi hawi, Isu deaungkho y dei naichi i thi y pavui nai kaniu. Naibaly kai ly ni ai niu makho makha baly rengrang tlai napi i, khra pa-rei lyh na.