ISAIA 59:2 - Khumi Common Language Bible

² Mymy thai y nai ly nangchi i kamngo nai deaungkho y teu. Nangchi ai Tameuh hawi taprei hai nai py, nangchi i kamngo my ne. Nangchi ly mymy ai chiu ai nai dawn nai khala y, Tameuh hawi nangchi ai taprei nai ly nangmychi i sa nai kamngo my ne.

ISAIA 59:2 ပူးပေါင်းရင်းမြစ်များ

LEU KACHENG 15:29

Areng ly khumi kahawichi i chiu sa nai tangai pi; na i py khumi hawi y naichi i chiu sa nai ai ly dawndan pi y nai ne.

ISAIA 1:15

“Nangchi kiu pheu iy chiu sa u nai khala y, kai ly nangchi mang y hi iy kang khen pi ai ny y. Nangchi i kiuchi ly kamngo thi akau nai deaungkho y, nangchi mana tanrei ham parai naimy chiu sa u teu i py, kang tangai pi ai ny y leang.

ISAIA 50:1

Areng my, “Aju akhai vui nai neampacho kamta kai ly kaimy i khumichi ai kapatheu pawn bo, nanai nangchi athang khai u a? Huna nai akhai lawh baly, akhai nai chachi ly ma mang y awm mo? Amy i cho chanauchi ai miseaung y jo vui nai kamta, kai ly nangchi ai langheng palawn iy jo vui bo, nanai nangchi athang khai u a? Nangchi ai patiu iy hawi pawn nai avum u nai ly nangmychi i kamngolai ne. Nangchi ly nangmychi hawi y sa nai molam y ang patheu nai ne.

ISAIA 57:17

Kai ly nichi i kamngochi hawi, ngaiphi ala naichi molam y kado theu nai, nichi ai kapajeng iy, nichi teng i nai hi pi veng bo. Na i py nichi ly paleung tang naimy, mychi i kangai sa u veangveang nai ne.

ISAIA 58:4

Nangchi biu hai nai ly nangmychi tengtawi avawrei kado theu, ajo athui iy ani u bo. Hina nai kamta nangchi chiu sa hnei takeng u nai ly kaimy kang tangai pi ai, nanai nangchi athang khai u a?

JEREMIA 5:25

Nangchi i sa tamang nai hawi kamngochi my ly amtheaung nairachi paka vui iy, nangchi teng i nai amphri hai veng bo.

TANGAM NAI LEU 1:8

Ni i tahm awm nai ly tama vui bo; ni ly tlang ka-keu hawi amso ngailai nai lawm bo. Ni ly tangam i, kaji nai deaungkho y, my i meimai tamym bo. Jerusalem mary ly hawi y keh nai kamngo sa nai deaungkho y, mymy ai mymy naimy chai hai y nai ne.

Ezekiela 39:29

Kai ly kaimy i khumi Israela chengchi tlang tleaung y kai i phailo lei pi ai. Nichi ai mana khala py kai nithun thun bi ai ny y. Hini ly sa thai naira angym nai kai, Areng my pei nai leu ne,” napi.

MIKHA 3:4

Nangchi ly Areng teng y vo naimy hnei takeng nai neng tym ai. Na i py mymy ly nangchi ai pathang pi ai ny y. Nangchi ly hawi y naira sa nai deaungkho y, mymy ly nangchi i hnei takeng nai raawi tangai pi ai ny y.

JOSUA 7:11

Israela chengchi ly kamngo sa u bo. Nichi ly kai i leu pei nai tangai u y. Nichi ly taphra pawn ai nai vawnsai phyrei um paviu u lawh. Huni vawnsaichi paviu iy, ka-chawi thui naimy, mychi i vawnsaichi hawi vanrei khai u bo.

1 SAMUELA 4:3

Dei y nai tavaimichi ly tai nai meingtym y tym u teang nai khala, Israela lu sa nai keungchi my, “Areng ly ati mana nai deaungkho y, vaini achi ai Philistia chengchi teng y sum hai lawh mo? Achi ly Siloh mary y awm nai Areng i Leu Maikawm Pawm lo u sina; naibaly mymy ly achi hawi vanrei chei ai i, paleung ka-echi teng i nai achi ai atleu ai,” nanai thui u bo.