ISAIA 59:18 - Khumi Common Language Bible

¹⁸ Mymychi i kamngo nai molam y pajeng ai. Mymy i paleung ka-echi ly kado theu naira avum iy hawi nai, hawi y nai kham ai. Pri kamlo y awm u nai khumichi malawn py, huni pajeng naira lawi lawh ai ny y.

ISAIA 59:18 ပူးပေါင်းရင်းမြစ်များ

JOBA 34:11

Mymy ly khumichi ai mymychi i sa nai kamlau, hawi nai hawi y nai pei iy, nichi nga ai ataing nai ryrei, avum hai reng nai ne.

SAM 62:12

Aw Areng, nang ly nangmy kypkyp naimy, khumi bawibawichi ai mychi i atiti sa naira y hawi nai, hawi y nai vang pei pi nai ne.

ISAIA 1:24

Hunai deaungkho y sa thai naira angym nai Israela chengchi i Tameuh, ati cheaungkhang sa thai nai keung Areng my leu pei nai vai, tangai ba. Mymy ly “Kai ly kaimy i paleung ka-e napi nai nangchi ai vawitheung tha ai i, nangchi ly kai ai mana mo i py, khrukhra hai pajau ai ny y.

ISAIA 35:4

Paleung phra atho di nai khumi bawibawichi teng y, “Khaw parai naimy awm u! Tameuh ly nangchi ai atleu ai nai ang jeu ai; nangchi i paleung ka-echi ai py vawitheung tha ai,” nanai thui pi u.

ISAIA 40:10

Ati cheaungkhang sa thai nai Areng ly mymy atleu nai khumichi aipalau iy, sa thai naira hawi peang ai nai ang jeu ai.

ISAIA 49:4

“Kai ly kalopchi kasa, na i py ati sai py ny y lawh! Kai ly atho naini kakheih teu ni ly ati sai py amcheang y, nanai katheu bo. Na i py kai ly kaimy i kalopchi amsym ai nai Areng ai ym na sy. Mymy ly kai i sa nai kalop molam y, kawn vangchi ang pei ai.

ISAIA 63:3

Areng my, “Kai ly khumi cheng cheaungkhangchi ai kreip athaichi kamta, ati piu veng bo. Ami py kai ai sabawm ai nai jeu y. Kai ly kado theu nai deaungkho y, nichi ai ati piu naira y kai i ateaungchi ly nichi i thi abawi nai ne.

ISAIA 63:6

Kai ly kaimy i kado theu nai ryrei my, khumi cheng cheaungkhangchi ai ati iy katamyh bo. Nichi i thi ai ly khaileaung y kaleih jawn bo,” napi.

ISAIA 65:6

“Nichi i tlang tleaung y ati mana kapajeng ai mo, nanai kai ly dawn yb veng bo. Nichi i vui pajeng ai nai py tajiu yb bo. Kai ly nichi i sa naichi ai khen teu ai ny y.

ISAIA 65:7

Nichi i kamngolai py, nichi i amsi pajochi i kamngolai py, vawitheung katha hai ai. Nichi ly mawi salo i mynchi ai chiu nai meingtymra y mui katuichi leng patlum iy, kai ai cheh u bo. Hunai deaungkho y nichi ai kamngo ka-taing kapajeng ai,” napi.

ISAIA 66:14

Hina naichi niu nai khala y nangchi ly amo theu u iy, tlang atho awm ai. Naibaly Areng ly mymy i leu tangai nai khumichi ai sabawm iy, paleung ka-echi ai ly kado theu naira tym hai bo, nanai nangchi pany u ai,” napi.

ISAIA 66:15

Areng ly mai kangveaung atang iy ang jeu ai. Mymy ly my i kado theu hai nai khumichi ai pajeng ai nai, ali lengli atang iy ang jeu ai.

ISAIA 66:6

Tangai u! mary theung y kadosum nanai katyn, Achura yhm theung i katyn ly Areng my paleung ka-echi ai pajeng nai katyn ne na a!

JEREMIA 17:10

Kai Areng ly khumi i paleung awm nai sai khen patawm thai. Paleung ka-dawn ai py cham reng nai ne. Kai ly khumi bawibawichi ai nichi i sa nai molam y mychi i ka-tan hawi nai hawi y nai pei ai,” napi.

JEREMIA 32:19

Nang i ka-dawnchi ly lyh ai hawi parai iy, sa naichi py len parai tlai nai ne. Nang ly khumichi i sa nai ngiereichi ai niu nai ne i, nichi ai mychi i sa nai kamta kawn vang pei pi bo.

JEREMIA 50:15

Mary tengpang sahawi y tavai atiu nai katynchi aeu u! Vai Babulon mary ly kasum apei veng bo. Mary apaichi ly anawi seaungkhrang veng bo. Kai ly Babulon chengchi ai vawitheung katha nai ne i, nangchi ly nichi i tlang tleaung y vawitheung tha u. Khumi takhrachi ai nichi my sa nai kamta, nichi ai py so u teang.

JEREMIA 50:29

“Babulon mary y tiu ai nai thailiho pa nai khumichi ai thui pi u. Thailiho teaung kawp nai khumi ngiereichi ai pato u. Mary ai katan u meuh; leaungrei py tleaung moh sy. Huni mary i khumichi ai vawitheung tha u. Nichi ly khumi takhrachi ai sa nai kamta, nichi ai py so u teang. Ati mana nai mo nabaly nichi ly Israela chengchi i chai parai nai keung kai ai amlyh am-e naimy ka-awi sa u nai ne.

TANGAM NAI LEU 4:11

Areng ly mymy i khri pa-rei kado theu nai haiho angym pa-rei tym hai bo. Mymy ly Zion mary y mai paeng iy, huni mary ai maidym saprawi lawm hai bo.

Ezekiela 23:49

Amjo amnau ni awi, kai ly nangni i hawi y sa nai hawi, myn chiu nai kamngochi molam y, nangni ai kang pajeng ai. Naibaly kai ly sa thai naira angym nai Areng ne, nanai nangni pany hawi ai,” napi.

Ezekiela 38:18

Sa thai naira angym nai Areng my, “Israela pri ai Koka my tiu nai kani y, kai ly khrikhri pa-rei kado theu ai.

Ezekiela 5:13

Nang ly kai i kado theu nai rym y nai ryrei ly kai i kado theu naira angym pa-rei avum ai. Kai Areng ly nang i ka-ym by y nai molam y kado theu nai ne i, hina nai leu kang pei nai ai nang ly hini atitichi tym nai khala pany thai ai.

Ezekiela 6:12

Kamlo y tym nai khumichi ly no-na y dei u ai i, kang sa i khumichi ly tavai keung y dei u ai. Dei kamthumchi ly kajeu kanglam y dei u ai. Nichi ly kai i khri pa-rei kado thau nai angym pa-rei avum u ai.

JOELA 3:4

Turu mary, Sidon mary hawi Philistia pri meingtym tleirei i khumichi awi, nangchi ly kai ai ati sa ai nai atho sa u nai mo? Kai ai vawitheung tha ai nai atho sa u nai a? Huna nai atho sa u lawh baly, kai ly nangchi ai vawitheung tha manme ai!

Levi 26:28

kai ly kado theu kang tlau ai i, vaichi khala i tleaung y ty keh nai pajeng naira phy tlen saryhrei kang tym hai panawi bi ai.

NAHUM 1:2

Areng Tameuh ly mymy ai ka-keng ka-awi sa naichi ai kham pi ai ny y; mymy ly ka-awi sa nai khumichi ai pajeng nai ne. Kado theu iy nichi i tlang tleaung y vawitheung tha bo.

MATTHAI 16:27

Naibaly Khumi i Chapo ly mymy i kani pri i amtaw thau naichi hawi Ampo i nang parai naira apu naimy ang jeu ai, hunai khala y ly khumi leaung leaungrei ai ni i atiti sa nai kamta heung teang ai.

LUKA 19:27

Na i py hini kai ai tiu nai keungchi, mychi ai peang ai nai kai ai ngai y nai khumichi ai ly pahawi u ly, kai i mo y padei u,’ nanai,” napi.

LUKA 21:22

Satang tajiu nai bawibawi ly tym thai ai nai, huni kani ly vawitheung tha nai kani ne.

ROM AVANGCHI TENG Y PAWLA I CHA PA NAI 2:6

Mymy ly khumi leaung leaungrei ai mymy i atiti sa nai kamta chih pi ai;

Leu Thui Nai 32:41

Kai ly sadi nanai haisau kata iy, meitang naimy tara chih ai. Kai i paleung ka-echi ai vawitheung tha iy kai ai niu ngai y naichi ai ly pajeng ai.

Leu Thui Nai 7:10

Na i py mymy ai niu ngai y nai khumichi teng y, mymy i pajeng naira ly patyh vai y leang.

AMTENG HAI NAI 16:19

Naibaly avang pui my ly phy thomrei lawn i, cheng cheaungkhangchi i avangchi py anawi be bo; naibaly mymy i kado theu nai ka-teng ny y nai kreip athai hang khau ly huni teng y tuih ai nai, Babulon avang pui ly Tameuh i mo y pany jo nai awm bo.

AMTENG HAI NAI 19:15

Naibaly cheng cheaungkhangchi ai tamo nga hai ai nai, mymy labeaung i dengdairei haisau kachiu theu bo; naibaly mymy ly nichi ai tamo cheaungvawi y peang ai: ni ly Atiti py Sa Thai Nai Tameuh i kado theu nai ka-teng ny y nai kreip athai ati nai angawm y ly ati nai ne.