ISAIA 59:13 - Khumi Common Language Bible

¹³ Kaichi ly nang ai tiu u lawh; nang ai khai su iy, nang i nithun abang ai nai akhi u bo. Kaichi ly khumi takhrachi ai pahyp y naimy ana iy, nang ai py tiu u lawh bo. Kaichi i ka-dawn teng y, kaichi i leu py ka-chawi ne.

ISAIA 59:13 ပူးပေါင်းရင်းမြစ်များ

JOBA 31:28

Hini kamngo ly ati cheaungkhang sa thai nai Tameuh ai khai su nai lawm i, padei ai ataing nai kamngo ne.

SAM 18:21

Kai ly Areng i reita leu tangai bo; kaimy i Tameuh teng i dengdairei hi vui y leang.

SAM 78:36

Na i py nichi ly mymy ai labeaung mang palo hawp iy, palai hawi tapawp naimy hnei u nai ne.

LEU KACHENG 30:9

Kai ly ngai nai tleaung y nga panawi lawh teu baly, nang ai khai su lawh na. Kamawn lawm lawh teu baly kangviu kasa ai i, kai ly Tameuh i amyn amso ngai hai lawh ai.

ISAIA 10:1

Nangchi ly taham si! Kai i khumichi ai ana ai nai, teng y nai reitachi sa u bo.

ISAIA 30:12

Na i py Israela chengchi i chai parai nai Tameuh my, “Nangchi ly kai i leu tahm khai u y naimy, khrukhra naira hawi tapawp naira naini a-ym u bo.

ISAIA 31:6

Areng my, “Aw Israela chengchi awi, nangchi ly kai i tlang tleaung y kamngo sa iy, ka-awi sa u. Na i py vai, kai teng y ali u teang jau!

ISAIA 32:6

Khumi ka-khum ly ka-khum leu katheu iy, hawi y nai atitichi sa ai nai dawn pasym reng. Ni i sa nai kalop hawi ni i katheu nai leuchi ly Areng ai khumi aniu y nai sa nai ne. Ni ly kajeu alam naichi ai mana khala py pacho y; tui ahai naichi ai mana khala py tui panei y.

ISAIA 48:8

Nangchi ai ym ai nai aso y nai py, nangchi ly tapen khyp khala i ka-so langmeang thau naichi ne, nanai amthang nai py kapany. Naibaly hini atiti satangchi ai, nangchi ly mana khala py thai y, pany kawp y. Vaichi khala my nangchi ly kano thai y.

ISAIA 5:7

Israela pri ly ati cheaungkhang sa thai nai Areng i kreip akhobai ne; Juda khumichi ly mymy i ui nai kreip keungchi ne. Nichi ly kahawi sa ai, nanai mymy ly athang khai; na i py nichi ly khumichi ai padei u nai ne. Nichi ly hawi nairachi sa ai, nanai mymy ly athang khai; Na i py nichi my ana naira avum nai khumichi ly adyh adawi naira nga ai nai aeu u nai ne.

ISAIA 57:11

Areng my, “Kai ai tapawp iy tami vui nai, pany y vui na pa-rei, nangchi jei u nai tameuhchi ly amichi mo? Kai ly kra parai pa-rei tynkryh y naimy awm nai deaungkho y, nangchi ly kai ai jei y nai awm u nai a?

ISAIA 58:13

Areng my, “Nangchi ly Anawn kani ai kani kachai, nanai khai takhra iy, huni kani y amy i vui kamran nga ai nai kalopchi so u y ai nabaly, nangchi ly nangmychi kangai khuleaung chei nai, nangmychi kangai kalop sa nai, ti y baly ati sai py ny y nai leuchi katheu nai, hunichi amkyn iy kai i kani kachai ai tahm khai u ai nabaly,

ISAIA 58:2

Nichi ly kai i reita sa patawm bo, nanai hawi, lam kateng sa bo, nanai py thui u iy, kai ai kani tleirei chiu u. Kai i parip nai saichi pany ai nai ngai u. Nichi ly kai ai chiu ai nai ngai u i, kai teng i leu meitang reitachi hnei u bo.

ISAIA 58:9

Nangchi chiu sa nai khala y tangai pi ai. Nangchi kasabawmra hnei nai khala y kang pathang pi ai. “Nangchi ly pahyp y naimy ana naichi anawn iy, teng y naimy neng hai nai amkyn khala, chai y nai leu ngiereichi khai su;

JEREMIA 12:8

Kaimy vawi takhra nai kai i yhmtheaung kamtymchi ly daichi theung i khrangsichi kamta, kai ai ang tiu u lawh bo. Nichi ly kai ai ang hang hai nai deaungkho y, kai ly nichi ai kaniu ngai y bo.

JEREMIA 17:13

Aw Areng, nang ly Israela chengchi i athang khai naira ne. Nang ai khai su nai ngiereichi ly kangji nga u ai. Nichi ly hengra tuino, napi nai Areng nang ai khai su nai deaungkho y, spryhra y tajiu nai amynchi kamta, tama u pawn ai.

JEREMIA 2:13

Kai i khumichi ly heng nai tuino, napi nai kai ai khai su iy tui atang y nai akosyn nai tui kadengra tuikanchi sa u iy, kamngo amjy nyhrei sa tamang u bo.

JEREMIA 2:16

Memphi mary i khumichi hawi Tapan mary i khumichi ly nang i lu keuru ai khei u bo.

JEREMIA 2:17

Aw Israela, hini kalop ly nang i sa nai kalop ne na a! Kai ly nang ai lam patei iy kang pahawi nai thym khala y, kai, Areng ai khai u su bo.

JEREMIA 3:10

Hina nai kalopchi sa chum baly Israela i tuicho ka-ym by y nai Juda ly kai teng y ali teang bo. Paleung pipi apei y, ngai ka-awi sa iy jeu nai ne. Hini ly kai, Areng i thui nai leu ne,” napi.

JEREMIA 3:20

Na i py aw Israela, nang ly ka-ym by y nai aju kamta, kai i leu tangai y lawh bo. Hini ly kai Areng i thui nai leu ne.”

JEREMIA 32:40

Kai ly nichi hawi deungtasarei Leu Maikawm asa ai. Nichi ai amtheaung hai jojo ai. Nichi ly kai ai mana khala py khai su y ai nai, nichi i paleung theung y kai ai jei kaji naimy tahm khai nai paleung ka-dawn nga hai ai.

JEREMIA 42:20

Nangchi ly khrikhri pa-rei tamang u bo, nanai vai, nangchi teng y pany hai bo. Nangchi ly ‘Kaichi i vui Areng Tameuh teng y chiu so pi kyh ba. Nang teng y leu pei nai ngiereichi py, kaichi teng y thui pi pateang ba. Kaichi ly mymy i leu pei nai kamta sa ai,’ nanai thui ai nai kai ai nangchi i Areng Tameuh teng y pato u bo.

JEREMIA 5:23

Na i py nangchi khumi mipuichi awi, nangchi ly paleung tang iy tiu ai nai lam amphri vui i, kai teng i nai theu u veng bo.

Ezekiela 18:25

“Na i py nangchi my, ‘Areng i sa nai ly teng y,’ nanai thui u bo. Aw Israela chengchi awi, kai i thui nai leu tangai u. Nangchi my kai i sa nai sai teng y, nanai athang khai u nai sai a? Teng y nai saichi ly nangchi i sa naichi teu.

Ezekiela 6:9

Nichi ly huni meingtym y pri palara avum nai khumi kamta awm u ai. Huna nai khala law tleaung nai khumichi ly kai ai pany u ai. Mymychi i ka-ym by y nai paleung hawi kai ai khai su iy, mynchi ai kai tleaung y paleung bie u keh nai deaungkho y, kai ly mana tanrei paleung si na mo, nanai pany u ai. Hunaibaly mymychi i sa nai hawi y naichi molam y mymychi naimy apaso u ai.

HOSEA 1:2

Areng ly Hosea dengdairei, Israela chengchi teng y leu pei manme nai ly “Nang ly chei iy neampachy leaungrei hawi yhmtheaung so ba. Nang i aju ly ka-ym by y nai neampachy ne ai. Nang i cho chanau py, nang i aju kamta ka-ym by y naichi lawm ai. Kai i khumichi py huna nai kamta, kai ai khai su iy leu atangai u y nai ne,” napi.

HOSEA 11:12

Areng my, “Israela khumichi ly kai ai ka-chawi thui iy tapawp u bo. Juda khumichi ly chai parai nai hawi ka-ym awm nai kai, Tameuh ai vai khrairei tiu u nai ne.

HOSEA 6:7

“Na i py nichi ly kai hawi sa nai Leu Maikawm ai Adam kamta taphra iy, kai i tlang tleaung y ka-ym by y bo.

HOSEA 7:1

“Kai i khumichi ai nang chawn hai teang iy, Israela khumichi i no-na tama hai ai ngai nai tleirei y, kai ly nichi i hawi y nai hawi kamngo sa nai ai naini kaniu nai ne. Nichi ly mychi tengtawi atapawp u leungtang nai ne. Yhmchi ateng vau iy yhmtheaung katuichi paviu u. Lam aki aleaung naichi teng i py lawm u bo.

HOSEA 7:13

“Nichi ly pajeng naira avum u bo! Kai ai khai su iy ang tiu u lawh bo. Hunai deaungkho y nichi ly phra naira avum u ai. Kai ly nichi ai atleu ai nai ngai teu i py, nichi ly kai ai hawihai palai chiu u y, li-tapawp iy chiu u lawh.

AMOS 6:12

Keaungngochi ly lengseaung salo y angpreng reng a? Khumi ly si katai hawi pangli salo y li thawn vai sai a? Tuteu i malawn py nangchi ly adyh adawi naira ai dei asi kamta py, kateng ai teng y naira mang y py, tamang hai nai ne.

MATTHAI 10:33

Na i py ami py amichi i mo y kai ai apha nai ngierei ai ly kani pri mang i Ngaai i mo y kaimy apha hai teang ai.

TITA 1:16

Nichi ly, “Kaichi Tameuh ai pany,” na naimy asa u bo; na i py nichi ly amso awm nai hawi, leu tangai y nai hawi, atiti kahawi sa naira y pipi chawn y nai khumi py ne nai deaungkho y, nichi i atiti sa nai ly mymy ai apha u lawh.

HEBRAI 3:12

Amjo amnauchi awi, amkym u, ti y baly Tameuh kangheng ai ly hi vui ai nai nangchi theung y ami py ym y nai paleung kamngo awm lawh na:

JAKOB 1:15

Naibaly ngai phi teng y naira ly pawm i kamngo tapen: naibaly kamngo ly cheang iy dei naira tapen bi.

JAKOB 3:6

Naibaly palai ly mai ne; achi i tlang kangpreichi theung y hawi y reng naira ly palai ne:huni ly tlang bomrei chai hai y i, khaileaung pri ai kang hai, naibaly ngari angawm ly palai ai kang hai teang.

JOSUA 24:27

Josua my khumi bawibawichi teng y, “Hini lengseaung ly achi i vui pany hai naira lawm ai. Achi teng y Areng my leu pei nai ngiereichi ai, hini lengseaung ly thai ai. Hunai deaungkho y nangchi ly nangchi i Tameuh ai tiu lawh baly, hini lengseaung ly pany hai naira lawm ai,” nanai leu pei bo.