ISAIA 59:12 - Khumi Common Language Bible

¹² “Aw Areng, nang i tlang tleaung y kaichi i sa tamang nai kamngochi ly nawi parai nai ne. Huni kamngochi my kaichi ai neng hai nai deaungkho y, kaichi ly kaimychi i kamngochi hawihai palai apany u bo.

ISAIA 59:12 ပူးပေါင်းရင်းမြစ်များ

EZARA 9:13

Kaichi ly kaimychi i kamngo nai molam y hina tanrei pajeng naira avum u teu i py, aw kaichi i Tameuh, nang ly kaichi i tlang tleaung y pajeng ai nai avo khyp teu i py, nang i pahen nai saho y tlang vui tem hai y nai ne, nanai kaichi pany.

EZARA 9:6

Kai ly “Aw Tameuh, kaichi i kamngo ly kaichi i lu um nanai pa-rei nawi na bo. Huni kamngochi ly kani mang y angteu na bo.

NEHEMIA 9:33

Kaichi i tlang tleaung y nangmy pajengra tym hai nai ly hawi khyp nai bo; kaichi ly kamngo sa tamang u teu i py, nang ly ka-ym awm nai ne.

SAM 51:3

Kai ly kaimy i tamang naichi ahui bo; kaimy i kamngochi py kapany jo nai ne.

ISAIA 1:4

Nangchi kamngo sa nai khumichi awi, sa tamang reng nai khumi kamngochi awi! nangchi ly taham si u bo. Nangchi ai ly kamngo mynji my ang ti cheng na lawh bo ly! Israela chengchi i chai parai nai Areng Tameuh ai khai su iy, mymy ai nithun thun u vui bo.

ISAIA 3:9

Nichi i meimai awm nai sai my nichi teng y kamngo awm, nanai amny hai bo. Sodom mary i khumichi kamta, nichi ly kamngo amteng na pa-rei sa tamang u. Nichi ly taham si u bo. Mychi phra tleaung phra ra nai ly mychi naimy sa u nai ne.

ISAIA 58:1

Areng my, “Baw katyn pajeng thai ryrei eng nai kamta aeu! Kai i khumichi teng y mychi i kamngo nai sai thui pi!

ISAIA 64:4

Nangmy ai kadeaung u nai khumichi i vui y, hina nai kalopchi ai nang kamta sa pi nai Tameuh ai ly ami py niu vai y. Huni Tameuh satang thai py thai vai y.

JEREMIA 14:7

Kai i khumichi my kai teng y, ‘Kaichi ly kaimychi i kamngo my thui tamawn teu i py, aw Areng, kaichi ai nangmy i amyn y sabawm kyh ba. Kaichi ly nang ai avaw avawrei, nithun kathun u bo. Nang i tlang tleaung y kamngo kasa u lawh bo,’ nanai aeu u.

JEREMIA 3:2

Mawi saleungchi ai khen angdeang u. Bima kamta nang so vai y naichi awm a? Arab cheng ly daichi ka-vym y lawm ai nai amo yb nai kamta, nang ly lam tengchira y tavawichi ai ajeng bo. Nang ly nangmy i hawi y nai kamleaung kalop hawi, hini pri y chai hai y nai ne.

Ezekiela 5:6

Na i py huni Jerusalem mary i khumichi ly kai i leu pei naichi tangai y iy, cheng takhrachi tleaung y malawn py hawi y keh bo. Nichi ly tengpang sahawi prichira i khumichi tleaung y py, kai i reita ai akhi u bo. Jerusalem mary i khumichi ly kai i leu pei naichi khai su iy, kai i reita py patawm u y.

Ezekiela 7:16

Heng rai nai khumichi ly apryn buhu kamta tangam naimy leaunghawi theung i dengdairei, mawi mang y preang u ai. Khumi bawibawichi ly mymychi i kamngo molam y vo u ai.

Ezekiela 7:23

Pri theung y khumi ai padei naichi hawi, marychira y khrukhra nairachi py kawi nanai deaungkho y, meingtym tleirei y khru nganglang naimy awm ai

HOSEA 4:2

Nichi ly leu meitang teaung y nai, ka-chawi thui nai, khumi ai padei nai, ami i yhmtheaung paviu nai, ami i aju chanau ai taphra nai, hunichi sa nai ne. Reita ai dawndan y nai awm ngaulau iy, khumichi ai avaw avawrei padei u bo.

HOSEA 5:5

Israela khumichi i paleung len amlyh nai sai ly mychi i vui pany hai ai. Nichi ly mychi i kamngo molam y atlym u nai ne. Juda khumichi py, nichi hawi vanrei atlym u bo.

HOSEA 7:10

Israela khumichi i paleung len amlyh am-e nai ly nichi phra ai nai ka-ma-ra ne. Nichi ly hina nai leaungsaichi hawi avum teu i py, nichi i Tameuh kai, Areng teng y vawi u y.

HABAKKUK 1:4

Tara leu reita ly atho di iy teaung ai nai ngo y nai deaungkho y, mana khala py adyh adawi pa-rei chih u thai y. Khumi hawi y naichi ly khumi kahawichi ai kamjau nga u nai deaungkho y, tara chih nai ly tamang khikha na bo.

Kati Nai 32:23

Na i py nangchi ly leu adeu nai taphra baly, Areng i tlang tleaung y sa tamang nai lawm ai. Huna nai khala nangchi ly pajeng naira avum takengkei ai. Hini molam y tamang u moh.