ISAIA 59:11 - Khumi Common Language Bible

¹¹ Kaichi ly jei hyn naimy paleung mawn naira avum u nai ne. Kaimychi ai ana naichi kiu i nai atleu ai nai, Tameuh ai kadeaung u teu i py, khri pa-rei akhan na i, atyhtyh teu bo.

ISAIA 59:11 ပူးပေါင်းရင်းမြစ်များ

SAM 119:150

Kai ai pahyp y naimy ana nai khumichi ly sa hawi y ang tym dudu bo; nichi ly nang i reita leu mang y abang u y nai khumichi ne.

SAM 119:155

Khumi aso y naichi ly nang i reita leu pei naichi tangai u y nai deaungkho y, nang ly nichi ai atleu pi ai ny y.

SAM 38:8

Kai ly paleung ka-dawn akawm i, atho bai nai khikhe na bo. Kai ly paleung akawm naimy no patang nai y, tangam nai ne,

SAM 55:2

Kai i hnei takeng nai tangai iy, pathang pi kyh ba; kai ly paleung bi, paleung mawn naichi hawimy, atho khei na bo.

SAM 85:9

Mymy ly mymy ai jei kaji naimy tahm khai nai khumichi ai atleu takengkei ai nai ly angchi yb nai ne.

ISAIA 38:14

Kai i raawi ly ahyn thlyhthlyh na; kai ly buhu kamta katangam bo. Kani mang y khen angdeang nai nawi ala nai deaungkho y, kai i mei khohai na bo. Aw Areng, hini patangra i nai kai ai atleu pi kyh ba.

ISAIA 51:20

Nang i khumichi ly atho di nai molam y, lam sangum tleirei y atlym u bo. Nichi ly mawi sara i pyra y man nai sisiu kamta atawm ai. Nichi ly Tameuh i kado theu nai haiho avum u ai.

ISAIA 59:14

Adyh adawi naira ly kamlo y paryh nai avum iy, kateng lam py sahawi y ahai pajau y. Tara chih nai meingtymchira y kateng lam by y. Ka-ym awm naira ly khaw pajau y.

ISAIA 59:8

Nangchi tym u nai thym khala py, ami py awmnem naira by y. Nangchi i sa nai kalop ngiereichi ly kateng lam ny y. Nangchi ly lam ka-kawi mang y tako u reng. Huni lam y tako nai ngiereichi ly mana khala py, awmnem naira awm ai ny y.

ISAIA 59:9

Khumichi my, “Tameuh ly achi ai ana nai khumichi kiu i nai, ati mana nai y atleu y lawh mo, nanai vai, achi pany bo. Achi ly amychi tako ai nai lam i vui y, kangvang ai kadeaung teu i py, kaveng naini avum u ra khyh.

JEREMIA 8:15

Achi ly tlamsa ai nai athang khai u teu i py, atyhtyh teu bo; noso aho ai nai athang khai u teu i py, ka-jeira naini nga u lawh nai ne.

JEREMIA 9:1

Kai ly dei naira avum nai kai i chengchi i vui vum kanithun vo pajau ai nai kai i meichi ly meikatui ly tuino kamta py, kai i lu ly tuikan kamta py, lawm ai ngai parai na bo.

TANGAM NAI LEU 3:17

Kai ly noso aho nai, tlamsa nai hawi amo theu nai py, katami pawn veng bo.

Ezekiela 7:16

Heng rai nai khumichi ly apryn buhu kamta tangam naimy leaunghawi theung i dengdairei, mawi mang y preang u ai. Khumi bawibawichi ly mymychi i kamngo molam y vo u ai.

HOSEA 7:14

Nichi ly ym tatang nai paleung hawi chiu so u y. Amymy ai atlym hai iy, aeu naimy tangam u bo. Nichi ly choh bai palo hawi kreip hang nga ai nai chiu sa nai khala y, myn y chiu nai khumichi kamta, amymy ai tamo kalem nga hai iy, hnei takeng reng. Nichi ly kai ai tiu u lawh ly!

NAHUM 2:7

Samrangnu ai ly patiu veng bo; ni i aheaung apaichi ly buhuchi kamta, vo tangam u. Nichi ly paleung si nai deaungkho y, mymychi i paleung y atum u ryry bo.

NAHUM 2:8

Tui kam-eng leaung fau nai tui kamta, khumichi ly Ninevi mary i dengdairei, athorei my preang u bo! Nichi ai, Anawn! Anawn!” nanai aeu bo; na i py khen alengli teang y.