ISAIA 58:9 - Khumi Common Language Bible

⁹ Nangchi chiu sa nai khala y tangai pi ai. Nangchi kasabawmra hnei nai khala y kang pathang pi ai. “Nangchi ly pahyp y naimy ana naichi anawn iy, teng y naimy neng hai nai amkyn khala, chai y nai leu ngiereichi khai su;

ISAIA 58:9 ပူးပေါင်းရင်းမြစ်များ

ATITI AWM ANGCHEI NAI 27:18

Naibaly Jakob ly ampo teng y chei iy, “Ngaai awi!” nanai palau. Ampo my, “Deang awi, kai hi y awm napi iy, “Nang ly chapo kalen a, katheang a?” napi.

JOBA 22:27

Mymy ly nang i chiu sa nai khala, ang tangai pi ai. Nang ly mymy i adeu yb nai kamta, ka-ymra lawm pajau ai.

SAM 118:5

Kai ly khri pa-rei patang naira avum nai deaungkho y, Areng teng y chiu kasa; mymy py pathang i, kai ai lawi naira nga hai bo.

SAM 12:2

Khumi bawibawichi ly leaung leaungrei ai atapawp u leungtang iy, apalo u naimy li-tapawp u bo.

SAM 145:18

Nang ly nangmy ai paleung hawi verei palau nai hawi, chiu sa nai khumi bawibawichi sahawi y awm.

SAM 20:6

Areng ly mymy i khai takhra pi nai samrang ai tavai eaung naira pei, nanai vai ly kai pany bo. Mymy ly nang i hnei takeng nai ai kani pri meingtym kachai mang dengdairei thai i, sa thai naira hawimy nang ai eaung nai pawi puichi ang pei bo.

SAM 37:4

Areng teng y amo theu naira hau; hunaibaly mymy ly nang i ngai nai angym hai ai.

SAM 50:15

Patang naira avum nai neng khala, kai teng y chiu so u; kai ly nangchi ai atleu ai. Nangchi my py kai ai palo u ai,” nanai leu pei bo.

SAM 91:15

Nichi my kai ai palau nai khala y, kai ly pathang pi ai; nichi patang naira avum nai khala y, kai ly nichi hawi vanrei awm ai; kai ly nichi ai atleu iy tahm pasang ai.

LEU KACHENG 6:13

Nichi ly mei meang hai naimy, kiu kheu palie hai naimy, nangchi ai parawi reng nai ne.

ISAIA 1:15

“Nangchi kiu pheu iy chiu sa u nai khala y, kai ly nangchi mang y hi iy kang khen pi ai ny y. Nangchi i kiuchi ly kamngo thi akau nai deaungkho y, nangchi mana tanrei ham parai naimy chiu sa u teu i py, kang tangai pi ai ny y leang.

ISAIA 30:19

Jerusalem mary y awm nai khumichi awi, nangchi ly vo pi u ai ny y. Areng ly pahen nai ne. Sabawm naira nga ai nai mymy teng y nangchi a-au u nai khala y, mymy ly tangai iy pathang pi ai.

ISAIA 55:6

Areng ly vai, nangchi sahawi y awm; mymy mang y hi iy hnei takeng u.

ISAIA 57:4

Nangchi ly ami ai panui hai u nai mo? Tapawp nai khumichi awi, nangchi ly ami ai thui tamawn u nai mo?

ISAIA 58:6

“Kai i kawn nai biu hai nai ly pahyp y naimy ana nai ka-dawnchi khai su nai, peang nai sai teng y nai ai khai su nai, ana naira avum naichi ai atleu nai,

ISAIA 59:1

Areng ly nangchi ai atleu pajau y na pa-rei atho di nai ny y. Nangchi kasabawmra nga ai nai aeu iy, hnei takeng nai raawi thai y na pa-rei kano pang y leang!

ISAIA 59:13

Kaichi ly nang ai tiu u lawh; nang ai khai su iy, nang i nithun abang ai nai akhi u bo. Kaichi ly khumi takhrachi ai pahyp y naimy ana iy, nang ai py tiu u lawh bo. Kaichi i ka-dawn teng y, kaichi i leu py ka-chawi ne.

ISAIA 65:24

Nichi i kai ai chiu nai tem y rai khala my, kai ly nichi i hnei nai pathang pi ai.

TANGAM NAI LEU 3:57

Kai ai jei moh, nanai pathang pi bo.

Ezekiela 13:8

Naibaly nichi teng y sa thai naira awm nai Areng Tameuh my leu pei nai ly “Nangchi i leu ly teng y leang; nangchi i paleung mei y niu naichi ly li-tapawp naichi teu, kai ly nangchi ai ka-awi sa nai ne, nanai kai, Areng my leu kang pei bo.

DANIELA 9:20

Kai ly chiu sa bi i, kaimy i kamngochi py, kaimy i khumi Israela chengchi i kamngochi py, ahui naimy nang i chai parai nai Achura yhm sa palum teang ai nai, kai i Areng Tameuh teng y hnei takeng nai ne.

ZEKHARIAH 10:2

Khumichi ly tameuh mynchi, mynchi, leung sarachi teng y deng u bo. Na i py nichi i nga nai leu ly ati sai py ny y nai, ka-chawi leuchi ne. Phyrei khumichi ly amangchi thui pachai u; na i py nichi ly nangchi ai teng y nai lam mang y naini ang pahawi reng. Nichi teng i nga nai awmnem naira py, atyhtyh teu. Hunai deaungkho y khumichi ly lam tamang nai beramchi kamta, aki aleaung u bo. Lu sa nai keung by y i, patang naira avum u nai ne.

ZEKHARIAH 13:9

Naibaly kai ly tangka ai mai hawi pachai nai kamta, dei kamthum phy thomrei y phyrei ai pachai ai. Nichi ai cham iy khen ai. Kai ly muku ai cham nai kamta, nichi ai cham ai. Naibaly nichi ly kai teng y chiu sa u ai, Kai py pathang pi ai. Nichi ly kai i khumichi ne, nanai nichi teng y thui pi ai. Nichi my py kai ly mychi i Tameuh ne, nanai pany u ai,” napi.