ISAIA 58:8 - Khumi Common Language Bible

⁸ “Nangchi ly hina nai kamta sa u baly, kai i tamen nai kangvang ly khawn kani si sangso kamta, nangchi i tlang tleaung y ang ko iy, nangchi i no naichi py hawi kaliki vui ai. Kai i hawi naira ly nangchi hawi vanrei awm jojo ai. Kai i sa thai naira ly cheaungkhangra y nangchi ai ama hai ai.

ISAIA 58:8 ပူးပေါင်းရင်းမြစ်များ

JOBA 11:17

Nang i heng nai ly kanithun teng nai kani tleaung y malawn py, angvang keh ai. Veng nai neng py khutawi mo kamta, angvang phang ai.

SAM 112:4

Tamen iy pahen naira kawi naimy, leu meitang teaung nai khumi kahawichi i vui ly kaveng theung y kangvang tym hai reng nai ne.

SAM 37:6

Nang i hawi naira ai kanithun kani kangvang kamta, angvang phang hai ai.

SAM 85:13

Leu meitang ly Areng i mo kamtheung ne i, jeu ai nai lam sa pi rym ai.

SAM 97:11

Khumi kahawi tlang tleaung y amo theu naira hawi, paleung hawi nai khumichi tlang tleaung y amo theu naira py tym hai nai ne.

THEU NAI 14:19

Israela chengchi i mo mang y pahawi nai Tameuh i angel ly nithun mang y asyh vui iy awm pi khyp bo. Nichi i mo mang y awm nai tamai angjawi py nithun mang y asyh vui nai deaungkho y,

LEU KACHENG 11:17

Khumi takhra ai pahen reng nai khumi ly amymy ai kahawi sa nai khumi ne; pahyp y naimy ana nai khumi ly amymy ai no patang hai nai khumi ne.

LEU KACHENG 11:25

Paawp y naimy pei talam reng nai khumi ly nang chawn ai; ami ai sabawm reng nai khumi ly kasabawmra avum teang ai.

LEU KACHENG 4:18

Khumi kahawichi i tako nai lam ly khutawi phang nai kangvang sangso, khawn kani si nai hawi atawm.

ISAIA 26:2

Mary apai katheuchi paeaung chum baly kahawi sa nai khumi cheng, ka-ym awm nai khumi cheng kun ai nai pei u.

ISAIA 30:26

Lo ly kanito tanrei angvang naimy, kanito py kanito saryhrei vanrei theu nai kamta, kari tleaung y phy saryhrei angvang na ai. Mymy ly mymy i khumichi nga nai tamo kalemchi ai kanih hawi bam iy, tamochi ra y asi sa pi nai hawi nai khala y, hini atitichi ly tym ai.

ISAIA 33:24

Achi i pri y awm u nai khumi bawibawichi ly noso keaungno awm, nanai mana khala py tangam u ai ny y. Kamngo awm nai ngiereichi py lawi naira nga u ai.

ISAIA 52:12

Hini tlenrei ly nangchi theu awn ai nai, aly ngai ai ny y. Nangchi ly preang ai nai atho sa u ai nai aly ngai y. Israela chengchi i Areng Tameuh ly nangchi ai pahawi iy, ati cheaungkhangra ama hai ai.

ISAIA 57:18

Nichi ati mana sa u mo, nanai kai ly niu bo. Na i py kai ly nichi ai no hawi sa pi ai; lam patei iy sabawm ai. Paleungsi vo tangam naichi ai awm hai nem ai.

ISAIA 60:1

Aw Jerusalem mary, anglaw iy kanito kamta angvang ba. Nang i kangvang ly tym bo. Areng i nang parai naira ly nang i tlang tleaung y kangvang ko bo.

ISAIA 60:2

Khaileaung pri y awm nai cheng takhra khumichi tlang tleaung y, kaveng my khiu teu i py, nang i tlang tleaung y ly Areng i kangvang my ko ai. Mymy meimai i phum-ang sangso ly nang i tlang tleaung y tym iy awm jo ai.

ISAIA 62:1

Kai ly Jerusalem mary ai atho pei nai leu thui pi ai. Huni mary ly atleu naira nga iy, nichi i eaung naira ly vum y angvang nai maiteaung kamta, angvang y ryrei ly Jerusalem mary i vui kaawm pypy ai ny y.

JEREMIA 30:17

Nangchi i paleung ka-echi my, ‘Zion mary ai ly nyn va veng bo. Huni mary ai ami py dawndan y leang bo, nanai thui u i py, kai ly nangchi ai hawi hai ali teang ai. Nangchi i tamo kalemchi tha hai ai. Hini ly kai Areng i thui nai leu ne,” napi.

JEREMIA 33:6

Na i py kai ly mary hawi mary i khumichi ai hawi sa pi ai i, noso hawi u ali teang ai. Mary i khumichi ai tlamsa naira hawi chymme naira nga hai ai.

HOSEA 14:4

Areng my, “Kai i khumichi ai kaimy teng y vawi hai ali teang ai. Kai ly nichi ai paleung hawi verei tamen ai; nichi i tlang tleaung y kado theu nai rym bo.

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

MATTHAI 13:15

Ati mana nai mo nabaly hini chengchi i paleung ly kyh chawn veng bo, Nichi i kano py pang panang veng i, Nichi i mei py pasym teang. Ti y baly nichi i mei my niu lawh iy, Nichi i kano my thai lawh ai i, Nichi i paleung my pany thai lawh ai, Naibaly nichi ly hi ali teang lawh iy Nichi ai hawi kaso pi vui lawh na,’ napi.

AMTAW 10:31

“Kornelia, nang i chiu sa nai ly tangai bo, naibaly nang i ami teng y atiti pei reng naichi py Tameuh i mo y pany jo naira lawn ai nai tym na a.

AMTAW 10:35

na i py cheng cheaungkhang theung y ami py mymy ai tahm khai iy kahawi sa nai ngierei ai ly ang kawn reng.

AMTAW 10:4

Naibaly Kornelia ly mymy ai khen ryry, naibaly jei i, “Areng, ati mo?” napi. Naibaly ni my ly mymy teng y, “Nang i chiu sa nai hawi nang i atiti pei reng naichi ly pany jo naira lawn ai nai Tameuh i mo y tym kalau bo.