ISAIA 58:7 - Khumi Common Language Bible

⁷ kajeu alam naichi ai pacho panei nai, yhm hlau by y nai khumi kamawnchi ai awm naira pei pi nai, ateaung alang by y naichi ai pei pi iy nangchi i chengchi ai sabawm nai, huna naichi ai akhi y nai ne.

ISAIA 58:7 ပူးပေါင်းရင်းမြစ်များ

ATITI AWM ANGCHEI NAI 19:14

Naibaly Lota ly chaniu ni hawi apom hai ai nai neampachochi teng chei iy, “Hi i nai theu u kaliki jau; Areng my hini mary taphra ai bo,” napi. Na i py nichi ly amnui thui nai teu, nanai palawn u.

ATITI AWM ANGCHEI NAI 19:2

“Arengni awi, kai ly nangni ai pacho panei ai nai ngai i, kai i yhm y jeu hawi kyh. Kheu asi hawi ly vai dym ly kai teng y ango hawi. Khawndam khawn angthodyh ang thau iy tako hawi,” napi. Na i py nini my, “Ny y leang, kaini ly vum torei hini mary theung y amki ai,” napi.

2 NENG SATANG 28:15

Khumi mipuichi ly langheng hawi naichi ai, lawmra i nga nai vawnsaichi theung i baichu ateaungchi paji pi ai nai miteaung keh leaung palyhrei vawi u bo. Miteaung kehchi ly langheng hawi naichi ateaung ai nai ateaung alangchi, phainaichi hawi teicha teinei aleu pa-rei pei pi iy, nichi i tamochira py olive asitui pajui pi bo. Atho di nai khumichi ai keaungngo kano kasau atang hai iy, Juda khu ka-peang theung i Chamleaung mary napi nai Jeriko mary y tym pa-rei tha u bo. Naibaly Israela chengchi ly Samari mary y vawi u teang nai ne.

NEHEMIA 5:5

Kaichi ly Juda chengchi ny y a? Kaichi i cho chanauchi py nichi i cho chanauchi tleaung y tahm theang y leang. Na i py kaichi ly kaimychi i cho chanauchi ai miseaung lawm hai bo. Chaniu phyreichi ai py miseaung y jo vui bo. Kaichi ly ati sai py so thai y. Kaichi i li hawi kreip akhochi py ami i kiu theung y tym be veng bo ly!” napi u.

JOBA 22:7

Nang ly akawm nai khumichi ai nei ai nai tui pei y; kajeu alam nai khumichi ai py, teicha teinei pacho y.

SAM 112:9

Ni ly khumi kamawnchi ai paleung hawi parai naimy sabawm reng; ni ly pahen jojo reng nai keung ne; ni ly sa thai naira awm iy tahm khai nai avum ai.

LEU KACHENG 11:17

Khumi takhra ai pahen reng nai khumi ly amymy ai kahawi sa nai khumi ne; pahyp y naimy ana nai khumi ly amymy ai no patang hai nai khumi ne.

LEU KACHENG 22:9

Pasai y nai paleung hawi khumi kamawnchi ai pacho panei nai khumi ly amtheaung naira nga ai.

LEU KACHENG 24:11

Teng y naimy dei ai tla nai khumi ai, atleu ai nai patyh moh.

LEU KACHENG 25:21

Nang i paleung ka-e kajeu alam baly pacho; tui ahai baly nei ai nai tui pei.

LEU KACHENG 28:27

Khumi kamawnchi ai pei talam nai khumi ly kamawn acheang ai ny y. Khumi kamawnchi ai dawn hai y nai khumi ly khumichi my pasawi nai avum ai.

ISAIA 58:10

kajeu alam nai khumichi ai teicha teinei pacho iy, avaw nai khumichi i kangai pei u ai nabaly, nang i kangvang ly nangmy tengpang sahawi i kaveng ai angvang hai ai. Nang i vum kaveng ly kanithun kangvang kamta lawm ai.

JEREMIA 22:3

“Kai Areng ly nangchi ai leu meitang naimy kahawichi sa u ai nai leu kang pei. Nangchi ly katapawpra avum nai khumichi ai amo hai u. Cheng takhrachi, nuro nukaichochi, ti y baly neampachy lumaichi ai teng y nairachi hawi ana nairachi py so u moh. Hini kachai meingtymra y kamngo by y nai khumichi ai padei u moh.

Ezekiela 18:16

amichi ai py ana nai hawi ami i yhmtheaung ai py kamjau kamteang lawm y; ni ly ka-peaung vawnsaichi py talam y; kajeu alam naichi ai pacho iy ateaung by y nai khumichi ai ateaungchi pei pi.

Ezekiela 18:7

Ni ly li-tapawp y, ami i yhmtheaung py lawm y. Ka-peaung vawnsai py paku teang. Kajeu alam naichi ai pacho iy ateaung by y nai khumichi ai ateaungchi pei pi.

DANIELA 4:27

Hunaibaly samrang awi, kai i tau pei nai tangai ba. Kamngo so bi moh ly kahawi so ba. Khumi kamawnchi ai pahen ba. Huna nai sa baly nang ly yhmtheaung katui peung ai,” napi.

LUKA 11:41

Na i py theung y atiti awm nai ly khumi ngarichi teng y pei ai nai vui teaung u; hunaibaly khen cham, nangchi i vui ati cheaungkhang chai nai bo.

LUKA 19:8

Naibaly Zakai ly angdo i Areng teng y, “Khen cham Areng, kai i yhmtheaung ka-hyhrei kamawnchi teng y kapei ai; naibaly ami teng i py atiti um paviu teu i py pyh palyhrei kaheung teang ai,” napi.

LUKA 3:11

Mymy ly nichi teng y, “Ami py baichu nyhrei awm nai ly by y nai khumi teng y pei sy; ami py cha ai nai awm nai ly huna nai kamta so teang sy,” nanai pathang.

AMTAW 16:15

Naibaly mymy hawi, my i dengtheaungchi hawi baptisma nga pajau nai kha y, “Kai ly Areng ai ym tatang, nanai nangchi athang khai baly, kai i yhm y ango u ba,” napi; naibaly mymy ly kaichi ai khrikhri pa-rei takeng i patawn bo.

AMTAW 16:34

Naibaly mymy i yhm y nini ai pahawi kalau iy, cha ai nai pawi pi, naibaly Tameuh ai ym nai deaungkho y mymy hawi mymy i dengtheungchi bawibawi py khri pa-rei amo theu parai bo.

ROM AVANGCHI TENG Y PAWLA I CHA PA NAI 12:13

khumi kachaichi i avaw naira y ly sabawm u ly; angvynchi ai ly kawn u jojo.

Leu Thui Nai 22:1

“Nangmychi Israela cheng tengtawi leaungrei i si mo, beram mo lam tamang nai niu baly, niu y ka-awi so y naimy yhmkeung teng y tha pi teang ai nai tla.

I TIMOTHEI 5:10

atiti kahawi sa naira y khumichi my palo nai, chanauchi ai py pacho chum nai, angvyn angvo hawi hai chum nai, khumi kachaichi i kheu py paju chum nai, patang naichi ai sabawm iy atiti kahawi cheaungkhang sa chum nai awm baly amyn tabawi.

PHILEMON 1:7

Amjo amnau awi, nangmy i saho y khumi kachai bawibawichi i paleung amcheng veng lawh nai deaungkho y nang i tamen naira y ly amo katheu iy, khri pa-rei kaawm nem lawh veng.

TARA CHIH NAI KEUNGCHI 9:2

“Nangchi ly Kideon i chapo leaung vui saryhreichi my peang nai ngai u a? ti y baly khumi leaungrei my peang nai ngai u a? Abimelek ly nangchi i thi ngan kamji ne nanai pany u,” nanai thui hai bo.