ISAIA 58:4 - Khumi Common Language Bible

⁴ Nangchi biu hai nai ly nangmychi tengtawi avawrei kado theu, ajo athui iy ani u bo. Hina nai kamta nangchi chiu sa hnei takeng u nai ly kaimy kang tangai pi ai, nanai nangchi athang khai u a?

ISAIA 58:4 ပူးပေါင်းရင်းမြစ်များ

LEU KACHENG 21:27

Areng ly khumi hawi y naichi i, apathyp nai tawnbawichi ai niu ngai y. Chai y nai paleung hawi apathyp nai khala, niu ngai y keh nai ne.

ISAIA 1:15

“Nangchi kiu pheu iy chiu sa u nai khala y, kai ly nangchi mang y hi iy kang khen pi ai ny y. Nangchi i kiuchi ly kamngo thi akau nai deaungkho y, nangchi mana tanrei ham parai naimy chiu sa u teu i py, kang tangai pi ai ny y leang.

ISAIA 3:14

Areng ly mymy i khumichi theung i miteaung cheng naichi hawi lu sa naichi ai tara chih ai. Nichi teng y mymy ly “Nangchi ly kreip akho baichi lawm u bo. Nangchi i yhmchi py khumi kamawnchi teng i lawm nai vawnsaichi hawimy kawi na bo.

ISAIA 3:15

Nichi teng y kai i khumichi ai ana ai nai, khumi kamawnchi tlang tleaung y neng ka-pe dyp ai nai py sa thai naira by y. Huni ly ati cheaungkhang sa thai nai keung kai, Areng my pei nai leu ne,” napi.

ISAIA 59:2

Mymy thai y nai ly nangchi i kamngo nai deaungkho y teu. Nangchi ai Tameuh hawi taprei hai nai py, nangchi i kamngo my ne. Nangchi ly mymy ai chiu ai nai dawn nai khala y, Tameuh hawi nangchi ai taprei nai ly nangmychi i sa nai kamngo my ne.

JOELA 2:12

Areng my, “Na i py nangchi ly vaimy uikheih u tatang. Biu hai nai hawi vo tangam naimy, kai teng y vawi u ali teang.

JONA 3:7

Naibaly Ninevi samrang ly mary i khumichi teng y satang thai hai ai nai leu pei. Ni i leu pei nai ly “Hini leu ly samrang hawi bangtangchi i leu pei nai ne. Amimi py teicha teinei cho moh sy. Khumi bawibawichi hawi sichi py, beramchi py, teicha cho moh sy, tui py nei moh sy.

MATTHAI 23:13

“Na i py nangchi Reita patiu nai keungchi hawi Pharisai tapawp naichi awi, nangchi ly taham si! Nangchi ly amichi i vui kani pri my peang naira ly kho hai tawp veng iy, nangmychi py kun u y i, kun ai naichi ai py nangchi my kun ai nai pei u y.

LUKA 20:47

Nichi ly neampachy lumaichi i yhmtheaung cha pi, naibaly tapawp ai nai tau nai kra parai pa-rei my chiu sa u lawh: hunichi ai ly pasum nai tleaung y pasumra ai,” napi.

JOHAN 18:28

Hunaibaly nichi ly Isu ai Kaiapha i yhm dengdairei samrang i yhm y pahawi; naibaly khutawi tarum taro bo; naibaly nichi ly chai y nai lawn y iy, katlen vui nai pawi biu cha thai ai nai samrang i yhm y kun y leang.