ISAIA 58:13 - Khumi Common Language Bible

¹³ Areng my, “Nangchi ly Anawn kani ai kani kachai, nanai khai takhra iy, huni kani y amy i vui kamran nga ai nai kalopchi so u y ai nabaly, nangchi ly nangmychi kangai khuleaung chei nai, nangmychi kangai kalop sa nai, ti y baly ati sai py ny y nai leuchi katheu nai, hunichi amkyn iy kai i kani kachai ai tahm khai u ai nabaly,

ISAIA 58:13 ပူးပေါင်းရင်းမြစ်များ

SAM 122:1

Nichi my, “Achi ly Areng i yhm y chei u sina,” nanai thui nai khala y, kai ly amo theu parai nai ne.

SAM 27:4

Areng teng y hnei ai ngai nai, kai i kadeaung nai langseaung harei awm; huni langseaung ly Areng i yhm y deungtasarei awm ai nai, kawn nai leu thui naimy palo ai nai hawi, mymy i patei pi nai lam nga ai nai py ngai nai ne.

SAM 42:4

Amo theu khulym thui naimy Tameuh ai palo iy, Tameuh i yhm mang y chei nai khumi mipuichi awi, kaimy kapahawi nai pany jo nai khala, kai ly paleung ama nai ne.

SAM 84:10

Nang i Achura yhm y kanirei awm ai nga nai ly meingtym takhra y kani sangrei awm nai tleaung y hawi keh. Tameuh i yhm y katheu pa-kho typ ai nga nai ly khumi aso y nai i yhm y awm nai tleaung y hawi keh nai ne.

SAM 84:2

Huni meingtym y awm ai nai ngai parai! Kai ly Areng i Achura yhm i lengseaung apai ai kadeaung nai ne. Tameuh kangheng teng y, kai ly tlang phailo verei amo theu naimy palo nai khulym thui ai.

THEU NAI 35:2

Nangchi ly kani saryhrei sala y kani tariurei kalop sa pajau; na i py saryh kani ly Kai, Areng i vui khai takhra nai, ja patyp nai kani ne ai nai tla. Huni kani y kalop sa nai khumi ai ly padei ai nai tla.

THEU NAI 35:3

Anawn kani y ly nangchi i yhm y mai malawn py liu ai nai tlo y,” napi.

ISAIA 55:8

Areng my, “Kai i ka-dawnchi ly nangchi i ka-dawnchi hawi atawm y. Kai i reitachi py, nangchi i reitachi hawi takhra nai ne.

ISAIA 59:13

Kaichi ly nang ai tiu u lawh; nang ai khai su iy, nang i nithun abang ai nai akhi u bo. Kaichi ly khumi takhrachi ai pahyp y naimy ana iy, nang ai py tiu u lawh bo. Kaichi i ka-dawn teng y, kaichi i leu py ka-chawi ne.

Ezekiela 44:24

Ka-jo ka-thui sai sairei awm lawh nai khala nichi ly kai i reita kamta chih pi ai nai tla. Reita pawichi ai kai i reita hawi leu pei nai kamta sa ai nai tla. Anawn kani ai kani kachai palawn iy teaung ai nai tla.

Levi 19:3

Khumi luteng amhm ampo ai tahm khai ai nai tla. Kaimy leu kang pei nai kamta, Anawn kani y ja ai nai tla. Kai ly nangchi i Areng Tameuh ne.

AMTENG HAI NAI 1:10

Kai ly Areng i kani y ly Phailo y kalawn bo, naibaly kai i nithun mang y baw katyn ka-tawm raawi pajeng parai nai ly,