ISAIA 57:6 - Khumi Common Language Bible

⁶ Hunira i suileng nai lengseaungchi la iy, nangchi i tameuhchi palawn iy chiu u. Nangchi ly kreip hang leih iy huni tameuhchi teng y talam u nai ne. Cha nei kapathypra py talam u bo. Nangchi hina nai sa nai ly kaimy kawn pi ai, nanai nangchi athang khai u a?

ISAIA 57:6 ပူးပေါင်းရင်းမြစ်များ

ISAIA 65:11

“Na i py kai ai khai su nai khumi, kai i chai parai nai Zion mawi y dawndan y naimy, hawi nai hawi y nai Tameuh, Kad hawi Meni nini ai chiu nai nangchi i vui ly

ISAIA 66:3

“Khumichi ly mychi i kangai sa u reng nai ne. Mychi i vui si tleh iy apathyp nai ly khumi ai padei iy apathyp nai hawi atawm. Beram pathyp nai hawi ui pathyp nai py vanrei ne. Amti amjang talam nai ly eu thi talam nai hawi atawm. Mui katui leng patlum iy talam nai ly myn ai chiu nai hawi atawm teang. Nichi ly amso ngai ai hawi chiu sa naichira y amo theu u lawh nai ne.

JEREMIA 19:13

Jerusalem mary y awm nai yhmchi hawi Juda samrang hawi samrang i yhmchi, mychi i yhm amphu salo y ka-si taukichi ai mui katui leng patlum nai yhmchi hawi, tameuh takhrachi ai kreip hang leih iy talam nai yhm ngiereichi ly Topheth mary kamta chai y nai meingtymchi lawm ai,” napi.

JEREMIA 3:9

Israela i hawi y nai ly mymy hawi abi abang y nai kamta, mychi i pri y chai hai y bo. Ni ly lengseaungchi, dengkeaung keungchi ai chiu iy tamang bo.

JEREMIA 32:29

Hini mary ai tiu nai Babulon khumichi ly jeu iy mai leng u ai. Yhm amphuchi salo y Bala tameuh teng y mui katui leng patlum nai molam py, tameuh takhrachi i vui y kreip hang talam nai molam py, khumichi my kai ai kado patheu nai yhmchi hawi vanrei, hini mary verei kang ai.

JEREMIA 5:29

“Na i py hini atitichi molam y nichi ai kai, Areng my pajeng ai. Hini khumichi ai kaimy vawitheung katha ai.

JEREMIA 5:9

Hina naichi molam y kai ly nichi i tlang tleaung y, pajeng y naimy awm ai nai avo na a? Hina nai mipuichi ai vawitheung tha y naimy awm ai nai avo na a?

JEREMIA 7:18

Cho deaungdichi ly theng acheaung i, neampacho ka-cheangchi my mai paeng iy, neampachy ka-cheangchi ly kani khusang samrang nu, napi nai kani anglo teng y talam ai nai, tako dei katlen iy paawp pi bo. Nichi ly kai ai paleung aleng hai ai nai tameuh takhrachi i vui kreip hang katalamrachi py leih iy talam u nai ne.

JEREMIA 9:9

Hina naichi sa nai molam y kai ly nichi ai pajeng y naimy awm ai a? Huna nai khumi chengchi ai kai ly vawitheung tha y naimy awm ai a? Hini ly kai, Areng i thui nai leu ne,” napi.

Ezekiela 20:39

Sa thai naira angym nai Areng my, “Nangchi Israela cheng bawibawichi awi, vai nangchi ly leaungrei py takhawi y pa-rei nangmychi teng y awm nai mynchi teng y chei iy chiu u! Na i py vai i dengdairei nangchi ly kai i leu tangai u ai nai tla. Mynchi teng y kapathyprachi talam nai molam y, kai i chai parai nai amyn ai vai mo mang y thui tamawn bi moh.

HABAKKUK 2:19

Nangchi ly taham si u! Deng keaung beang ai, “Anglaw jau” nanai py, lengseaung ai, “Angthau jau” nanai py, nangchi thui u reng nai ne. Myn ly nangchi ai ati thui pi pachai thai ai mo? Muku tangkachi hawi an paleaung nai ne i py, huni myn ly heng y leang.