ISAIA 57:5 - Khumi Common Language Bible

⁵ Nangmychi i khai takhra nai dengkeaung keungchi anui y kamthu kamleaung sa nai hawimy, khaileaung hawi hai nai tameuhchi ai chiu u bo. Mychi i cho chanauchi ai tavo jawn sahawi y awm nai lengseaung tapiuchira y apathyp u.

ISAIA 57:5 ပူးပေါင်းရင်းမြစ်များ

1 ARENG KEH 14:23

Nichi ly teng y nai tameuhchi ai chiu ai nai meingtymchi sa u; mawi saleungchi hawi ka-khui hawi nai dengkeaung keungchi anui y chiu ai nai leungchengchi, Aserah myn leungchengchi py leng u bo.

2 ARENG KEH 17:10

Mawi aheung bawibawichi ra py, ka-khui hawi nai dengkeaung keung bawibawichi anui y py, leungcheng salengchi hawi Aser tameuh nu i tamkhawnchi khai u.

2 ARENG KEH 17:7

Samari mary jum nai ly Israela chengchi mymychi ai Aikupta samrang kiu i nai atleu iy, Aikupta pri i dengdairei pahawi nai mymychi i Areng Tameuh i tlang tleaung y kamngo sa u nai deaungkho y ne. Nichi ly tameuh takhrachi teng y chiu u lawh.

2 ARENG KEH 23:10

Huni bo baly ami py Mole tameuh teng y cho chanauchi ai mai y leng patlum nai kapathypra talam pajau y ai nai, samrang Joseah ly hinnom leaunghawira i mynchi ai chiu nai Topheth napi nai meingtym ai py, chai nem hai y bo.

2 NENG SATANG 28:3

Hinnom leaunghawira y mui katuichi leng patlum bo. Ni ly Israela chengchi tavai amsa u nai khala, Areng my patheu nai khumichi i, amso ngai hawi nai reitachi kamta sa iy, my i chapochi ai malawn py leng patlum nai kapathypra palawn nai, mynchi teng y talam.

THEU NAI 32:6

Kani pa-nyh khawn angthodyh y khumi bawibawichi ly leng patlum nai kapathypra hawi leunghawi kapathyprachi talam u bo. Huna nai apathyp u chum baly nichi cha nei pavui u i, neampacho, neampachychi amau u bo.

ISAIA 1:29

Nang ly dengkeaung keungchi ai chiu lawh nai deaungkho y, chiu ai nai akho baichi sa lawh nai deaungkho y, paleung si naira avum ai.

JEREMIA 17:2

Mawi aheungchira y awm nai heng-yh nai dengkeaung keung ngiereichi sahawi y py, mawi saleungchi salo y py, Asherah tameuh myn i vui pado pi nai leungchengchi hawi maichamchira y, nangchi i cho chanauchi my chiu u nai ne. Nangchi ly nangmychi i pri verei y sa tamang u nai kamngochi molam y,nangchi i yhmtheaung katui muku, tangka, vang katengchi ai, nangchi chiu u nai mawi aheungchi hawi vanrei, paleung ka-echi teng y kaimy kapei vui ai.

JEREMIA 2:20

Ati cheaungkhang sa thai nai Areng my, “Aw Israela, nang ly jangni i ka-so kai i sa thai naira ai khai su iy, nang ly kai i leu tangai y, kai ai py chiu y. Mawi ka-sang tleirei y py, apu parai nai dengkeaung tleirei anui y py, bima kamta sa u lawh bo.

JEREMIA 3:13

Nang ly nangmy i Areng Tameuh ai tiu lawh nai hawi, kamngo tla bo, nanai phai ahui. Apu parai nai dengkeaung tleirei anui y, nang ly cheng takhrachi i tameuhchi ai paleung apei lawh iy, kai i leu tangai y lawh, nanai py ahui ai nai tla. Hini ly kai, Areng i thui nai leu ne.

JEREMIA 3:6

Samrang Josia deung y Areng my kai ai, “Huni leu atangai y nai neampachy Israela ly kai ai ati mana khai su mo, nanai nang niu bo a? Ni ly mawi ka-sang tleirei y py, apu parai nai dengkeaung tleirei anui y py, bima kalop sa nai ne.

JEREMIA 32:35

Nichi ly mychi i cho chanauchi ai Mole tameuh teng y apathyp ai nai hinnom leaunghawira y, Bala tameuh i vui maichamchi sa u. Hini kalopchi sa ai nai kai ly nichi ai pacheang y. Nichi ly Juda khumichi ai hina nai kamngo sa ai nai lam patei pi ai, nanai mana khala py kai ka-dawn awm vai y,” napi.

JEREMIA 50:38

Huni pri y kani heang hai iy, tavo tuichi kang hai u. Babulon pri ly jei hyn ai hawi nai mynchi kawi nanai pri ne. Huni mynchi saho y, khumichi ly ka-khum lawm u bo.

JEREMIA 51:7

Babulon mary ly kai i kiu y syn nai muku khau hawi, khaileaung pri verei ai pavui hai nai kreip hang khau hawi atawm. Khumi cheng cheaungkhangchi ly huni khau i kreip hang nei iy, pathu tapai u be bo.

JEREMIA 7:31

Nichi ly mychi i cho deaungdichi ai leng patlum iy apathyp ai nai hinnom leaunghawira y Topheth, napi nai maicham sa u bo. Huna nai sa ai nai nichi ai leu pei y, paleung ka-dawn py by y.

Ezekiela 16:20

“Hunaibaly nang ly kai hawi nga nai cho chanauchi ai la i, tawnbawi palawn iy mynchi teng y apathyp bo. Nang ly kai i tlang tleaung y ka-ym by y nai khyh chang y i, paleung anyp y naimy,

Ezekiela 20:26

Nichi ly mymychi i chapo chanauchi ai apathyp nai hawimy, mymychi ai chai hai y ai nai sa thai naira kapei pi. Huna nai sa thai naira kapei pi nai ly kai ly Areng ne, nanai patei ai nai hawi, nichi ai pajeng ai nai ne.

Ezekiela 20:28

Kai ly nichi teng y pei ai nai vaineng adeu nai pri y kapahawi bo. Nichi ly mawi ka-sangchi hawi heng-up nai dengkeaung keungchi ai niu nai khala, huni meingtymchira y apathyp u nai ne. Mui katuichi leng patlum nai kapathypra hawi, kreip hang kapathyprachi talam u bo. Huna nai leaungsaichi hawi kai ai kado patheu u nai ne.

Ezekiela 20:31

Nangchi ly vaini khrairei nichi i talam nai kapathyprachi talam naimy, mynchi teng y mymychi i cho chanauchi ai leang patlum nai kapathypra talam iy, amymy ai chai hai y bo. Nangchi Israela chengchi awi, nangchi ly kai teng y jeu iy kai i kangai deng u bo. Kai ly heng nai Areng Tameuh ne nai deaungkho y, mana mo i py nangchi ai leu deng ai nai kang pei y.

Ezekiela 6:13

Khumi veuchi ly mynchi sala y hawi maichamchi ka-kira y py, mawi ka-sangchi hawi mawi saleung tleirei y py, heng-yh nai dengkeaung keungchi hawi ngopraibiu keung pui ngierei anui y py, mynchi teng y mui katui leng patlum nai ngiereira y py, ahei naimy awm ai. Huna nai khala kai ly Areng ne, nanai khumi bawibawichi my pany u ai.

Levi 18:21

Nang i cho chanauchi ai Mole tameuh teng y leng patlum ai nai pei moh. Huna nai sa nai ly nangmy i Areng Tameuh ai tahm khai y nai ne.

Kati Nai 25:6

Mosi hawi Israela cheng bawibawichi ly Areng i awmra Tabynako katheu pa-khora y paleung si vo tangam nai thym khala, Israela neampacho leaungrei ly Mosi hawi mipuichi i mei ka-niu y my, Midian neampachy leaungrei ai mymy i tai theung y pahawi jo nai niu u.

Leu Thui Nai 12:2

Nangchi peang nai pri mawi saleung, mawi aheung, ngam heng-yh nai dengkeaungchi anui i, huni pri khumichi my chiu nai meingtym bawibawichi taphra u pawn ai nai tla.

AMTENG HAI NAI 18:3

Mymy i angai naira i kado theu naira kreip athai hang deaungkho y cheng cheaungkhangchi ly atlym bo, khaileaung pri i samrangchi py mymy hawi angai iy, khaileaung pri i ka-pai sa nai keungchi ly mymy i tlamsa ala nai sa thai naira deaungkho y nang ra nang ra bo,” nanai aeu bo.