ISAIA 57:15 - Khumi Common Language Bible

¹⁵ “Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

ISAIA 57:15 ပူးပေါင်းရင်းမြစ်များ

ATITI AWM ANGCHEI NAI 21:33

Naibaly Abraham ly Beraseba meingtym y pangli maicha keungrei ui ato i, mymy ly deungtasarei awm jojo nai Areng Tameuh ai chiu bo.

1 ARENG KEH 8:27

“Na i py aw Tameuh, nang ly hini khaileaung salo y awm angchi khyp ai a? Kani pri verei malawn py nang awm ai nai meingtym kau y leang. Hunai deaungkho y kai i sa nai hini Achura Yhm ly nang awm ai nai mana kau ai mo?

2 NENG SATANG 34:27

Jerusalem mary i khumichi ai pajeng ai nai kaimy leumo pei nai thai nai khala y, nang ly vo bo; nangmy i ateaungchi sei iy uikheih naimy, kai i mo y paleung apanem nai ne. Naibaly kai ly nang i chiu sa hnei takeng nai thai nai deaungkho y,

JOBA 22:29

Tameuh ly paleung len nai khumichi ai tahm anem hai iy, tahm apanem nai khumichi ai atleu ai.

JOBA 6:10

Hina nai kamta, mymy sa ai na lawh teu baly, kai ly patang naira khri pa-rei avum teu i py, amo theu naimy achaw ai. Tameuh ly chai parai nai ne, nanai kapany bo. Kai ly mymy i leu pei naichi, mana khala py akhi vai y.

SAM 111:9

Mymy ly mymy i khumichi ai tlamsa naira pei chum baly, nichi hawi deungtasarei Leu Maikawm asa bo. Mymy ly kachai ne iy sa thai naira len parai na a!

SAM 115:3

Kaichi i Tameuh ly kani pri mang y awm iy, mymy i ngai nai kamta, ati cheaungkhangchi ai sa bo.

SAM 123:1

Aw Areng, nang i peang nai kani pri mang y, kai ly khen angdeang bo.

SAM 138:6

Nang ly tahm asang parai teu i py, tahm anem nai khumichi ai kry nai ne; paleung len amlyh nai khumichi ai ly kamlo mang my pany bo.

SAM 138:7

Kai ai patang nairachi my ang taki meuh nai neng khala malawn py, nang ly kai ai ama hai bo. Nang ly kai i paleung ka-echi kado theu nai paka iy, sa thai naira hawimy kai ai atleu bo.

SAM 147:3

Mymy ly paleung phra naichi ai paleung awm hai nem iy, nichi i tamokalemchi ai bam pi typ nai ne.

SAM 34:18

Areng ly paleung phra nai khumichi sahawi y awm. Athang khai naira pipi by y naichi ai atleu pi bo.

SAM 34:19

Khumi kahawi ly ngari kamtang neangneang avum reng; na i py Areng ly ni ai, huni ngari kamtangchira i nai atleu pi nai ne.

SAM 51:17

Aw Tameuh, kai i talam nai kapathypra ly tahm anem parai nai paleung ne; nang ly tahm apanem iy uikheih nai paleung ai khai su ai ny y leang.

SAM 51:19

Huna nai khala nang ly teng khyp nai leng patlum nai kapathyprachi kawn pi ai; si kataichi ai py nang i maicham salo y apathyp ai.

SAM 83:18

Nichi ly nang leaungrei naini Areng ne, nanai hawi, khaileaung pri verei y samrangchi tleaung y samrang ne, nanai py pany u sy.

SAM 90:2

Mawichi lawm y rai khala y hawi, khaileaung pri palum y rai khala y nang ly awm yb nai Tameuh ne; tem naira by y nai Tameuh py ne.

SAM 93:2

Aw Areng, nang i areng atehra ly angchei khala i dengdairei khaw parai nai ne; nang ly ati sai py by y rai khala my awm yb bo.

SAM 97:9

Ati cheaungkhang sa thai nai keung Areng, nang ly khaileaung pri verei ai peang nai keung; nang ly tameuhchi bawibawi tleaung y len keh nai ne,

SAM 99:3

Khumi bawibawichi ly mymy i nang parai naimy ka-jei hawi nai amyn palo u ai; mymy ly chai parai nai ne!

THEU NAI 15:11

“Aw Areng, tameuhchi theung y nang hawi atawm nai ami awm vai mo? Nang kamta chai parai iy lyh ai awm nai ly ami awm mo? Nang kamta rengrang naichi hawi nang parai naichi sa thai nai ami awm mo?

THEU NAI 15:13

Nang i leu adeu nai ly ym ai nai hawi; nang ly nangmy i vawi takhra nai khumichi ai pahawi nai ne. Nang i sa thai naira hawi pri kachai mang y nichi ai lam patei bo.

THEU NAI 15:18

Areng nang ly deungtasarei peang jojo ai,” napi

THEU NAI 40:34

Naibaly Areng i awmra Tabynako salo y tamai beu i, Areng i nang parai nai kangvang sangso ly Tabynako angtheung y angvang phang na bo.

THEU NAI 40:35

Hunai deaungkho y Mosi ly Tabynako angtheung y kun pajau y.

LEU KACHENG 16:19

Paleung apanem nai hawi kamawn lawm nai ly paleung len nai khumichi hawi amkawm iy, lawmra i vawnsai phy nga nai khumi leaungrei tleaung y hawi keh.

LEU KACHENG 8:23

Kai ly khaileaung palum y rai khala my, kangman keh y kai ai sa angchei nai ne.

ISAIA 18:4

Baw eng nai katyn kano patheung u! Areng my kai teng y, “Amti amjang tyn nai neng i bi pahui nai dym y, kadamchi tla rypsy nai kamta py, khri pa-rei bi nai neng kani khala kanito ly chai pan naimy angvang phang nai kamta py, kai ly kani pri mang dengdairei chymme naimy khen kathiu ai.

ISAIA 33:5

Areng ly khri pa-rei nang parai na ly! Mymy ly ati cheaungkhangchi ai peang nai ne. Jerusalem mary y leu meitang adyh adawi naira hawi py, hawi naira hawi py angym hai iy,

ISAIA 40:28

Areng ly deungtasarei heng jojo nai Tameuh ne, nanai nangchi pany u y nai sai a? Thai u vai y nai sai a? Mymy ly khaileaung bom verei ai sa nai ne. Mymy ly mana khala py paha y, akawm nai by y. Amimi py mymy i dawn tau naichi pany pajau y.

ISAIA 52:13

Areng my, “Kai i miseaung ly my i sa nai kalopra y cheng parai naimy sa ai. Ni ly palo nai avum iy tahm pasang naira nga ai.

ISAIA 6:1

Samrang Uzia dei nai saneng y kai ly Areng hawi avum nai ne. Mymy ly nang parai nai bailang tleaung y ateh. Achura yhm verei py mymy i ateaung hawimy kawi na bo.

ISAIA 6:3

Nichi ly “Ati cheaungkhang sa thai nai Areng ly Kachai, Kachai, Kachai ne! Khaileaung pri ly mymy i nang parai nai hawimy kawi be bo,” nanai aeu u.

ISAIA 63:15

Aw Areng, chai parai iy phum-ang angvang nai kani pri, napi nai, nangmy awm nai meingtym i dengdairei kaichi ai khen kathiu kyh ba. Kaichi i vui nang i paleung mawn hai nai ly ma y mo? Nang i sa thai naira ly ma y mo? Nang i tamen naira hawi pahen naira ly ma mang y mo? Kaichi ai khai su moh kyh ba.

JEREMIA 10:10

Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.

TANGAM NAI LEU 3:41

Kani pri mang y awm nai Tameuh teng y achi i paleung am-eaung naimy, anui i chiu sa naira thui u sina.

Ezekiela 16:63

Nangmy i sa tamang nai ngiereichi ai kaimy kang pahen pi nai khala, nang ly huni tamang nairachi ai adawn vau iy, kaji nai deaungkho y labeaung malawn py ang vam y na pa-rei kangji nga ai,” napi. Hini ly sa thai naira angym nai Areng i thui nai leu ne.

Ezekiela 9:4

“Nang ly Jerusalem mary verei amki iy khumichi vai, sa u nai amso ngai nairachi molam y, vo tangam nai khumi ngiereichi i lu kati y ka-ma-ra so,” napi.

DANIELA 2:11

Samrang nang i deng nai ly khri pa-rei rai nai deaungkho y, tameuhchi ny y baly ami py pathang pajau ai ny y. Tameuhchi py khumichi hawi vanrei awm nai ny y leang,” napi u.

DANIELA 4:17

Hini ly ang khen ang kry nai kani pri amtaw thauchi i sa nai saichi ne. Hunai deaungkho y tahm asang parai nai Tameuh ly khaileaung prichi tlang tleaung y sa thai naira kawi angym nanai py, mymy ly tahm anem keh nai khumi ai malawn py vawi iy samrang y palyn pajau nanai py, meingtym tleirei y awm nai khumi bawibawichi pany u sy,” nanai tao pajeng parai naimy aeu bo.

DANIELA 4:34

Samrang my, “Kai ly saneng saryhrei neng khei nai khala y, kani mang y khen kalau i, khumi paleung nga ali teang nai deaungkho y, nang parai nai Tameuh ai palo bo. Deungtasarei heng nai Tameuh i nang parai nai hawi, sa thai naira ai palo bo. “Mymy ly khaileaung pri y deungtasarei peang ai. Mymy i pri ly deungtasa khrairei awm jo ai.

JOELA 2:13

Nangchi ly nangmychi i ateaungchi sei nai ny y naimy, paleung apanem nai hawimy, nangchi i paleung si nai amteng sy.” Nangmychi i Areng Tameuh teng y vawi u teang ba. Mymy ly tamen nai hawi pahen naira kawi angym nai ne. Mymy ly neaung hawi iy, mymy i adeu nai kamta sa reng. Mymy ly kamngo palawi pi ai nai angveirym yb nai deaungkho y, pajeng ai ny y.

MIKHA 5:2

Areng my, “Ephrat ka-peang Bethlehem mary awi, nang ly Juda pri y tahm theang keh nai mary harei ne i py, jangni i samrang kangpreang theung i, Israela chengchi ai peang ai nai samrang leaungrei amthawn ai,” napi.

MIKHA 6:8

Areng ly hawi naira patei pi. Mymy i aly ngai naichi thui pi bo. Mymy i aly ngai nai ly leu meitang adyh adawi naimy sa nai, tamen naira awm nai, paleung apanem naimy, nang i Tameuh hawi vanrei awm naichi ne.

ZEKHARIAH 2:13

Khumi mipuichi awi, Areng ly mymy i awm nai nang parai nai meingtym i dengdairei ang jeu ai i, mymy i mo y tyn kryh y naimy awm u.

ZEKHARIAH 9:9

Zion mary i khumi bawibawichi awi, amo theu u, amo theu u! Nangchi Jerusalem mary i khumichi awi, amo theu naimy aeu u! Khen u; nangchi i samrang ly nangchi teng y ang jeu bo! Huni samrang ly eaung naira nga i, atleu ai nai ang jeu nai ne i py, paleung apanem naimy keaungngo kano kasau nu i cho, keaungngo kano kasau cho tleaung y, atang naimy ang jeu bo.

MATTHAI 6:9

Hunai deaungkho y nangchi ly hinai kamta chiu so u: Ngaai, kani pri mang y awm nai, Nangmy amyn tahm khai nai awm sy,

LUKA 1:49

Atiti sa thai nai keung my kai i tlang tleaung y atiti ka-teng ny y nai ang sa pi bo; Mymy i amyn py kachai ne.

LUKA 4:18

“Khumi kamawnchi teng y Satang Kahawi thui ai nai ang khai takhra nai deaungkho y, Areng i Phailo ly kai i tlang tleaung y awm; Miseaungchi teng y alaw hai ai nai leu hawi, Mei kamjuchi teng y mei angvang teang ai nai leu thui ai nai py, Ana patang naichi ai patheu ai nai py,

AMTAW 3:14

Khumi Kachai hawi Khumi kahawi ai ly nangchi my ngai y iy, kasi nga nai keung ai ly nangmychi teng y patheu ai nai takeng u lawh i, Hengra sa nai keung ai ly nangchi my padei;

ROM AVANGCHI TENG Y PAWLA I CHA PA NAI 1:20

Ati mana nai mo nabaly mymy i atiti niu thai y naitachi ly, khaileaung palum angchei kha i dengdairei chaipyn pa-rei my niu nai bo; atiti sa naira y amteng nai ne; huni ly mymy i deungtasarei atiti sa thai naira hawi, mymy ly Tameuh ne nai sai py; hunai deaungkho y nichi ly akhi ai naira ngo y leang:

II KORINTH 1:4

Tameuh i kaichi ai awm hai nem naira kypkyp i saho y ly ami py atiti no patang naira awm iy py, kaichi ly nichi ai awm hai nem thai ai nai, mymy ly kaichi i patang naira bawibawi y ang awm hai nem reng.

II KORINTH 2:7

hunaibaly pajeng ai nai tleaung y ly mymy ai pahen u iy, awm hai nem ai nai tla, ti y baly ati mo sa iy hunai kamta khumi ai ly paleung mawn ala naira my pajawn be lawh na.

II KORINTH 7:6

Na i py tahm anem naichi ai awm hai nem nai keung Tameuh my ly Tita ang jeu nai deaungkho y kaichi ai ang awm hai nem bo;

Leu Thui Nai 33:27

Tameuh ly nangchi ai ama hai jojo nai ne; mymy i deungtasa kiuban my nangchi ai ang dawmkhawn bo. Mymy ly nangchi tako nai lam i, paleung ka-echi ai paryh pi pawn bo; huni paleung ka-echi ai tamyh pawn ai nai nangchi ai leu kang pei bo.

I TIMOTHEI 1:17

Deungtasarei awm jo nai Samrang, phra pajau y nai hawi, niu pajau y nai hawi, Tameuh harei awm khyh nai teng y ly tahm pasang naira hawi, palo naira py deungrasarei awm jojo sy. Amen

I TIMOTHEI 6:16

mymy leaungrei dei thai y nai sai awm khyh, ni ly kangvang chei kasa pajau ai nai vuilam ny y naira y ly awm nai, mymy ai ly ami py niu vai y, niu py niu pajau y; mymy teng y tahm pasang naira hawi, deungtasarei aly peang naira py awm sy. Amen.

HEBRAI 9:14

deungtasarei Phailo i saho y meimai cheh ai by y nai Tameuh teng y atalam nai Krista i thi my ly Tameuh kangheng i kalop sa ai nai, nangchi hawi nai hawi y nai pany naira ai ly hini hengra abawi y nai atiti sa naira y ly mana tanrei pachai ai mo?

JAKOB 4:6

Na i py mymy ly pahenra pei panawi reng: hunai deaungkho y Tameuh i cha-iu leu y, “Tameuh ly kam-echi ai paka iy, tahm apanem naichi ai ly pahenra pei,” nanai ne.

I PETERA 5:5

Hunai kamta ly nangchi cheangthli nangchi awi, miteaung kehchi teng y aau u. Ne, nangchi bawibawi ly asabawm u leungtang ai nai leu anui naira amthyp u; Tameuh my am-e naichi ai ly paka iy, tahm apanem naichi ai ly pahenra nga hai lawh reng.

AMTENG HAI NAI 15:4

Aw Areng, nang i amyn tahm khai y nai hawi palo y nai py ami awm ai mo? Nang leaungrei chai khyh; Nang i atiti kahawi sa naichi ly amteng hai nai deaungkho y, Cheng bawibawichi ly na i mo y tym iy ang chiu u ai,” nanai napi.

AMTENG HAI NAI 3:7

“Naibaly Philadelphia avang i kani pri i amtaw thau nai teng y hinai kamta tajiu: Chai naira awm nai hawi, meitang awm nai keung, Davida i saw awm nai, paeaung iy ami py kho pajau y nai, kho iy ami py paeaung pajau y nai i leu thui nai ly hini ne he:

AMTENG HAI NAI 4:8

Naibaly huni heng nai amjy palyhrei ly pakhi tariurei awm bawibawi i, anui y py salo y py mei cheichei awm: naibaly nichi ly, “Jangni i dengdairei awm nai hawi, vai awm nai hawi, vai momang y awm ai nai Atiti py Sa Thai Nai Keung Areng Tameuh ly, Kachai, kachai, chai parai na y!” Nanai vum kanithun anawn y naimy thui jojo.

1 SAMUELA 2:2

Areng i chai parai nai kamta ly ami py chai y nai ne. Mymy ny y baly Tameuh takhra by y; achi i chiu nai Tameuh kamta ama hai pajau nai keung by y.