ISAIA 57:13 - Khumi Common Language Bible

¹³ Nangmychi ai ang sabawm ai nai nangchi aeu u nai khala y, huni mynchi my nangchi ai atleu pi na sy! Hunichi ly ali tlenrei aho baly akheang pawn ai nai teu! Na i py kai ai ym nai khumichi ly mychi i saleaung khutengra y awm ai nai nga iy, kai i Achura yhm kachaira y kai ai chiu u ai,” napi.

ISAIA 57:13 ပူးပေါင်းရင်းမြစ်များ

2 ARENG KEH 3:13

Elisa my Israela samrang teng y, “Ati mana nai y kai ly nang ai sabawm ai mo? Nang i ngamhm, ngampochi ai tau pei reng nai amochi teng y phai chei iy adeng u,” napi. Joram my, “Hina nai thui moh! kaichi samrang leaung thomreichi ai Moba samrang kiu y au nai keung ly Areng my ne lawh veng,” napi.

JOBA 21:18

Ali my hm nai chohphi, ali lengli my pakheang nai choh ali kamta, nichi teng y mana khala tym ai mo?

SAM 1:4

Na i py khumi hawi y naichi ly mana khala py hunai kamta ny y; nichi ly ali my hm iy ahei phro reng nai choh ali hawi atawm.

SAM 118:8

Khumi ai ym nai tleaung y ly Areng ai ym nai ly hawi keh.

SAM 125:1

Areng ai ym nai khumichi ly mana khala py asyh pajau y nai khaw jojo nai Zion mawi kamta lawn u bo.

SAM 37:11

Na i py paleung apanem nai khumichi ly pri peang ai i, tlamsa naira hawi chawn pa naira amtym u ai.

SAM 37:22

Areng my amtheaung naira pei nai khumi ly pri amtym u ai. Na i py mymy i amsawi lawi nai khumichi ly pri pala nai avum u ai.

SAM 37:29

Khumi kahawichi ly pri amtym ai i, hu y awm jo ai nai nga u ai.

SAM 37:3

Areng ai ym naimy kahawi so ly pri y chymme naimy awm ba.

SAM 37:34

Areng ai athang khai naimy reita leu pei naichi ai atyp ba. Mymy ly nang ai pri amtym ai nai pei iy, tahm pasang ai. Nang ly khumi hawi y naichi ai pri pala nai niu ai.

SAM 37:9

Areng ai ym nai khumichi ly pri peang u ai. Na i py khumi hawi y naichi ly pri pala nai avum u ai.

SAM 58:9

Nichi ly athang khai y nai neng khala y acha keungchi kamta, ateng pawn nai avum u bo; Tameuh ly khri pa-rei kado theu nai deaungkho y, nichi ai tama hai pawn ai.

SAM 84:12

Ati cheaungkhang sa thai nai keung Areng, nang ai ym nai khumichi ly khri pa-rei taham hawi nai ne!

LEU KACHENG 28:25

Amy i vui harei dawn khyh nai khumi ly ka-jo ka-thui tym hai reng. Areng ai ym nai khumi ly nang chawn ai.

ISAIA 11:9

Tameuh i nang parai nai Zion mawi salo y, ka-jeira lawm hai nai, ti y baly hawi y naira ati sai py awm ai ny y. Panglichi ly tui kawi mang nai kamta, huni pri y Areng ai pany nai cheng naira hawimy kawi angym ai.

ISAIA 14:32

Philistin pri i dengdairei ang jeu nai savaichi teng y, achi ati mana pathang ai mo? Areng ly Zion mary ai palum bo i, huni maryra y patang naira avum nai mymy i khumichi ly chymme naira nga u ai, nanai satang nichi teng y thui pi u sina.

ISAIA 25:4

Khumi kamawnchi hawi jeaungmang nai khumichi ly nangmy teng y abyh u nai deaungkho y, patang naira tym nai neng khala y chymme naira nga u nai ne. Nang ly nichi ai alipui khupuira i nai ama hai nai py, khri pa-rei kabi ango naira i abyh ai nai ka-khui ka-ji py pei bo. Pahyp y naimy ana nai khumichi i tiu naira y kaseih ali kaho hawi py,

ISAIA 40:24

Nichi ly ui iy tangjyn pala khyp nai keungchychi hawi atawm. Areng ly ali aho hai nai khala y, huni keungchi ly jei iy maidym kamta ahei pawn nai ne.

ISAIA 41:16

Hunichi ai nangchi ly pachaw ai i, ali my hm nai pakheang iy. kamchaichi my ahei seaungkhrang hai ai. Naibaly kai ly nangchi i Tameuh ne nai deaungkho y, nangchi ly amo theu u ai. Nangchi py Israela chengchi i chai parai nai Tameuh, napi nai kai ai palo u ai.

ISAIA 45:20

Areng my, “Khumi cheng cheaungkhangchi awi, jeu u achu. Empara pri anawi nai bo i, dei kamthum khumi bawibawichi awi, nangchi cheng y nai khumichi awi! nangmychi i dengkeaung mynchi patei iy, atleu pajau y nai tameuhchi teng y chiu nai khumichi awi, nangmychi naimy tara amteng ai nai jeu u!

ISAIA 49:8

Areng ly mymy i khumichi teng y, “Nangchi ai atleu ai nai neng tym nai khala y, kai ly nangchi ai neng ka-pe pei iy, sabawm ai nai, nangchi i aeu nai raawi tangai pi ai. Kai ly nangchi ai kang kry ai. Nangchi i molam y, khumi bawibawichi hawi py, leu maikawm asa ai. Vai, anawi seaungkhrang nai nangchi i pri y, saleaung khuteng achah iy awm u ali teang ai nai kang pei ai.

ISAIA 56:7

“Kai ly kaimy i chai parai nai mawi mang y, nangchi ai pahawi ai. Kai ai chiu nai yhm y nangchi ly amo theu naira nga u ai. Kai i maichamra y nangchi i talam nai leng patlum nai kapathyprachi kakawn pi ai. Kai i Achura yhm ai khumi cheng cheaungkhangchi my chiu sa nai yhm, nanai palau u ai,” napi.

ISAIA 60:21

Nang i khumi bawibawichi ly kateng sa u naimy, pri py peang ai nai nga u jojo ai. Khumi bawibawichi i mo y kai i nang parai nai amteng hai ai nai, kai ly nangchi ai kry iy kapalum ai.

ISAIA 65:11

“Na i py kai ai khai su nai khumi, kai i chai parai nai Zion mawi y dawndan y naimy, hawi nai hawi y nai Tameuh, Kad hawi Meni nini ai chiu nai nangchi i vui ly

ISAIA 65:25

Kasui hawi beramchi ly vanrei teicha tlai iy, khrangsichi ly si, painochi kamta acha cha ai. Pavuichi ly spryh naini cha u ai. Kai i chai parai nai Zion mawi salo y patang hai nai hawi, hawi y nairachi ati sai py awm ai ny y,” napi.

ISAIA 65:9

Juda chengchi ai amtheaung naira pei ai. Juda kangpreangchi ly mawi tleaung pri napi nai kai i pri amtym u ai. Kai i miseaung, kai i khumichi ly huni pri y awm iy amtym u ai.

ISAIA 66:20

Nichi ly khumi cheng cheaungkhangchi teng i nai nangchi i chengchi ai Areng i vui langseaung kamta, hawi ali teang ai. Israela chengchi ly thengthai khulawnchi ai reita kamta, laawm kachaichira y khai iy Achura yhm mang y syn u nai kamta huni khumichi ly huni langseaungchi ai keaungngo, keaungngo kano kasau, Kula-iuchi, keaungngo ka-ri hawi si ka-richi tleaung y tang iy, Jerusalem mary i chai parai nai mawi salo y syn u ai.

JEREMIA 2:28

“Nangmychi i vui nangchi sa nai tameuhchi ly ma mang y mo? Nangchi patang naira tym nai khala y, huni tameuhchi my atleu pajau lawh baly atleu pi na sy. Aw Juda pri, nang i marychi nawi nai kamta, nang i sa nai tameuhchi khri pa-rei nawi parai na ly!

JEREMIA 22:20

Jerusalem mary i khumichi awi, nangchi i amsawi amnaichi ly tavai sum u ai. Hunai deaungkho y nangchi ly Lebanon mawi saleung y lyn u iy kahau u. Bashan pri mang y chei iy aeu u. Moba pri mawichi salo mang raawi pajeng parai naimy kaau u.

JEREMIA 22:22

Nangchi ai lu sa nai keungchi ai ly ali y pakheang pawn ai. Nangchi i amsawi amnaichi ly langheng y patiu nai avum u ai. Nangchi i sa nai hawi y nai saichi molam y nangchi i mary ly tahm anem iy kangji nga ai.

JEREMIA 30:14

Nangchi ai tamen nai khumichi ly nangchi ai tami pawn veng bo. Nichi ly nangchi ai dawndan u y leang bo. Nangchi i kamngochi ly nawi parai iy, nangchi i hawi y ala nai deaungkho y, kai ly nangchi ai paleung ka-e kamta no nga hai bo. Nangchi i pajeng naira avum nai ly khri pa-rei ty na bo.

Ezekiela 20:40

Kai i mawi kachainapi nai Israela mawi ka-sang salo y, nangchi bawibawi ly kai ai chiu u ai, nanai kaimy leu pei nai ne. Kai ly nangchi ai kawn ai. Nangchi i talam nai tawnbawichi, hawi keh nai katalamrachi hawi khai takhra nai katalamra kachaichi kang hnei ai.

HOSEA 13:3

Hunai deaungkho y hini khumichi ly khawn mang y tla reng nai kadam kamta py, khawn angthodyh y tama reng nai kadam amai kamta py, tama u ai. Nichi ly choh ati nai meingtym i ali my hm iy akheang nai choh ali kamta py, paheung mang theu nai maikhyh kamta py tama u ai.

JOELA 3:17

Areng my, “Israela chengchi awi, huna nai khala kai ly nangchi i Areng Tameuh ne, nanai pany u ai. Kai ly kaimy i Zion mawi kachaira y kaawm nai ne. Jerusalem mary ly mary kachai lawm ai. Cheng takhra khumichi ly huni mary ai, mana khala py peang u bi pajau ai ny y.

ZEKHARIAH 7:13

Nichi ly kai i leu pei nai tangai u y nai deaungkho y, ati cheaungkhang sa thai nai Areng ly nichi i chiu sa nai raawi tangai pi y.

TARA CHIH NAI KEUNGCHI 10:14

Nangmychi my vawi nai tameuhchi teng y phai vo u. Nangchi patang naira avum nai khala, huni tameuhchi my nangchi ai atleu na sy.”