ISAIA 57:11 - Khumi Common Language Bible

¹¹ Areng my, “Kai ai tapawp iy tami vui nai, pany y vui na pa-rei, nangchi jei u nai tameuhchi ly amichi mo? Kai ly kra parai pa-rei tynkryh y naimy awm nai deaungkho y, nangchi ly kai ai jei y nai awm u nai a?

ISAIA 57:11 ပူးပေါင်းရင်းမြစ်များ

SAM 50:21

Nang ly hini leaungsaichi sa teu i py, kai ly kang thui y leang; Hunai deaungkho y kai ai nang hawi atawm, nanai dawn u bo. Na i py vai, kai ly nang ai kang thui kang parip ai. Nang i kamngo ai paleung theung y khai y naimy kang pany hai ai.

SAM 78:36

Na i py nichi ly mymy ai labeaung mang palo hawp iy, palai hawi tapawp naimy hnei u nai ne.

LEU KACHENG 29:25

Amy i tlang tleaung y khumi takhrachi my ati mana dawn na mo, nanai paleung mawn nai khumi ly ka-jeira avum ai. Na i py Areng teng y abyh nai khumi ly chymme ai.

Parip nai leu 8:11

Khumichi ly ati mana nai y hinai kamta hawi y sa ai nai rai y na mo? Ati mana nai mo nabaly hawi y sa nai ai tara chih pi kaliki y nai deaungkho y ne.

ISAIA 26:10

Nang ly khumi hawi y naichi ai pahen teu i py, nichi ly kateng sa ai nai pany u y. Khumi kahawichi i awm nai hini pri y malawn py, nichi ly hawi y naichi sa u. Nang i nang parai nai ai py, dawn dang u y nai ne.

ISAIA 30:9

Nichi ly Tameuh ai avawrei tiu naimy, avawrei tapawp naimy, Areng i leu ai avawrei akhi naimy awm u nai ne.

ISAIA 42:14

Tameuh my, “Kai ly neng kra parai naimy kaawm pypy nai ne. Kai i khumichi ai leu pathang pi y. Na i py vai ly bawi la ai nai neng tym dudu bo. Kai ly deaungdi tapen nai avum nai neampachy kamta hang nai ne.

ISAIA 44:20

Ni i sa nai ly maidym cha nai kamta, ati sai py ny y. My i akhum nai ka-dawn ly mymy ai lam tamang hai. Hunai deaungkho y ni ai sabawm ai nai avo pajau y bo. Ni ly my i kiu y syn nai myn ly tameuh pipi ny y, nanai pany y.

ISAIA 47:7

Mymy ly samrangnu lawm jo naimy awm ai, nanai athang khai i, hini atitichi dawndan y. Hunichi ati mana tem ai mo, nanai py dawn y.

JEREMIA 2:32

Anglo ly mymy i amia lengseaungchi ai py, deaung vawi nai anglo ly mymy i apom nai ateaungchi ai py, tami vui thai na a? Na i py kai i khumichi ly kati pajau y nai neng kanichi neng khala, kai ai tami u veng bo.

JEREMIA 3:21

Mawi aheungchi salo y raawi thai nai ne. Huni raawi ly Israela mipuichi i kamngo theung y anum naimy mymychi i Areng Tameuh ai tami u veng nai deaungkho y, vo tangam nai tarawi y hnei takeng u nai raawi ne.

JEREMIA 38:19

Na i py samrang Zedekiah my, “Babulon chengchi mang y preang u nai Juda chengchi ai kai ly jei. Kai ly nichi i kiu y aau lawh ai nabaly, kai ai khri pa-rei ana u ai,” napi.

JEREMIA 42:20

Nangchi ly khrikhri pa-rei tamang u bo, nanai vai, nangchi teng y pany hai bo. Nangchi ly ‘Kaichi i vui Areng Tameuh teng y chiu so pi kyh ba. Nang teng y leu pei nai ngiereichi py, kaichi teng y thui pi pateang ba. Kaichi ly mymy i leu pei nai kamta sa ai,’ nanai thui ai nai kai ai nangchi i Areng Tameuh teng y pato u bo.

Ezekiela 13:22

“Nangchi ly kaimy paleung phra hai ai ngai y nai kai i khumichi ai leu ka-chawi teaung iy, paleung phra atho di hai bo. Nangchi ly khumi hawi y naichi ai, hawi y nairachi khai su y ai nai atho pei nai deaungkho y, nichi i hengra chau hai bo.

HOSEA 11:12

Areng my, “Israela khumichi ly kai ai ka-chawi thui iy tapawp u bo. Juda khumichi ly chai parai nai hawi ka-ym awm nai kai, Tameuh ai vai khrairei tiu u nai ne.

MATTHAI 25:25

hunaibaly kang jei i, kai ly chei iy, nang i talent ly khaileaung y ka-up bo; khen cham, nangmy i karang ateng nang ly nga teang bo,’ napi.

AMTAW 5:3

Na i py Petera my, “Anania, Phailo Kachai ai ka-chawi thui ai nai hawi, meingtym vang ly phyrei um mai veng ai nai py ati mana nai nang i paleung y Setan my kawi hai lawh?

II THESALONIKA 2:9

Huni Reita Taphra Nai Keung ang jeu nai ly Setan i sa nai sai kamta atiti sa thai naira cheaungkhang hawi, ka-ma-ra cheaungkhang hawi, ka-chawi rengrang cheaungkhang hawi,

I TIMOTHEI 4:2

vawinamchi i patiu nai leu dawn iy, ym naira ai ly hi vui ai, nanai Phailo my ly chai pyn nai pa-rei thui bo; huni ka-chawi thui naichi ly mymychi i hawi nai hawi y nai pany naira kypkyp y tamo kangngo y akeaung nai kamta awm bo;

AMTENG HAI NAI 21:8

Na i py jei naichi hawi, ym y naichi hawi, amso ngailai naichi hawi, khumi ai padei naichi hawi, angai naichi hawi, atam kawp naichi hawi, myn y chiu naichi hawi, ka-chawi thui nai bawibawichi py mai hawi kan kang nai ang y phy nga ai nai nichi i vui ne ai: huni ly pa-nyh dei naira ne,” napi.

AMTENG HAI NAI 22:15

Angam mang y ly uichi py, atam kawpchi py, angai naichi py, khumi ai padei naichi py, myn y chiu naichi py, ka-chawi thui jeaung reng iy ka-chawi sa naichi py awm u bo.