ISAIA 57:10 - Khumi Common Language Bible

¹⁰ Nangchi ly tameuh takhrachi ai hau nai deaungkho y akawm i py, mana khala py athosi u y. Nangmychi i mynchi teng i dengdairei atho nga nai ne, nanai dawn u iy, nangchi ly mana khala py paha u y.

ISAIA 57:10 ပူးပေါင်းရင်းမြစ်များ

ISAIA 47:13

Nang teng y tau pei nai miteaung keh neangneang awm teu i py, nang ly ati sai py so thai y leang. Ka-si taukichi ai khen patawm nai khumichi, Kani khusangra y jyhchi patleh takhra iy, lo tlei tleirei tym ai nai atitichi ai nang teng y thui pi yb nai khumichi, nang ai tau pei nai miteaung kehchi ly jeu iy, nang ai atleu u sy.

JEREMIA 18:12

Huna nai khala nichi my, “Kaichi ly amtlau vui pajau y leang; ati mana nai amtlau vui ai mo? Kaichi ly kaimychi ngai ngai paleung tang naimy, hawi y nai kasa u ai,” nanai thui u ai.

JEREMIA 2:25

Aw Israela, tameuh takhrachi mang y abang lawh nai deaungkho y, nang i kheura i phainai asu vui moh sy. Nang i dangkang ai py phuiha hai moh sy. Na i py nangmy, ‘Kai ly cheng takhra khumichi i tameuhchi ai khrei iy nichi nithun mang y abang ai,’ nanai thui bo.

JEREMIA 2:36

Nangchi ly pri takhra tameuhchi ai ahihawi nai molam y, amymy ai tahm anem hai nai Asuria pri ly nang ai sabawm y nai kamta, Aikupta pri my py sabawm y ai.

JEREMIA 3:3

Kai ly hini molam y khuma kani heng hai iy, kangkhym kani py nai hai y nai ne. Nang ly bima kamta amlawn iy, nang ly jei kaji nai py by y bo.

JEREMIA 5:3

Areng ly ka-ym awm nai ai ngai nai ne. Mymy ly nangchi ai pajeng teu i py, nangchi ly dawndan u y. Taphra i py thui parip nai nangchi ly tangai u y. Nangchi i paleung ly lengseaung tleaung py tang u i, uikheih y.

JEREMIA 9:5

Nichi ly ahawi ka-dawichi ai li-tapawp u nai ne. Mani ka-ym leu py katheu u y. Nichi ly leu ka-chawi katheu thai ai nai mychi i labeaung y amtiu u lawh. Kamngo sa naimy mychi ai akawm hai u bo.

Ezekiela 24:12

Na i py laawm kakhawi kaeng bawibawi ly mai kangveaung y kang pyn ai ny y.

HABAKKUK 2:13

Nangchi my tiu iy eaung nai khumichi ly atyhtyh naimy kalop sa iy, atho bai u. Nichi my sa nai yhm hlau ngireichi ly mai my kang pawn bo. Hini ly ati cheaungkhang sa thai nai Areng my sa nai ne.

ROM AVANGCHI TENG Y PAWLA I CHA PA NAI 7:9

Naibaly kai ly jangni y ly Reita ny y naimy kaheng; na i py leu pei nai awm bo nabaly kamngo ly amcheng teang iy, kai ly kadei bo.