ISAIA 56:1 - Khumi Common Language Bible

¹ Areng my mymy i khumichi teng y, “Kai ly kra y naimy nichi ai atleu ai. Hunai deaungkho y nangchi ly hawi naira hawi, adyh adawi naira so u.

ISAIA 56:1 ပူးပေါင်းရင်းမြစ်များ

SAM 106:3

Ka-dyh ka-dawi sa iy kateng sa jojo nai khumichi ly taham hawi u nai ne.

SAM 50:23

Kawn nai leu thui nai ly kai ai tahm khai nai ne. Kai i leu tangai nai khumi bawibawichi ai meitang khyp, kaimy atleu ai,” nanai leu pei bo.

SAM 85:9

Mymy ly mymy ai jei kaji naimy tahm khai nai khumichi ai atleu takengkei ai nai ly angchi yb nai ne.

ISAIA 33:5

Areng ly khri pa-rei nang parai na ly! Mymy ly ati cheaungkhangchi ai peang nai ne. Jerusalem mary y leu meitang adyh adawi naira hawi py, hawi naira hawi py angym hai iy,

ISAIA 46:13

Kai ly nangchi law tleaung ai nai neng kasa hai ai. Huni neng ly pipi palo y leang bo. Kai ly atleu y nai py awm pi vui ai ny y. Kaimy Jerusalem mary ai atleu iy, Israela chengchi ai tahm asang hai ai.”

ISAIA 51:5

Kai ly jeu hawi kaliki iy nichi ai atleu ai. Kai i eaung naira nga ai nai neng ly kasa bo. Khumi cheng cheaungkhangchi ai, kaimy kypkyp my peang ai. Pri takhra i khumichi ly kai, jeu ai nai ajeng u nai ne. Mymychi ai atleu ai, nanai athang khai nai hawimy, nichi ly kai ai ajeng u bo.

ISAIA 55:7

Khumi hawi y naichi ly mymychi i hawi y sa naichi khai su iy, mychi i paleung ka-dawnchi py takhra vui ai nai tla. Nichi ly achi i Areng Tameuh mang y ali u teang ai nai tla. Mymy ly pahen iy law tleaung hai kaliki ai.

ISAIA 61:8

Areng my, “Kai ly leu meitang adyh adawi nai ai kawn, lawm nai hawi pahyp y naimy ana nai ai ly niu ngai y. Kai i khumichi teng y ka-ym awm nai kawn vang pei ai Nichi hawi py deungtasarei leu maikawm asa ai.

ISAIA 64:5

Nang ly kateng sa naira y amo theu naichi ai py, nang i ngai nai kamta sa ai nai tami y nai khumichi ai py, kawn pi nai ne. Nang ly kaichi ai kado theu hai teu i py, kaichi ly kamngo sa ra sa ra bo. Nang ly kado theu naimy awm teu i py, kaichi ly tamang naira sa veangveang nai ne. Jangni i ka-so hina nai kamta kasa u lawh bo.

DANIELA 9:24

“Saneng vui saryh nai meingtym saryhrei nai neng ly nang i chengchi hawi nang i chai parai nai mary ai kamngo hawi, hawi y naira i nai, lawi hai ai nai Tameuh my khai pi takhra nai neng ne. Amteng hai nai hawi amo leu teng khyp nai sai pany hai ai nai hawi, chai parai nai Achura yhm khai takhra teang ai nai molam, Tameuh ly nichi i kamngochi pahen iy, deungtasarei leu meitang adyh adawi nai deung tym ai.

HOSEA 12:7

Areng my, “Israela khumichi ly Kanan chengchi kamta, paleung akawi parai. Nichi ly teng y nai sie khyry hawi van nai khumichi teng y jo u reng nai ne.

MIKHA 6:8

Areng ly hawi naira patei pi. Mymy i aly ngai naichi thui pi bo. Mymy i aly ngai nai ly leu meitang adyh adawi naimy sa nai, tamen naira awm nai, paleung apanem naimy, nang i Tameuh hawi vanrei awm naichi ne.

MIKHA 7:9

Kaichi ly kamngo sa nai deaungkho y, tanarei ly Areng i kado theu nai avum u ai. Na i py mymy ly kangkhym y kaichi i molam ama hai iy, leu meitang naimy tara chih ai. Mymy ly kaichi ai kangvang mang y pahawi ai. Kaichi ly mymy i atleu nai niu takengkei ai.

MALAKHI 4:4

“Kai i miseaung Mosi i reita leuchi ai py, Israela chengchi tangai u ai nai Sinai Mawi salo y ni teng y kaimy pei nai Reita leaungsaichi hawi reita tanynchi py, pany u jo ba.

MATTHAI 3:2

“Uikhei u, kani pri my peang nai ly kasa bo,” napi.

MATTHAI 4:17

Isu ly huni kha i dengdairei, “Uikhei u! Kani pri my peang nai ly kasa bo,” nanai thui pi amteaung bo.

MARKA 1:15

“Neng ly ang tym bo, Tameuh i peang nai ly kasa bo; uikhei u ly, Satang Kahawi ym u,” napi preiprei.

JOHAN 7:17

Ami py mymy i kangai sa ai nai ngai nai khumi ly leu patiu nai ly Tameuh i patheu nai mo, kaimy i paseang iy thui nai mo, nanai pany ai.

ROM AVANGCHI TENG Y PAWLA I CHA PA NAI 1:17

Naibaly ym naira veang ryh veang ryh ai nai, hunira y ly Tameuh i hawi nai sai amteng hai nai ne; “Khumi kahawi ly ym naira y heng ai,” nanai tajiu nai kamta.