ISAIA 55:6 - Khumi Common Language Bible

⁶ Areng ly vai, nangchi sahawi y awm; mymy mang y hi iy hnei takeng u.

ISAIA 55:6 ပူးပေါင်းရင်းမြစ်များ

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

2 NENG SATANG 19:3

Na i py nang ly khumichi chiu nai Asherah tameuhnu i tamkhawn bawibawichi taphra pawn iy, Areng i kangai atho sa nai deaungkho y, nang teng y hawi nai sai maidenrei awm rai,” napi.

EZARA 10:2

Huna nai khala y Elam nupai theung i Jehiela i chapo Shekaniah my Ezara teng y, “Kaichi ly cheng takhra neampachychi hawi apom iy Tameuh i leu tangai y bo. Na i py Israela chengchi i vui athang khai naira awm rai nai ne.

JOBA 8:5

Na i py vai, nang ly ati cheaungkhang sa thai nai keung Tameuh teng y ahihawi iy ahui ba.

SAM 14:2

Areng ly khumi kachengchi hawi mymy ai chiu nai khumichi awm mo, by y mo, nanai pany ai nai kani pri mang dengdairei khumichi ai khen kathiu bo.

SAM 145:18

Nang ly nangmy ai paleung hawi verei palau nai hawi, chiu sa nai khumi bawibawichi sahawi y awm.

SAM 148:14

Mymy ly mymy i khumichi hawi, mymy i tamen keh nai Israela chengchi teng y khri pa-rei atho awm hai nai deaungkho y, huni khumichi ly mymy ai palo u bo. Areng ai palo u!

SAM 27:8

“Kai teng y ahihawi iy chiu ba,” nanai nangmy leu pei nai kamta, aw Areng, kai ly nang teng y ahihawi ai.

SAM 32:6

Hunai deaungkho y nang ai ka-ym awm nai khumichi ly aly aeang nai khala, nang teng y chiu sa hnei takeng ai nai avo nai ne. Khrikhri pa-rei ho nai tui ly nichi teng y tym ai ny y.

SAM 34:19

Khumi kahawi ly ngari kamtang neangneang avum reng; na i py Areng ly ni ai, huni ngari kamtangchira i nai atleu pi nai ne.

SAM 75:1

Kaichi ly nang i pahen nai ai palo u bo; aw Tameuh, kaichi ly nang i pahen nai ai palo u bo; nang ly mana tanrei tahm asang na mo, nanai amthang hai iy, nang i rengrang sa nai saichi ai py kathui pi u nai ne.

SAM 95:7

Mymy ly achi i Tameuh ne; achi ly mymy i kry nai khumichi, mymy pacho panei nai beram kanghuchi ne. Mymy i leu pei nai ai, vaini tangai u sina:

LEU KACHENG 8:17

Kai ai tamen nai khumi ai, kai py tamen; ami py ne sy, kai ai hau baly avum pajau.

ISAIA 12:6

Zion i khumi bawibawichi ai palo nai khulym thui hai u! Israela chengchi i chai parai nai Tameuh ly nang parai nai ne iy, mymy i khumichi theung y awm nai ne.”

ISAIA 26:9

Vum y kai ly nang ai paleung hawi verei kadeaung bo; khaileaung hawi khaileaung pri i khumichi ai nang ly tara chih nai khala y, adyh adawi naira, nanai ly ati mo, nanai nichi pany u ai.

ISAIA 45:19

Kai ly kangviu kam-ai y kathui y; kaimy i dawn pasym nai py apha vai y. Kai ly Israela chengchi ai khumi angso by y nai meingtym y hau hai nai ny y. Kai ly Areng ne; kai ly ka-ym awm nai leu katheu iy kateng lam kapatei pi reng nai ne,” nanai leu pei nai keung ne.

ISAIA 45:22

“Khaileaung pri verei i khumi bawibawichi awi, Kai teng y jeu u ly atleu naira ngo u! Harei awm khyh nai Tameuh ly kai ne.

ISAIA 46:13

Kai ly nangchi law tleaung ai nai neng kasa hai ai. Huni neng ly pipi palo y leang bo. Kai ly atleu y nai py awm pi vui ai ny y. Kaimy Jerusalem mary ai atleu iy, Israela chengchi ai tahm asang hai ai.”

ISAIA 49:8

Areng ly mymy i khumichi teng y, “Nangchi ai atleu ai nai neng tym nai khala y, kai ly nangchi ai neng ka-pe pei iy, sabawm ai nai, nangchi i aeu nai raawi tangai pi ai. Kai ly nangchi ai kang kry ai. Nangchi i molam y, khumi bawibawichi hawi py, leu maikawm asa ai. Vai, anawi seaungkhrang nai nangchi i pri y, saleaung khuteng achah iy awm u ali teang ai nai kang pei ai.

ISAIA 58:9

Nangchi chiu sa nai khala y tangai pi ai. Nangchi kasabawmra hnei nai khala y kang pathang pi ai. “Nangchi ly pahyp y naimy ana naichi anawn iy, teng y naimy neng hai nai amkyn khala, chai y nai leu ngiereichi khai su;

ISAIA 65:10

Nichi ly kai ai chiu naimy, mymychi i beram hawi si, painochi ai nidym mang i Sharon adym y py, nisi mang i Akhaw leaunghawi sui tlai naichira y py, anawnra palawn iy typ u ai.

ISAIA 65:24

Nichi i kai ai chiu nai tem y rai khala my, kai ly nichi i hnei nai pathang pi ai.

JEREMIA 25:5

Nangchi ly nangmychi hawi amsi pajochi teng y, Areng my pei nai pri y deung ka-kan awm u ai nai, huni amochi ly nangchi i heng nai leaungsai hawi, sa nai sai hawi y naichi ai, hi vui ai nai ang thui pi nai ne.

JEREMIA 33:3

“Kai ai palau; kang pathang pi ai. Lyh ai awm iy rengrang nai atitichi kang patei pi ai.

Ezekiela 14:6

“Huna nai y Israela chengchi teng y thui pi; sa thai naira angym nai kai, Areng my leu pei nai ly uikheih u. Amso ngai hawi nai nangchi i sa naichi ai nyn va vui ly mynchi py khai su.

Ezekiela 33:11

Sa thai naira angym nai kai Areng ly Tameuh kangheng ne nai deaungkho y, kaimy kang thui pi nai ly ami mo leaungrei kamngo sa iy dei nai niu ai nai ngai y. Huni khumi kamngo sa nai anawn iy heng nai naini kaniu ai nai ngai. Nangchi Israela chengchi awi, nangchi i sa thym nai kamngochi anawn u jau; ati mana nai y dei ai nai ngai u lawh mo?

Ezekiela 8:6

Tameuh my kai teng y, “Nang khumi cho awi, nichi i sa nai leaungsai nang niu lo-oh? Hini meingtym y Israela chengchi i sa nai amso ngai naichi khen cham; nichi ly kai ai meingtym kachai hawi palo tleaung palora naira mang y ang paryh bo. Nang ly hunichi tleaung y amso ngai hawi naichi malawn py niu ai,” napi.

DANIELA 4:27

Hunaibaly samrang awi, kai i tau pei nai tangai ba. Kamngo so bi moh ly kahawi so ba. Khumi kamawnchi ai pahen ba. Huna nai sa baly nang ly yhmtheaung katui peung ai,” napi.

HOSEA 10:12

Kai my, ‘Nangchi i vui khaileaung kangthara thawn iy, leu meitang adyh adawi nai ti hei u ba, kai i tlang tleaung y ka-ym awm nai amti amjang tyn u, nangchi i Areng teng y ali teang ai nai neng tym bo. Kai py kang jeu iy nangchi ai amtheaung hai ai’ napi.

AMOS 5:6

Areng teng y chei u; hunaibaly nangchi heng u ai. Huna ny y baly mymy ly Israela khumichi i tlang tleaung y, mai kamta ang tym ai. Mai ly Bethela mary i khumichi kang be iy, huni mai ai ami py pathym pajau ai ny y.

JONA 3:8

Khumi bawibawichi hawi tawnbawichi ly paisiu amchiu u ai nai tla. Khumi luteng ly paleung apei parai naimy Tameuh teng y chiu sa ai nai tla. Huni bo y amy i hawi y nai hawi, sa ta-li naichi khai su ai nai tla.

MATTHAI 5:25

Nang ly nang ai seu nai keung hawi lam y tako hawi nai thym khala y ly aly hai praw, ti y baly seu nai keung ly nang ai tara chih nai keung teng y ang tym hai iy, tara chih nai keung ly pajeng nai keung teng y ang au ai i, theaung y ang peaung lawh na.

LUKA 13:25

Yhmkeung my angthau iy katheu kho veng nai bo y nangchi ly angam mang y angdo iy, ‘Areng, peaung pi kyh,’ nanai katheu y takhei nai khala y ni my ly, ‘Nangchi ma mang i awm nai mo kang pany kang pacha y leang,’ nanai ang pathang ai;

JOHAN 8:21

Naibaly mymy ly nichi teng y, “Kai ly chei veng ai bo he, nangchi ly kai ai hau ai i, nangchi i kamngo awm jo naimy dei u ai: kai i chei ai naira y nangchi jeu thai y leang,” napi bi.

EPHESI 3:13

Hunaibaly nangchi i molam y kai i patang nairachi deaungkho y atho angai y nai awm y ai nai kang takeng, hunichi ly nangchi i tahm asang naira ne.

Leu Thui Nai 4:29

Hu y nangchi ly nangmychi i Areng Tameuh ai kadeaung u ai. Nangchi i paleung phailo verei hawi hau u baly, mymy ai avum u ai.

Leu Thui Nai 4:7

“Achi i Areng Tameuh ly achi kasabawmra ngai nai khala, achi i sahawi y awm. Hina nai Tameuh ai chiu nai khumi cheng kalen ly niu vai y.

HEBRAI 2:3

achi ly hina tanrei paheng naira aly len parai nai ai dawndan y baly mana tleaung thai rengrang ai mo? Huni paheng nai satang ly angchei khala y Areng ai teaung nai thui veng bo i, thai nai keungchi ly achi ai ang khaw pi;

HEBRAI 3:13

“Vaini” nanai sala y kani tleirei phai apachei u leungtang, ti y baly nangchi theung y ami py kamngo tapawp naira y paleung tang hai nai awm lawh na;