ISAIA 55:4 - Khumi Common Language Bible

⁴ Kai ly ni ai khumi cheng cheaungkhangchi i tavailu areng kehra y khai iy, kai i sa thai naira ly khumichi i mo y, pany hai pi ai.

ISAIA 55:4 ပူးပေါင်းရင်းမြစ်များ

2 SAMUELA 22:44

Nang ly kai ai tiu nai mipuichi kiu i nai atleu iy, khumi cheng cheaungkhangchi ai peang ai nai pei bo. Kai apany vai y nai khumichi ly vai i neng y kai teng y kahm pei u.

SAM 18:43

Nang ly kai ai tiu nai khumichi my patang hai naira i nai atleu iy, khumi cheng cheaungkhangchi ai py peang hai. Kai ly kaimy pany vai y nai khumichi ai, vai ly peang ai nai kanga bo.

SAM 2:6

Mymy ly “Tahm asang parai nai kai i Zion mawi salo y, kaimy vawi takhra nai samrang ai kaimy kapalyn bo,” napi.

ISAIA 16:5

Huna nai khala y Davida katu chanau theung i leaungrei naini samrang lyn iy, mipuichi ai ka-ymra, ka-tamenra hawi peang ai. Ni ly kahawi sa ai nai patyh ai ny y; leu meitang naimy tara chih pi ai.)

ISAIA 43:10

“Aw, Israela chengchi awi, nangchi ly kai i pany hai nai keungchi ne. Nangchi ly kai ai pany u ai nai py, kai ly Tameuh harei khyh, nanai pany u thai ai nai py, kai ly nangchi ai kaimy i miseaung palawn ai nai kang vawi nai ne. Kai ny y baly tameuh takhra by y; mana khala py by y, vai mo mang py awm ai ny y.

ISAIA 43:12

Kai ly atitichi tym ai nai thui yb iy, nangchi ai sabawm ai nai kang jeu nai ne. Mani cheng takhra i khumichi i tameuh py, hina nai sa nai awm vai y. Nangchi ly kai i pany hai nai keungchi ne.

JEREMIA 30:9

Ti y naimy nangmychi i Tameuh kai, Areng i kalop ai py, nichi i samrang y kaimy khai nai samrang Davida i kangpreangchi i kalop ai py, sa u ai nai tla ai.

Ezekiela 37:24

Kai i miseaung Davida ka-tawm samrang ly nichi i samrang lawm ai. Nichi bawibawi ly beram typ keung leaungrei i anui y amkawm u i, kai i reita leuchi ai ka-ym awm parai naimy kry iy kai i leu pei nai tangai u ai.

Ezekiela 37:25

Nichi ly mychi i amsi pajochi awm reng nai pri, kai i miseaung Jakob teng y kaimy pei nai pri y awm u ai. Nichi kamta nichi i cho chanauchi hawi, nichi i kangpreang bawibawichi py, huni pri y awm u jojo ai. Kai i miseaung Davida kamta samrang ly nichi ai peang jojo ai.

DANIELA 9:25

Vai, kang thui pi nai ly hawihai palai tangai ba. Jerusalem mary sa palum teang ai nai leu pei nai dengdairei, Tameuh my vawi nai miteaung keh tym nai neng ryrei, saneng vui saryh nai meingtym saryhrei awm ai. Jerusalem mary ly lamchi, khaw parai nai mary apaichi hawi sa palum teang ai. Sa palum nai saneng vui tariu saryh nyhrei nai meingtym saryhrei tym pa-rei kra ai. Na i py huni neng ly patang nai neng ne ai.

HOSEA 3:5

Na i py Israela khumichi ly nichi i Areng Tameuh teng y py, nichi i samrang Davida i kangpreangchi teng y py, vawi ali teang nai neng tym ai. Huna nai khala nichi ly Areng ai jei kaji naimy tahm khai u ai. Mymy py nichi ai amtheaung naira pei ai.

MATTHAI 2:6

amo my ly, ‘Judai pri i Bethlehem avang awi! Nang ly Judai pri i avang theung y theang keh y leang! Kai i khumi Israelachi ai typ nai keung lawn ai nai, Nang theung i dengdairei peang nai keung leaungrei theu ai,’ nanai hina nai tajiu,” napi.

JOHAN 10:27

Kai i beramchi ly kai i raawi thai, kai py nichi ai kapany, nichi py kai teng y abang u i,

JOHAN 10:3

Katheu pa-kho typ nai keung ly ni ai paeaung pi i, beramchi ly ni i raawi thai, naibaly ni ly mymy i beramchi ai amyn palau iy angam mang y pahawi.

JOHAN 12:26

Ami py kai i kalop sa baly kai teng y abang sy; kai i awm naira y kai i miseaung py awm teang ai; ami py kai i kalop sa baly ampo my ni ai tahm pasang ai.

JOHAN 13:13

Nangchi ly kai ai Sara, Areng napi; nangchi i napi nai teng mang, kai ly ne khyp.

JOHAN 18:37

Naibaly Pilata my ni teng y, “Nang ly samrang cham mo?” napi. Isu my, “Nangmy kai ai samrang napi be. Leu meitang pany hai ai nai kai ai tapen nai hawi, khaileaung pri y kang jeu nai tang. Ami py leu meitang awm nai ngierei ly kai i leu tangai,” napi.

JOHAN 3:16

“Tameuh my khaileaung pri y khrikhri pa-rei tamen, hunaibaly my i Chapo leaungrei awm khyh nai pei keih, ami py mymy ai ym nai ngierei ly tamo y ai, deungtasarei hengra nga lawh ai.

EPHESI 5:24

Hunaibaly palau takhra kamkawm ly Krista teng y aau nai kamta ly ajuchi ly ati cheaungkhangra y mymychi i juvochi teng y aau u sy.

II THESALONIKA 1:8

nangchi ai ngari patang hai nai keungchi ai ly ngari patang naira vawitheung tha ai nai hawi, nangchi ngari patang nai keungchi ai ly kaichi hawi anawn naira vawitheung tha ai nai ly Tameuh i mei ka-niu y ly meitang ne.

I TIMOTHEI 6:13

Ati cheaungkhangchi ai hengra pei nai keung Tameuh hawi, Pontia Pilata i mo y thai hai nai leu hawi parai nai thui nai keung Krista Isu i mei ka-niu y py leu kang pei.

HEBRAI 2:10

Ati mana nai mo nabaly ni i vui y ati cheaungkhang awm nai hawi, ni i saho y ati cheaungkhang awm teang nai keung i vui ly, chanau neangneangchi ai nang parai naira y hawi ai nai, nichi i heng naira sa pi nai keung ai ly patang nairachi deaungkho y angym hai ai nai avo parai.

HEBRAI 5:9

hunaibaly mymy ai ly angym hai iy, mymy i leu tangai nai bawibawichi i vui y ni ly deungtasarei heng naira pakeung lawn bo:

AMTENG HAI NAI 1:5

pany hai nai keung ka-ym Isu Krista, deira i tapen man nai hawi khaileaung pri i samrangchi ai tara chih nai keung teng i dengdairei py pahenra hawi awmnem naira ly nangchi teng y awm sy.

AMTENG HAI NAI 3:14

“Naibaly Leiodikeia avang i kani pri i amtaw thau nai teng y hinai kamta tajiu: ‘Areng lawn nai, pany hai nai keung ka-ym awm nai hawi meitang, Tameuh i atiti sa nai pakeung i leu thui nai ly hini ne he: