ISAIA 55:3 - Khumi Common Language Bible

³ “Kai i khumichi awi, kai i leu tangai iy, kai teng y jeu u. Hina nai kamta sa baly nangchi ly hengra nga u ai! Kai ly nangchi hawi deungtasarei leu maikawm asa iy, Davida teng y adeu nai amtheaung nairachi ly nangchi teng y kang pei ai.

ISAIA 55:3 ပူးပေါင်းရင်းမြစ်များ

ATITI AWM ANGCHEI NAI 17:7

Hini ly deungtasarei leu maikawm ne i, nang hawi nang i kangpreang deung kangthauchi teng y py kaimy i leu adeu nai ly kakhaw hai jo ai. Kai ly nang i kangpreangchi i Tameuh hawi nang i Tameuh ne ai.

ATITI AWM ANGCHEI NAI 49:10

Juda ly samrang i tivi syn ai; ni i kangpreangchi teng y peang naira haiho awm jojo ai. Cheng cheaungkhangchi ly ni teng y langseaung pei u ai. Ni i leu tangai u ai.

2 SAMUELA 23:5

Hunai kamta teang, Tameuh ly kai i katu chanauchi ai amtheaung naira pei ai; ati mana nai mo nabaly mymy ly phra pajau y, athli vui thai y nai deungtasa Leu Maikawm ly kai hawi asa nai deaungkho y ne. Hunaibaly kai i kangai angym bo; hini ly kai i eaung naira ne; huna nai kamta tym hai ai nai Tameuh ly dawn pi khyp ai.

2 SAMUELA 7:29

Nang i miseaung, kai i katu chanauchi ly nang i mo y meimai nga ai nai, nichi ai amtheaung hai kyh ba. Aw Areng, nang ly adeu pi yb bo. Nang i amtheaungra ly nang i miseaung kai i katu chanauchi amtym jojo ai nai pei kyh ba,” nanai chiu sa nai ne.

2 NENG SATANG 6:42

Aw Areng Tameuh, nangmy vawi takhra nai samrang ai ly khai su moh kyh ba. Nang i miseaung Davida i tlang tleaung y tamen nai ly pany pi jo kyh ba,” nanai chiu sa nai ne.

SAM 119:112

Kai ly dei pa-rei reita leuchi tangai ai nai leu pacheang yb bo.

SAM 119:175

Nang ai palo pajau thai ai nai, kai ai heng ai nai pei kyh ba; nang i patiu pi nai saichi ly kai ai sabawm sy.

SAM 78:1

Kai i khumichi awi, kai i patiu nai leu tangai u; kai i thui nai leu ai kano patheung u.

SAM 89:28

Kai ly ni i tlang tleaung y adeu nai leu ly khaw hai jojo ai; kai ly ni hawi asa nai Leu Maikawm ai khaw hai ai.

SAM 89:29

Ni i pri ly kani khusang kamta khaw hai ai; ni i katu chanauchi ly samrang lawm jojo ai.

THEU NAI 15:26

Nangchi ly “Kai i leu tangai iy, kai i leu pei naichi takhawi y pa-rei patawm u baly, Aikupta chengchi teng y katym hai nai no michi nangchi teng y kang tym hai y leang mang. Kai ly nangchi ai no-na hawi sa pi nai Areng ne,” napi.

LEU KACHENG 4:20

Deang awi, kai i leu tangai ba; kai i thui naichi adawn patyp ba.

LEU KACHENG 7:2

Kai i thui pi nai kamta so ba. Huna nai sa baly nang heng ai. Nang ly nangmy i meicho kangvai ai akry nai kamta, kai i parip naichi tangai ba.

ISAIA 51:4

“Kai i khumichi awi, kai i leu tangai u. Kai i thui nai leu tangai u. Kai ly khumi cheng cheaungkhangchi ai thui parip iy, kai i reita leuchi ly nichi i vui kangvang lawm ai.

ISAIA 54:10

Mawi katheang kalenchi ly anawi iy phra pawn ai. Na i py nangchi i tlang tleaung y kai i tamen nai ly mana khala py tem ai ny y. Aly nai leu ka-deu ai, kai ly khaw hai jojo ai, nanai nangchi ai tamen nai Areng my leu pei bo.

ISAIA 54:8

Kai ly kado theu nai deaungkho y, tanareichy kang hi pi veng nai ne. Na i py tamen naira ly nangchi teng y kang patei pi jojo ai, nanai nangchi ai atleu nai keung Areng my leu pei bo.

ISAIA 61:8

Areng my, “Kai ly leu meitang adyh adawi nai ai kawn, lawm nai hawi pahyp y naimy ana nai ai ly niu ngai y. Kai i khumichi teng y ka-ym awm nai kawn vang pei ai Nichi hawi py deungtasarei leu maikawm asa ai.

JEREMIA 30:9

Ti y naimy nangmychi i Tameuh kai, Areng i kalop ai py, nichi i samrang y kaimy khai nai samrang Davida i kangpreangchi i kalop ai py, sa u ai nai tla ai.

JEREMIA 32:40

Kai ly nichi hawi deungtasarei Leu Maikawm asa ai. Nichi ai amtheaung hai jojo ai. Nichi ly kai ai mana khala py khai su y ai nai, nichi i paleung theung y kai ai jei kaji naimy tahm khai nai paleung ka-dawn nga hai ai.

JEREMIA 33:26

Huna nai kai i kateng sa nai kamta, Jakob i kangpreangchi hawi py, kai i miseaung Davida hawi py, asa nai Leu Maikawm khaw hai jo ai. Kai ly Abraham, Isaka hawi Jakobchi i kangpreangchi ai peang ai nai, Davida kangpreang theung i leaungrei ai vawi takhra ai. Kai i khumichi ai nang chawn hai teang ai. Kai ly nichi i tlang tleaung y kapahen ai,” napi.

JEREMIA 38:20

Kaimy, “Nang ly nichi i kiu y tym ai ny y. Nang teng y kaimy kang thui pi nai Areng i leu phai tangai iy, sa ai nai kang takeng nai teu. Hina nai kamta sa baly cheaungkhangra hawi ai i, nang ly hengra nga ai.

JEREMIA 50:5

Nichi ly Zion mary mang y chei nai lam deng iy, huni mary mang y chei u tapai ai. Nichi ly kai hawi deungtasarei Leu Maikawm asa iy, huni Leu Maikawm ai mana khala py taphra u ai ny y.

Ezekiela 16:60

Na i py nang deaungdi khala, kai i sa nai Leu Maikawm ai adawn ali teang iy, nang hawi deungtasarei khaw nai Leu Maikawm asa ai.

Ezekiela 34:24

Kai, Areng ly nichi i Tameuh lawm ai. Kai i miseaung Davida ka-tawm samrang py, nichi ai peang nai samrang lawm ai. Hini ly kai i pei nai leu ne.

Ezekiela 34:25

Nichi i vui ka-ym awm ai nai kai ly nichi hawi aly nai Leu Maikawm asa ai. Ka-jei awm nai mawi kasi bawibawichi ai pri theung i nai patheu pawn ai. Huna khala naini kai i beramchi ly chymme naimy thengreung theung y awm u ai i, daichi theung y i u ai.

Ezekiela 37:26

Kai ly nichi hawi deungtasarei aly ai nai Leu Maikawm asa ai. Nichi ai kapalum iy khumi peung hai ai i, kai i Achura yhm ly nichi pri y khaw hai jojo ai.

Levi 18:5

Kai i reita hawi leu pei naichi phai patawm u; hunaibaly nangchi ly hengra nga u ai. Kai ly Areng ne,” napi.

AMOS 5:4

Areng my, “Israela khumichi awi, kai teng y ali u teang jau; naibaly nangchi heng u ai.

AMOS 5:6

Areng teng y chei u; hunaibaly nangchi heng u ai. Huna ny y baly mymy ly Israela khumichi i tlang tleaung y, mai kamta ang tym ai. Mai ly Bethela mary i khumichi kang be iy, huni mai ai ami py pathym pajau ai ny y.

MATTHAI 11:28

Nangchi akawm naichi hawi myn kaji pho nai bawibawichi awi, kai teng y jeu u, kaimy anawn hai namang.

MATTHAI 13:16

Nangchi i mei ly niu nai deaungkho y taham hawi; nangchi i kano ly thai nai deaungkho y taham hawi.

MATTHAI 17:5

Ni ly thui dudu nai thym khala y khen cham, tamai kaleung parai nai ly mymychi ai deng; naibaly khen cham, tamai theung i dengdairei raawi ly, “Hini ly kai i Chapo ngai parai nai ne: kai ly mymy i tlang tleaung y khrikhri pa-rei kakawn parai: mymy i leu tangai u,” napi.

JOHAN 10:27

Kai i beramchi ly kai i raawi thai, kai py nichi ai kapany, nichi py kai teng y abang u i,

JOHAN 6:37

Ampo my kai ai pei nai bawibawi ly kai teng y jeu bebe ai; ami py kai teng y jeu nai ai ly den py kapatheu y ai.

JOHAN 7:37

Naibaly pawi lui nai kani aly len keh nai khala y Isu ly angdo i, “Ami py tui ahai baly kai teng y jeu iy nei sy.

JOHAN 8:47

Tameuh teng i theu nai ly Tameuh i leu tangai; nangchi ly Tameuh teng i theu nai ny y nai deaungkho y chy bo tangai y nai ly,” napi.

AMTAW 13:34

“Naibaly veaung ai naira meingtym y chei bi y ai nai Tameuh my ni ai ly kadeichi theung i dengdairei pathau, nanai leu hina nai thui bo: ‘Davida teng y pahen naira kai adeu kheng nai ly nangmy ai kang pei ai mang,’ nanai ly.

ROM AVANGCHI TENG Y PAWLA I CHA PA NAI 10:5

Mosi my ly, “reita i hawi naira patawm nai keung ly huni deaungkho y heng ai,” nanai tajiu bo.

HEBRAI 13:20

Naibaly aly nai Tameuh, beram typ nai keung nang parai nai achi i Areng Isu ai ly deungtasarei leu maikawm thi saho y kadeichi theung i dengdairei pathau bi nai keung ly,