ISAIA 55:2 - Khumi Common Language Bible

² Cha nei kahawi ny y pui naimy, ati mana nai tangka pasum ai mo? Nang i kalop sa nai vang pasum iy, ati mana nai kajeu kanglam awm ai mo? Kai i leu tangai iy, kai i thui nai kamta sa u lawh baly, nangchi ly hawi keh nai teicha teineichi, cha ai nai nga u ai.

ISAIA 55:2 ပူးပေါင်းရင်းမြစ်များ

SAM 22:26

Khumi kamawnchi ly kajeu kawi pa-rei cha ai nai nga u ai. Tameuh teng y ahihawi nai khumichi ly mymy ai palo u ai. Nichi ly deungtasarei hawi naira nga u ai!

SAM 34:11

Deaungdi ahawichi awi, kai teng y jeu iy kai i leu tangai u; Areng ai tahm khai thai ai nai, nangchi ai kaimy kang patiu pi ai.

SAM 36:8

Kaichi ly nangmy lem phraiphreaung nai pa-rei pala pi nai teicha teinei cha ai nai kanga u bo. Nang ly kaichi ai nang i hawi naira, napi nai tavora i tui nei ai nai pei ba.

SAM 63:5

Kai i phailo ly tuinem nai teicha cha ai ngai nai khumi kamta, paleung tienem naimy kaawm ai. Nang ai amo theu parai naimy palo nai khulym thui ai.

THEU NAI 15:26

Nangchi ly “Kai i leu tangai iy, kai i leu pei naichi takhawi y pa-rei patawm u baly, Aikupta chengchi teng y katym hai nai no michi nangchi teng y kang tym hai y leang mang. Kai ly nangchi ai no-na hawi sa pi nai Areng ne,” napi.

LEU KACHENG 1:33

Na i py kai i leu tangai nai khumi ly chymme naimy awm ai nai nga ai. Ni ly jei hyn naira by y naimy, tlamsa nai awm ai,” nanai ne.

LEU KACHENG 8:32

“Hunai deaungkho y deaungdichi awi, kai i leu tangai u. Nangchi ly kaimy kang thui pi nai kamta, sa u baly taham hawi ai.

LEU KACHENG 9:5

“Kai i pawi yb nai teicha teinei hawi, kai i katlen yb nai kreip hang cha nei ai nai jeu u.

Parip nai leu 6:2

Tameuh ly khumi leaungrei teng y nang chawn ai nai, tahm awm ai nai, yhmtheaung katui hawi ngai nairachi pei. Na i py mymy ly huni khumi teng y hunichi amtym ai nai pei y; apany vai y nai khumi leaungrei teng y amtym ai nai pei reng. Hini leaungsai py atyhtyh teu, teng y nai ne.

ISAIA 1:19

Nangchi ly kai i leu tangai lawh teu i khyly, khaileaung i theu nai amti amjang kahawichi cha ai nai nga u ai.

ISAIA 10:27

Huni neng kani tym nai khala y kai ly nangchi ai Asuria chengchi kiu i nai law tleaung hai ai. Nangchi i tlang tleaung y mynji kang tleang hai ai ny y. Nangchi khri pa-rei chawn pa nai deaungkho y, nangchi i mynchi ly jang ai,” napi.

ISAIA 25:6

Ati cheaungkhang sa thai nai keung Areng ly Zion mawi salo y, khaileaung pri y awm nai khumi cheng cheaungkhangchi i vui, hawi keh nai teicha teineichi hawi, hawi keh nai kreip hangchi hawi, dym biu cha pawi pui sa pi ai.

ISAIA 44:20

Ni i sa nai ly maidym cha nai kamta, ati sai py ny y. My i akhum nai ka-dawn ly mymy ai lam tamang hai. Hunai deaungkho y ni ai sabawm ai nai avo pajau y bo. Ni ly my i kiu y syn nai myn ly tameuh pipi ny y, nanai pany y.

ISAIA 46:6

Khumichi ly mychi i muku chakeuchira i mukuchi adiheu iy, mukuchi ai sie khyry hawi neh u. Naibaly tameuh myn sa ai nai muku tangka thip nai khumi alai u bo. Hunaibaly nichi ly huni tameuh ai lu meung iy chiu u nai ne!

ISAIA 51:1

Areng my, “Nangchi atleu naira nga ai ngai nai khumichi awi, kasabawmra hnei ai nai kai teng y jeu nai khumichi awi, kai i leu tangai u. Nangchi ai thiu nai lengseaung ai khen u. Nangchi ai tai nai lengseaung kho ai khen u.

ISAIA 51:4

“Kai i khumichi awi, kai i leu tangai u. Kai i thui nai leu tangai u. Kai ly khumi cheng cheaungkhangchi ai thui parip iy, kai i reita leuchi ly nichi i vui kangvang lawm ai.

ISAIA 51:7

“Leu meitang pany nai khumichi awi, kai i patiu pi nai leu ai dawn thleng nai khumichi awi, kai i thui nai leu tangai u. Nangchi ai kangji kangai pei iy, khumichi my thui tamawn nai khala jei u mo?

ISAIA 62:8

Areng ly sa thai naira lamtang kiu hawi vaineng abeu bo. “Nang i amti amjangchi ly paleung ka-echi i vui, cha nei ateaung lawm ai ny y. Cheng takhra khumichi py, nang i atho sa nai kreip hang nei ai nai nga u ai ny y.

ISAIA 62:9

Na i py amti amjangchi ui iy pakym achu nai nangchi naini hunichi cha u naimy Areng ai palo u ai. Kreip athaichi kry iy athai jaw nai nangchi naini, kai i Achura yhm apai theung y, kreip hang nei ai nai nga u ai.”

ISAIA 65:23

Nichi i kalop ly chawn ai i, nichi i cho chanauchi ly patang naira avum u ai ny y. Kai ly nichi hawi nichi i kangpreangchi ai deung kangthau tleirei amtheaung hai jojo ai.

JEREMIA 12:13

Kai i khumichi ly choh pati teu i py, kabeng alengchi naini tyn u ai. Nichi ly khri pa-rei kalop sa u teu i py, ati sai py kamran by y. Kai i kado theu ala nai deaungkho y, nichi ly kaji ai hawi nai athai pakym u ai,” napi.

JEREMIA 17:24

“Kai i leu pei nai bawibawichi tangai u ai nai tla, nanai nichi teng y thui pi. Nichi ly Anawn kani y hini mary apai katheu pa-khochi tako prei iy, mani myn kajichi py tawn ai nai ngo y. Anawn kani ai ly khai takhra nai kani palawn nai teaung patawm iy ati sai py kalop so u y baly,

JEREMIA 2:13

Kai i khumichi ly heng nai tuino, napi nai kai ai khai su iy tui atang y nai akosyn nai tui kadengra tuikanchi sa u iy, kamngo amjy nyhrei sa tamang u bo.

JEREMIA 31:14

Kai ly pathyp pi nai keungchi ai, teicha teinei kahawi hawi bym pa-rei kapacho iy, kai i khumichi avaw nai ngierei ai angym pa-rei kapei pi ai. Hini ly kai, Areng i thui nai leu ne,” napi.

HOSEA 12:1

Israela khumichi i khawn khutawi dengdai kani dym khala khrairei, sa nai dawn nai ngiereichi ly kamran by y, atyhtyh teu. Nichi theung y ka-ym by y nai, khrukhra naichi nawi ra nai ne. Nichi ly Asuria pri hawi amsawi amnai asa naimy, Aikupta pri hawi ka-sum ka-pai sa u bo,” napi.

HOSEA 8:7

Nichi ly ali ai hei nai khala, kamchai tyn u lawh ai! Li i chohpui chomaw myn y baly tako ngo pajau y. Huni lira i chohpui chomaw myn lawh tei u py pri takhrachi cha u ai.

HABAKKUK 2:13

Nangchi my tiu iy eaung nai khumichi ly atyhtyh naimy kalop sa iy, atho bai u. Nichi my sa nai yhm hlau ngireichi ly mai my kang pawn bo. Hini ly ati cheaungkhang sa thai nai Areng my sa nai ne.

MATTHAI 15:9

nichi i reita patiu naira y ly khumichi i leu pei nai patiu lawh iy, Nichi i kai ai chiu nai ly jawmjawm teu,’ napi,” nanai pathang.

MATTHAI 22:4

Naibaly mymy ly, ‘Kai i heang naichi teng y ly, khen cham, kai i pawi sa rym nai pajau bo i, kai i si kataichi hawi kai i tawnbawi pacho patyp naichi ly tleh i, ati cheaungkhang sa rym bo; aju palyn nai pawi y biu cha ai nai jeu u jau, tapi u’ napi nai miseaung takhrachi ai pato bi bo.

MATTHAI 5:6

“Hawi naira nga ai nai kajeu kanglam tui kanghai dawn y pa-rei hau naichi ly taham hawi: nichi ly bym pa-rei nga ai.

MARKA 7:14

Naibaly mymy ly khumi mipuichi ai palau bi i, nichi teng y, “Nangchi bawibawi ly kai i leu tangai u ly dawn pany u:

LUKA 15:23

si cho veung hawi keh nai lo u ly, tleh u; kawn parai naimy cho u sina;

JOHAN 6:27

Phra nai biu nga ai nai ny y naimy, deungrasarei hengra tym pa-rei awm jo ai nai biu, Khumi i Chapo my ang pei ai nai phai tau u tanga; Ampo, Tameuh my ni ai pajawp hai typ bo.

ROM AVANGCHI TENG Y PAWLA I CHA PA NAI 10:17

Hunaibaly ym naira ly thai naira deaungkho y awm, naibaly thai naira ly Krista i leu deaungkho y awm,

ROM AVANGCHI TENG Y PAWLA I CHA PA NAI 9:31

Na i py hawi naira Reita ai hui nai Israelachi ly huni Reita ai kai pajau y leang bo.

Leu Thui Nai 11:13

“Hunai deaungkho y nangchi teng y vai, kaimy pei nai reitachi phai patawm u; nangchi i Areng Tameuh ai nangchi i paleung hawi verei tamen iy mymy i kalop phai so u.

HEBRAI 13:9

Patiu naira amjy takhra takhra hawi, pany vai y nai my py nangchi ai pajau vui ai nai pei u moh:paleung ly cha ai naichira y ny y naimy, pahenra deaungkho y khaw naira nga nai ly hawi:huni mang y asa naichi ly hunira y chawn naira ngo u lawh y leang.