ISAIA 55:11 - Khumi Common Language Bible

¹¹ Kai i thui nai leuchi py, hina nai kamta tym hai ai. Huni leuchi ly kai i dawn pasym naichi angym hai ai. Kai i pataw nai kalop ngiereichi sa ai.

ISAIA 55:11 ပူးပေါင်းရင်းမြစ်များ

ISAIA 40:8

Acha keung ly jei angchi khyp iy, kaseaungchi py rawm angchi khyp bo. Na i py achi i Tameuh i leu ly deungtasarei khaw jo nai ne,” napi.

ISAIA 45:23

Kai i thui nai leu ly teng khyp nai deaungkho y, takhra vui ai ny y leang. Khumi bawibawichi ly jeu iy, kai i mo y kheukhudi u naimy, leu meitang pei kheng nai tangai ai mang, nanai vaineng abeu u ai.

ISAIA 46:10

Kai ly angchei khala i dengdairei, leu kangtem kang thuipi yb nai ne. Mo mang y tym ai nai atitichi ai, jangni khala my kang thui pi yb veng bo. Kai i dawn pasym naichi ly mana khala py phra ai ny y, nanai kaimy thui pi yb nai kamta, kai i pasym yb nai atitichi ly sa ai.

ISAIA 53:10

Areng my, “Ni ly kai i kangai y no patang nai avum bo. Ni ly mymy i tlang a-au nai ly kamngo pahen nai kapathypra ne. Hunai deaungkho y ni ly mymy i cho chanau kangpreang neangneang niu ai. Ni ly heng sau ai. Mymy deaungkho y kai i dawn pasym naichi py eaung naira nga ai.

ISAIA 54:9

“Kai ly khaileaung pri y tuibai theu hai bi ai ny y, nanai Nova deung y leu adeu pi yb bo. Nangchi ai kado theu hai ali bi ai ny y, nanai vai, kai adeu bo. Kai ly nangchi ai thui parip nai hawi, pajeng nai py kang tym hai ai ny y.

ISAIA 59:21

Nangchi hawi leu maikawm asa ai. Kai ly nangchi teng y kai i sa thai naira hawi parip naichi kang pei ai. Hunichi ai vai i dengdairei, nangchi hawi nangchi i kangpreangchi ly deungtasa khrairei sa patawm u jo ai nai tla,” napi.

JEREMIA 1:11

Areng my, “Jeremia awi, nang ly ati niu mo? " nanai deng baly kaimy, “Baden keung changpi kaniu,” napi.

JEREMIA 1:12

Huna nai khala y Areng my, “Nang i thui nai teng mang. Kai py kaimy i leu teng, nanai ajeng nai ne,” napi.

JEREMIA 1:13

Naibaly Areng ly kai ai leu ang pei bi bo. Mymy ly “Nang ly ati takhra niu bi rai mo? " nanai angdeang. Kaimy, “Tosyh mang y tuibi kado nai laawm kaniu; huni laawm ly tokalawi mang y cheaungkai i, aliu vi nai kamta awm,” nanai kapathang.

JEREMIA 23:20

Huni kado theu naira ly mymy i sa ai tau nai ngiereichi amcheang y ryrei ly rym lawh ai ny y. Hunichi ai mymy i khumichi ly tym ai nai neng kani khala y, chaipyn pa-rei pany u ai,” napi.

JEREMIA 25:13

Kai ly hini khumi chengchi ai vaichi khala kapajei nai kamta, khumi cheng cheaungkhangchi ai Jeremia my thui pi nai pajeng nairachi hawi py, hini cha-iu theung y abawi nai pajeng nairachi hawi py, kaparip ai.

Ezekiela 24:14

Hini ly Areng i leu pei nai ne. Kaimy pajeng ai nai neng ly tym bo. Kai ly nang i kamngochi khen teu ai ny y, kang pahen ai ny y, kang tamen ai ny y. Nangmy i sa nai molam y kamngo pajeng naira avum ai,” napi. Hini ly sa thai naira angym nai Areng i leu pei nai ne.

AMOS 6:11

Areng my leu pei nai deaungkho y, yhm katheang kalenchi ly phra seaungkhrang ai.

ZEKHARIAH 1:6

Kai ly kaimy i amochi dengdairei, nangchi i amsi pajochi teng y leu pei naichi hawi pany hai nai leuchi kapei pi nai ne. Na i py nichi ly kai i leu ai dawndan u y nai deaungkho y, avo nai kamta pajeng naira avum u. Huna nai khala nichi ly uikheih u. Ati cheaungkhang sa thai nai kai, Areng ly kaimy i dawn yb nai kamta, nichi ai kamngo vang kamlau parip nai ne, nanai py pany u ai,” nanai nichi teng y thui pi ai nai leu pei nai ne.

Kati Nai 23:19

Tameuh ly khumi kamta ka-chawi leu thui y leang; mymy ly khumi kamta paleung ali vui y leang. Mymy ly leu adeu nai kamta sa khyp; mymy i leu pei nai kamta py ne khyp.

MATTHAI 24:35

Kani khaileaung ly tama ai i, kai i leu ly tamo y ai.

JOHAN 6:63

Phailo ly paheng nai keung ne, tlang ly ati sai py kamran by y leang; hini nangchi teng y kai i leu thui nai ly phailo py ne, hengra py ne.

ROM AVANGCHI TENG Y PAWLA I CHA PA NAI 10:17

Hunaibaly ym naira ly thai naira deaungkho y awm, naibaly thai naira ly Krista i leu deaungkho y awm,

I KORINTH 1:18

Ati mana nai mo nabaly kraws satang ly tama dudu naichi i vui pathu naira ne, na i py achi hengra nga dudu naichi i vui ly Tameuh i atiti sa thai naira ne lawh veng.

Leu Thui Nai 32:2

Kai i patiu pi naichi ly kani amai kamta tla iy, khaileaung salo y kadam amai kamta angdeang ai. Kai i leu ly keung dichychi tleaung y kani nai hai nai kamta py, acha tleaung y kani nai hai sym nai kamta py lawm ai.

I THESALONIKA 2:13

Nangchi ly kaichi teng i dengdairei Tameuh i leu thai nai patawm nai thym khala y ly, khumi i leu kamta ny y naimy Tameuh i leu kamta patawm lawh nai deaungkho y, kaichi ly Tameuh teng y kawn nai leu thui reng nai ne; huni ly Tameuh i leu ne khyp iy nangchi ym naichi theung y sa reng nai ne.

HEBRAI 6:7

Tla reng nai kani tui nei chum nai, hlau pi naichi i vui amti amjang aly ngai nai patheu pi nai khaileaung ly Tameuh teng i amtheaung naira nga reng nai ne;

JAKOB 1:18

Achi ly mymy i atiti sa naichi theung y athai man nai kamta lawn thai ai nai, mymy i ngaingai leu meitang i saho y achi ai ang tapen.

I PETERA 1:23

ti phra thai nai ny y naimy, Tameuh i heng jojo nai hawi awm jojo nai leu y ly ti phra thai y naira y kangtha tapen nai lawn u bo.

1 SAMUELA 3:19

Samuela ly veangryh veangryh i Areng ly ni hawi vanrei awm hai iy, Samuela i thui nai ngierei ly sa pi khyp bo.