ISAIA 55:10 - Khumi Common Language Bible

¹⁰ “Kai i leu ly khaileaung y tui pei ai nai tla hai nai kanitui hawi ji amaichi kamta ne. Hunichi ly amti amjangchi prau hai reng. Pati ai nai tichi hawi cha ai nai teicha teineichi lawm hai reng nai ne.

ISAIA 55:10 ပူးပေါင်းရင်းမြစ်များ

SAM 104:15

amy ai amo theu hai nai kreip hang py, awm nai sai khesere hai ai nai olive asitui py, tlang atho lawm hai ai nai teicha teinei py, nga pajau nai ne.

ISAIA 30:23

Nangchi amti amjangchi pati u nai neng tleirei y prau hai ai nai, Areng ly kani nai hai ai. Nangchi tyn ai nai amti amjangchi thawn hai iy, si, painochi py sui tlaira ka-leu nga ai.

ISAIA 5:6

Kai ly huni akhobaira y acha keungchi beng hai kha ai. Kreip changpichi tangam pi y iy, khaileaung py taipi pui ai ny y. Aleng keungchi neangneang prau hai ai. Huni akhobaira y kani nai hai y ai nai, khupanymchi ai kaimy paka vui ai,” nanai thui bo.

ISAIA 61:11

Tichi ly pato iy keung prau nai kamta, Areng ly mymy i khumichi ai meitang khyp atleu ai. Khumi cheng cheaungkhangchi my py, mymy ai palo u ai.

Ezekiela 34:26

“Kai ly nichi ai amtheaungra pei iy kai i mawi kachai tengtang y awm hai ai. Aly aeang nai neng tym nai khala, amtheaung nai kani nai hai ai.

HOSEA 10:12

Kai my, ‘Nangchi i vui khaileaung kangthara thawn iy, leu meitang adyh adawi nai ti hei u ba, kai i tlang tleaung y ka-ym awm nai amti amjang tyn u, nangchi i Areng teng y ali teang ai nai neng tym bo. Kai py kang jeu iy nangchi ai amtheaung hai ai’ napi.

HOSEA 2:21

Huna nai khala kai i khumi Israela chengchi i chiu sa nai tangai pi ai. Kai ly khaileaung salo y kani nai hai nai deaungkho y, khaileaung i dengdairei, choh, kreip athai hawi olive athaichi athai ai.

Leu Thui Nai 32:2

Kai i patiu pi naichi ly kani amai kamta tla iy, khaileaung salo y kadam amai kamta angdeang ai. Kai i leu ly keung dichychi tleaung y kani nai hai nai kamta py, acha tleaung y kani nai hai sym nai kamta py lawm ai.

AMTENG HAI NAI 11:6

Naibaly nini leu thui hawi nai sala ryrei ly kani nai y ai nai kani khang hai thai nai sa thai naira awm hawi: naibaly nini i ngai nai neng tleirei y tui ai thi palawn ai nai hawi, khaileaung pri y ly patang hai naira cheaungkhang tym hai ai nai py sa thai naira awm hawi mei.

1 SAMUELA 23:4

Hunai deaungkho y Davida ly Areng teng y hnei takeng bi nai ne. Areng my ni teng y, “Keilah mary y chei ly tiu; kai ly nang ai Philistia chengchi tlang tleaung y eaung hai ai,” napi.