ISAIA 54:9 - Khumi Common Language Bible

⁹ “Kai ly khaileaung pri y tuibai theu hai bi ai ny y, nanai Nova deung y leu adeu pi yb bo. Nangchi ai kado theu hai ali bi ai ny y, nanai vai, kai adeu bo. Kai ly nangchi ai thui parip nai hawi, pajeng nai py kang tym hai ai ny y.

ISAIA 54:9 ပူးပေါင်းရင်းမြစ်များ

ATITI AWM ANGCHEI NAI 8:21

Apathyp nai mui katui ai Areng ly kawn i, Nova teng y, “Khumichi atiti sa nai deaungkho y khaileaung ai kapasawi bi y leang bo; khumi i paleung dawn naichi ly deaungdichy khala i ka-so hawi y jojo nai kapany; vai i kamta heng nai cheaungkhangchi ai katamyh bi y leang bo.

JOBA 11:16

Huna nai khala nang ly jangni y avum nai, tui my lemheu nai ai tami veng nai kamta, amy i ngari kamtangchi py tami veng ai.

SAM 104:9

Khaileaung ai tui my um bi y ai nai, nang ly tuichi lem heu pajau y pa-rei, khujyh kamtleh khai pi bo.

ISAIA 12:1

Khumichi my hina nai palo nai neng kani tym ai, “Aw Areng, kai ly nang ai kang palo nai ne. Nang ly vaichi khala, kai i tlang tleaung y kado theu hai bo; na i py vai ly kado theu hai y bo i, awmnem naira pei bo.

ISAIA 49:18

Nang i tengpang y ati mana lawh mo, nanai khen prei cham! Nang i chengchi ly akachu u iy, mychi i pri mang y vawi u dudu bo! Kai ly Tameuh kangheng ne nai deaungkho y, nang ly amia lengseaungchi amthyp iy deaung vawi nai anglo kamta, my i chengchi molam y amlyh ai.

ISAIA 51:22

Nangchi i Areng Tameuh ly nangchi ai ang kry iy, “Kaimy nangchi teng y kado katheu ang pei nai khau ly nangchi teng i nai kang la pi ali teang ai. Nangchi ai pavui tapai hai nai kreip hang ly nangchi nei u ali bi ai ny y.

ISAIA 51:6

Kani khusang ai khen ang deng u; khaileaung ai py khen u! Kani khusang ly maikhyh kamta tama vui ai. Khaileaung ly ateaung tangym nai kamta phra dudu ai. Hini khaileaung i khumi bawibawichi py, pathau kamta dei be ai. Na i py kai i atleu naira ly deungtasarei awm jojo ai. Kai i eaung naira ly mana khala py phra ai ny y.

ISAIA 51:8

Huna nai khumichi ly thaikem my cha nai ateaung kamta tama vui ai! Na i py kai i hawi naira ly deungtasarei awm jojo ai. Kai i sa thai nai atleu naira py, deungtasarei awm jojo ai,” napi.

ISAIA 55:11

Kai i thui nai leuchi py, hina nai kamta tym hai ai. Huni leuchi ly kai i dawn pasym naichi angym hai ai. Kai i pataw nai kalop ngiereichi sa ai.

ISAIA 62:8

Areng ly sa thai naira lamtang kiu hawi vaineng abeu bo. “Nang i amti amjangchi ly paleung ka-echi i vui, cha nei ateaung lawm ai ny y. Cheng takhra khumichi py, nang i atho sa nai kreip hang nei ai nai nga u ai ny y.

JEREMIA 31:37

Khumichi ly kani khusang ai saju angka pata pajau iy khaileaung i sangum langdeng ai hau nai niu khala naini, mymy ly Israela khumichi ai nichi i sa nai kamngochi molam y kaimy khai su ai. Hini ly kai, Areng i thui nai leu ne.

Ezekiela 16:42

Naibaly kai ly kado theu nai rym ai i, awmnem ai; kado theu bi ai ny y, ka-e paleung py awm bi ai ny y leang bo.

Ezekiela 39:20

Kaimy sa pi nai cha nei pawira y nichi ly keaungngochi hawi keaungngo atang nai risachi, tavaimichi hawi tavai keung y abawi naichi i ngan cha ai nai nga u ai. Hini ly sa thai naira angym nai kai, Areng my pei nai leu ne,” napi.

Ezekiela 39:29

Kai ly kaimy i khumi Israela chengchi tlang tleaung y kai i phailo lei pi ai. Nichi ai mana khala py kai nithun thun bi ai ny y. Hini ly sa thai naira angym nai kai, Areng my pei nai leu ne,” napi.