ISAIA 54:17 - Khumi Common Language Bible

¹⁷ Na i py mani tavai ateaung py, nang ai no pei pajau y leang. Nang ly nangmy ai ang seu nai ngiereichi ai, tlau teang pajau ai. Kai ly kaimy i miseaungchi ai kry iy, eaung naira kapei ai,” napi. Hini ly Areng i leu pei nai ne.

ISAIA 54:17 ပူးပေါင်းရင်းမြစ်များ

JOBA 1:11

Nang ly ni i nang nai yhmtheaung katuichi ai chau hai lawh teu baly, ni ly nang ai mei ka-niu y my ang pasawi ai,” napi.

JOBA 2:5

Vai, nang ly Joba i ngan tlang ai no patang hai lawh baly, ni ly nang ai mei ka-niu y my ang pasawi ai,” napi.

JOBA 42:7

Areng ly Joba teng y hina nai leu pei chum baly Eliphe teng y, “Kai ly nang hawi nang i ahawi leaung nyhrei tlang tleaung y kado theu bo. Nangchi ly kai i satang ai kai i miseaung Joba kamta meitang khyp, katheu u y,

SAM 32:6

Hunai deaungkho y nang ai ka-ym awm nai khumichi ly aly aeang nai khala, nang teng y chiu sa hnei takeng ai nai avo nai ne. Khrikhri pa-rei ho nai tui ly nichi teng y tym ai ny y.

SAM 61:5

Aw Tameuh, nang ly kai i adeu nai leu ai tangai pi bo; mymy i nang parai nai sai ai palo u nai khumi teng y, pei pi nai yhmtheaung katui ly kai ai pei ba.

SAM 71:16

Areng Tameuh i sa thai naira saho y kachei ai; nang naini hawi, nanai satang kai ly amthang hai ai.

SAM 71:19

Aw Tameuh, nang i leu meitang adyh adawi nai ly kani mang y khrairei tym nai ne; ati mana nai mo nabaly nang ly nang parai nairachi sa nai deaungkho y ne. Nang hawi atawm nai khumi leaungrei py by y.

ISAIA 17:12

Phum-ang len nai prichi ly pangli tui kamsau katyn, tui sampyh kalenchi katyn kamta, kado tukulu nai ne.

ISAIA 26:2

Mary apai katheuchi paeaung chum baly kahawi sa nai khumi cheng, ka-ym awm nai khumi cheng kun ai nai pei u.

ISAIA 29:8

Jerusalem mary y tiu u nai khumi cheng cheaungkhangchi ly amang mang y teicha teineichi cha ai nai nga iy, anglaw nai neng khala y kajeu alam kari alam veangveang nai kamta py, amang mang y tui nei iy i anglaw nai neng khala tui ahai nai ly tui ahai veangveang nai khumi hawi py atawm ai.

ISAIA 3:10

Khumi kahawichi ly taham hawi ai. Nichi i vui cheaungkhangra y amsym ai. Nichi ly mychi i dawn nai, tau nai, sa naichi molam y, hawi naira avum u ai.

ISAIA 40:2

Jerusalem mary i khumichi ai atho pei u. Nichi ly ngari kamtang kra parai pa-rei avum nai deaungkho y, nichi i kamngochi ai vai, kaimy pahen pi bo, nanai nichi teng y thui pi u. Kai ly nichi i kamngo nai ai pajeng nai tym angym hai bo,” napi.

ISAIA 41:11

Aw, kai i khumichi awi, nangchi ai kado theu hai nai khumichi ly tahm anem iy kangji nga u ai. Nangchi ai tiu nai khumichi ly dei u ai.

ISAIA 46:13

Kai ly nangchi law tleaung ai nai neng kasa hai ai. Huni neng ly pipi palo y leang bo. Kai ly atleu y nai py awm pi vui ai ny y. Kaimy Jerusalem mary ai atleu iy, Israela chengchi ai tahm asang hai ai.”

ISAIA 50:8

Tameuh ly kai i sahawi y awm iy, kai teng y kamngo by y nai sai ka-ma-ra patei pi ai nai deaungkho y, kai ly tahm anem ai ny y, nanai pany. Kai ai neng hai vam nai khumi leaungrei awm lawh baly, jeung y chei u sina! Huni khumi ly my i neng hai nai sai syn ryp sy!

ISAIA 50:9

Areng mymy kypkyp my, kai mang y asa hai ai i, kai teng y kamngo awm, nanai ami my pany hai nai ka-ma-ra patei pajau ai mo? Kai ai neng hai nai khumi ngiereichi ly tama veng ai. Nichi ly thaikem my cha nai ateaung kamta phra ai.

ISAIA 51:5

Kai ly jeu hawi kaliki iy nichi ai atleu ai. Kai i eaung naira nga ai nai neng ly kasa bo. Khumi cheng cheaungkhangchi ai, kaimy kypkyp my peang ai. Pri takhra i khumichi ly kai, jeu ai nai ajeng u nai ne. Mymychi ai atleu ai, nanai athang khai nai hawimy, nichi ly kai ai ajeng u bo.

ISAIA 54:15

Nang ai ang tiu nai khumi leaung leaungrei awm lawh teu baly, huni khumi ly kai i kangai ny y. Nang ai tiu nai ngiereichi ly sum ai.

ISAIA 54:16

“Mai paeng iy tavai ateaung sa nai tamo thip kawp nai sara ai kaimy sa nai ne. Khumi ai padei ai nai tavai ateaungchi teaung nai tavaimi risachi ai py kaimy sa nai ne.

ISAIA 58:14

kai ai chiu naira i nga ai ataing nai paleung awmnem naira nga u ai. Kai ly nangchi ai khaileaung pri verei y tahm awm hai ai. Nangchi py nangmychi i amsi pajo Jakob teng y pei nai pri y, amo theu parai naimy awm u ai. Hini ly kai Areng i thui nai leu ne,” napi.

ISAIA 60:21

Nang i khumi bawibawichi ly kateng sa u naimy, pri py peang ai nai nga u jojo ai. Khumi bawibawichi i mo y kai i nang parai nai amteng hai ai nai, kai ly nangchi ai kry iy kapalum ai.

ISAIA 61:10

Jerusalem mary ly Areng i sa nai kalop molam y amo theu ai. Ni ly apom ai nai ateaung amthyp nai, deaung vawi nai anglo hawi atawm. Tameuh ly ni ai atleu naira, eaung nairachi hawi amthyp hai bo.

JEREMIA 23:6

Huni samrang my peang nai thym khala y Juda khumichi ly chymme naira awm ai i, Israela khumichi ly tlamsa naimy awm u ai. Naibaly huni samrang i amyn ly ‘Kaichi ai atleu pi nai Areng,’ nanai palau u ai.

DANIELA 3:26

Hunaibaly samrang Nebukhadnezar ly khri pa-rei angveaung nai mai pui kangveaung pa-khora chei iy, “Tahm asang keh nai Tameuh i miseaung Sadraka, Meshaka hawi Abedanekochi awi, mai pui theung i nai theu u,” napi. Naibaly nichi ly vaimy theu u bo.

DANIELA 6:20

Khrangsi angawm y tym nai khala, paleung mawn nai raawi hawimy, “Tameuh kangheng i miseaung Daniela awi! Nang i ka-ym awm naimy chiu nai Tameuh ly nang ai khrangsichi teng i nai atleu pi pajau a?” nanai deng.

MATTHAI 16:18

Naibaly kang thui pi, nang ly Petera ne, naibaly hini lengseaung pui tleaung y ly kai i palau takhra kamkawm kapadyh kalau ai i, tavau kho i apai katheu pa-kho my ly huni ai pajau y ai.

ROM AVANGCHI TENG Y PAWLA I CHA PA NAI 10:4

Krista my ym nai ngiereichi ai hawi naira nga hai thai ai nai reita ai anawn hai nai keung ne.

ROM AVANGCHI TENG Y PAWLA I CHA PA NAI 3:22

huni ly mana mo nabaly Isu Krista ai ym nai deaungkho y Tameuh i hawi naira ly ym nai ngiereichi teng y amteng hai nai ne:

ROM AVANGCHI TENG Y PAWLA I CHA PA NAI 8:1

Hunaibaly vai ly Krista Isu y awm naichi i vui ly sum hai ai naira ha py by y leang bo.

I KORINTH 1:30

Na i py nangchi naini mymy i saho y Krista Isu y heng nai ne; ni ai ly Tameuh teng i dengdairei achi i vui cheng naira hawi, chai naira hawi, atleu naira hawi sa hai nai ne.

II KORINTH 5:21

Mymy y ly achi ly Tameuh i hawi naira lawn thai ai nai, kamngo pipi pany y nai ai ly Tameuh my achi deaungkho y kamngo palawn bo.

PHILIPI 3:9

Krista ai kanga thai ai nai hawi, amy i hawi naira ly (huni ly Reita i hawi naira) by y naimy, Krista ai ym nai deaungkho y hawi naira ly (huni ly ym nai deaungkho y Tameuh teng i hawi naira) nga lawh iy, mymy y kaawm lawh thai ai nai hawi,

JOSUA 24:10

Na i py kai ly Balam i hnei takeng nai sai tangai pi y i, ni ly nangchi ai amtheaung hai bo. Hina nai khala, kai ly nangchi ai Balek kiu i nai atleu pi bo.

II PETERA 1:1

Simon Petera, Isu Krista i miseaung hawi amtaw thau nai my ly achi i Tameuh hawi achi ai Paheng Keung Isu Krista i hawi naira deaungkho y kaichi hawi vanrei ym naira vang teng parai nai nga teang naichi teng y ly:

AMTENG HAI NAI 12:10

Naibaly kani pri mang y ly tao pajeng parai naimy, “Vai ly kaichi i Tameuh i atleu naira hawi, sa thai naira hawi, peang naira hawi mymy i Krista i aly peang naira py tym bo; kaichi i amjo amnauchi ai seu nai keung, kaichi i Tameuh i mo y ly vum kanithun seu jojo nai keung ai ly aphi kathiu vui bo.

1 SAMUELA 23:17

ni teng y, “Jei moh, kai i ampo Sawla ly nang i tlang tleaung y ka-jeira tym hai pajau ai ny y leang; nang ly Israela chengchi i samrang lawm ai nai py, kai ly nang i bangtang lawm ai nanai py, ni ly pany hawihai bo,” napi.