ISAIA 54:1 - Khumi Common Language Bible

¹ Aw Jerusalem mary, nang ly cho chanau so y nai neampachy hawi atawm. Na i py vai ly amo theu naimy khulym thui iy, aeu pajau bo. Vai, nang ly juvo my khai su vai y nai neampachy tleaung y py, cho chanauchi neangneang nga ai!

ISAIA 54:1 ပူးပေါင်းရင်းမြစ်များ

ATITI AWM ANGCHEI NAI 21:6

Sarah my, “Tameuh ly kai ai amo theu hai, amnui ano hai i, thai nai khumichi ly kai hawi vanrei amo theu u ai,” napi.

SAM 113:9

Mymy ly teng nai neampachy ai tahm pasang i, cho chanauchi nga hai iy amo theu hai bo. Areng ai palo u!

Solomon i khulym 8:8

Kaichi teng y yhmtheaung sa ai lawm y rai nai tuichochy leaungrei awm; ni ai khrei nai khumi awm nai khala y, achi ati mana sa ai mo?

ISAIA 12:6

Zion i khumi bawibawichi ai palo nai khulym thui hai u! Israela chengchi i chai parai nai Tameuh ly nang parai nai ne iy, mymy i khumichi theung y awm nai ne.”

ISAIA 24:14

Dei kamthum khumichi ly amo theu naimy khulym thui u ai. Nidym mang i khumichi ly Areng i nang parai nai sai pany hai iy,

ISAIA 44:23

Nangchi kani khusang awi, amo theu naimy aeu u! Khaileaung thiu parai nairachi awi, aeu u! Mawichi hawi thengreung theung i dengkeaung keungchi awi, amo theu naimy aeu u! Areng ly mymy i khumi Israela chengchi ai atleu iy, mymy i nang parai nai patei pi bo.

ISAIA 49:13

Kani khusang awi, khulym thui! Khaileaung awi, amo theu naimy khulym thui! Mawichi ly raawi pajeng parai naimy, khulym thui u sy! Areng ly mymy i khumichi ai, awmnem naira pei ai. Mymy ly ngari kamtang avum nai mymy i khumichi ai pahen ai.

ISAIA 49:19

“Nang i pri ly phra seaungkhrang iy, khumi angso savai tlang veng bo. Na i py vai ly awm nai khumichi i vui huni pri ly theang ala veng nai ne. Nang ai phra seaungkhrang hai nai khumichi ly kamlora y tym u veng ai.

ISAIA 49:20

Pri pala naira y tapen nai nang i chengchi ly kanirei nai khala nang teng y, hini pri ly theang ala, kaichi awm ai nai meingtym ngai asai rai!,’ nanai thui u ai.

ISAIA 62:4

“Paleng vui naira avum nai khumi,” nanai amyn loh ai ny y. Nang i pri py, “Akhai su nai aju,” nanai amyn palau ai ny y leang bo. Nang i amyn kangtha ly “Tameuh my kawn nai neampachy,” nanai lawm ai. Nang i pri py, “Amotheu parai naimy pom nai,” nanai amyn loh ai. Ati mana nai mo nabaly Areng ly nang ai kawn nai deaungkho y, juvo lawm nai keung ly mymy i aju ai tamen nai kamta, nang i pri ai py tamen ai.

ISAIA 66:7

“Kai i chai parai nai mary pui ly deaungdi tapen ai nai kajeu nodei y naimy, tapen praw ryp nai amhm hawi atawm.

ZEPHANIAH 3:14

Aw Israela khumichi awi, amo theu naimy khulym thui u! Aw Jerusalem mary awi, nang ly paleung pathym hawi verei amo theu u!

ZEKHARIAH 9:9

Zion mary i khumi bawibawichi awi, amo theu u, amo theu u! Nangchi Jerusalem mary i khumichi awi, amo theu naimy aeu u! Khen u; nangchi i samrang ly nangchi teng y ang jeu bo! Huni samrang ly eaung naira nga i, atleu ai nai ang jeu nai ne i py, paleung apanem naimy keaungngo kano kasau nu i cho, keaungngo kano kasau cho tleaung y, atang naimy ang jeu bo.

KALATIA 4:27

“Teng iy chanau tapen vai y nai awi, amo theu, Chanau tapen nai no vai y nai awi, aeu; Juvo awm nai tleaung y ly savai tlang nai neampachy ly chanauchi nawi keh lawh,” nanai tajiu nai ne chy bo.

1 SAMUELA 2:5

Vaichi khala kajeu kawi nai khumichi ly vai i neng y cha-nei ai nai vui tham ai nai tla bo; na i py cha-nei avaw naichi ly bym pa-rei cha ai nai nga bo. Teng nai neampachy ly deaungdi leaung saryhrei tapen; na i py chanau sawi nai amhm ly leaungrei py by y leang bo.