ISAIA 53:8 - Khumi Common Language Bible

⁸ Khumichi ly ni ai patiu iy, padei ai nai leu pacheang bo. Naibaly padei ai nai pahawi; na i py ni i avum ai nai khym taham ai ly ami py dawndan pi y. Ni ly achi khumichi i kamngochi deaungkho y, padei naira avum nai ne.

ISAIA 53:8 ပူးပေါင်းရင်းမြစ်များ

SAM 69:12

Nichi ly lam y kai i satang thui u nai ne; mhm-rah nei ala nai khumichi ly kai i satang khulym mang y thui u bo.

SAM 88:5

Kai ly khumi kadei kamta ne; padei naira avum iy tapreaung angawm theung y tym nai khumi kadei kamta ne. Nangmy pipi pany y vui nai khumi, nangmy sabawm ai avo y nai khumi kamta lawm bo.

ISAIA 53:12

Hunai deaungkho y kai ly ni ai tahm asang nai khumi, sa thai naira awm nai khumichi hawi vanrei, tahm teng nai meingtymra y pei ai. Ni ly mymy i tlang ai pasai y naimy apei iy, khumi hawi y naichi i taham si nai kham pi. Ni ly kamngo sa naichi i jeng y huni khumichi hawi ataing nai kamngo amtym pi iy, nichi i kamngo lawi ai nai chiu sa pi bo,” napi.

ISAIA 53:5

Na i py achi i kamngo molam y, no pei nai tamo kalemchi nga iy, achi i hawi y sa nai molam y khyh pakhau nai avum nai ne. Ni ly huna nai kamngo pajeng nai kham pi nai deaungkho y, achi ly kamngo lawira nga bo. Ni i nga nai tamo kalem saho y, achi ly no hawi naira nga nai ne.

JEREMIA 11:19

Kai ly padei ai nai pahawi nai beram kamta ka-ym awm nai khumi ne. Nichi ly kai i tlang tleaung y hawi y sa ai nai ka-dawn awm nai ly kai pany y. Nichi my, “Keung hawi thym nai dengkeaung keung ai paliu u sina. Ni ai vai mo mang y ami my py pany ali y ai nai, ni ai achi padei u sina,” nanai thui u bo.

TANGAM NAI LEU 3:54

Tui ly kai ai ang um dudu nai deaungkho y, kai ly kadei ai bo, nanai kadawn bo.

DANIELA 9:26

Naibaly neng kani dym nai khala y, Tameuh my vawi nai miteaung keh ai ly khumi hawi y naimy padei vui ai. Kangkhym y tym iy atho awm nai samrang leaungrei i tavaimichi ly Jerusalem mary hawi Achura yhm taphra u vui ai. Kangkhym y ly Tameuh my sa yb nai kamta, tavai atiu nai hawi taphra naira ly tym iy, tuibai theu nai kamta kangkhym i neng ang tym ai.

MATTHAI 1:1

Hini ly Isu Krista ampreng nai keungchi i satang ne; mymy ly Davida i kangpreng hawi Abraham i kangpreng ne;

JOHAN 19:7

Judachi ly ni teng y, “kaichi i reita harei awm, mymy ly Tameuuh i Chapo amlawn nai deaungkho y huni reita i leu y dei ai nai tla,” nanai pathang u.

AMTAW 8:33

Mymy tahm apanem nai thym khala ly mymy i tlang tleaung y tara chih ai nai pei y leang. Mymy i kangpreangchi i satang ly ami my thui ai mo? Khaileaung pri i dengdairei mymy i hengra ly la pi bo,” nanai he.

ROM AVANGCHI TENG Y PAWLA I CHA PA NAI 1:4

naibaly chai naira phailo mang y ly Tameuh i Chapo ne, nanai ly kadeichi theung i nai angthau bi nai deaungkho y sa thai naira y khri pa-rei pany hai bo; huni ly Isu Krista achi i Areng ne;

I PETERA 3:18

Ati mana nai mo nabaly Krista ly achi ai Tameuh teng y ang pahawi thai ai nai kamngo nairachi deaungkho y tlenrei patang, khumi kahawi ly hawi y naichi i vui y; tlang mang y padei nai awm i, phailo mang y paheng nai bo;