ISAIA 53:12 - Khumi Common Language Bible

¹² Hunai deaungkho y kai ly ni ai tahm asang nai khumi, sa thai naira awm nai khumichi hawi vanrei, tahm teng nai meingtymra y pei ai. Ni ly mymy i tlang ai pasai y naimy apei iy, khumi hawi y naichi i taham si nai kham pi. Ni ly kamngo sa naichi i jeng y huni khumichi hawi ataing nai kamngo amtym pi iy, nichi i kamngo lawi ai nai chiu sa pi bo,” napi.

ISAIA 53:12 ပူးပေါင်းရင်းမြစ်များ

ATITI AWM ANGCHEI NAI 3:15

Nang hawi neampachy ly leaung leaungrei aniu ngai y ai nai kang sa; nang i kangpreang hawi neampachy i kangpreang ly paleung ka-e awm jojo ai. Neampachy i kangpreang my nang i lu y chiu piupa ai i, nang my nichi kheu patui y patiu ai,” napi.

JOBA 30:16

Vai, kai ly deivi na bo. Kai i avum nai no patangra ly hawi kyh naira by y.

SAM 2:8

Hnei, khumi cheng cheaungkhangchi ai nang teng y kang pei ai; khaileaung pri verei y nangmy peang ai.

SAM 22:14

Kai i atho ly khaileaung y beu nai tui kamta phuirawm veng bo. Kai i hiu bawibawichi ly athlengthlai pawn bo. Taku theung i paleung pakawi ly tlawn vui nai phajeaungdeng kamta lawm bo.

THEU NAI 15:9

Paleung ka-ei my, ‘Kai ly nichi ai kai pa-rei hui iy katiu ai; nichi teng i nga nai yhmtheaung katuichi ly amji iy, kaimy i ngai nai ngierei kala ai; kai i haisau aphiu iy nichi ai katamyh pawn ai,’ nanai thui nai ne.

ISAIA 49:4

“Kai ly kalopchi kasa, na i py ati sai py ny y lawh! Kai ly atho naini kakheih teu ni ly ati sai py amcheang y, nanai katheu bo. Na i py kai ly kaimy i kalopchi amsym ai nai Areng ai ym na sy. Mymy ly kai i sa nai kalop molam y, kawn vangchi ang pei ai.

ISAIA 52:13

Areng my, “Kai i miseaung ly my i sa nai kalopra y cheng parai naimy sa ai. Ni ly palo nai avum iy tahm pasang naira nga ai.

ISAIA 52:15

Na i py vai, ni ly khumi cheng cheaungkhangchi ai chai hai ai. Samrangchi py mynkym u ai. Nichi ly mana khala py pany vai y nai hawi thai vai y naichi niu iy, pany u thai ai,” napi.

ISAIA 53:6

Achi bawibawi ly beram kamta lam tamang iy, amychi ngai nai lam y tako u bo. Hunai deaungkho y Areng ly achi hawi ataing nai pajeng naira ly ni i tlang tleaung y tym hai bo.

ISAIA 53:8

Khumichi ly ni ai patiu iy, padei ai nai leu pacheang bo. Naibaly padei ai nai pahawi; na i py ni i avum ai nai khym taham ai ly ami py dawndan pi y. Ni ly achi khumichi i kamngochi deaungkho y, padei naira avum nai ne.

DANIELA 2:45

Mawi i nai lengseaung pui harei ly alyly naimy amli iy tamo, kheupaja, laikan, muku, tangka hawi sa nai myn pui y amli hai nai ly nang niu nai ne. Nang parai nai Tameuh ly nang ai mo mang y tym ai nai saichi pany hai nai ne. Kai ly nang i niu nai kamta amang kang thui pi khyp iy, amang i awm nai sai py, nang ai pany hai pi chum bo,” napi.

MATTHAI 26:42

Naibaly pa-nyh chei bi i chiu sa bi iy, “Aw Ngaai awi, hini ly kai nei y nai awm pajau y baly nangmy ngaingai ne sy,” napi.

MARKA 15:27

Naibaly mymy hawi vanrei ly damra khumi leaung nyhrei ai py tahen teang, mymy i lamtang mang y leaungrei, langvawi mang y leaungrei.

MARKA 15:28

[Naibaly Tameuh i cha-iu leu ly, “Ni ai ly khumi kamngochi theung y kati tabawi bo,” nanai tym bo.]

LUKA 22:37

Kang thui pi, ‘Ni ai ly khumi kamngochi theung y kati tabawi bo,’ nanai tajiu nai ly kai i tlang tleaung y tym ai nai tla: kai i satang ly angym be ai bo,” napi.

LUKA 23:25

Naibaly damra sa nai hawi, khumi ai padei nai deaungkho y theaung y tla nai ai ly mymychi i hnei nai kamta patheu pi bo; na i py Isu ai ly mymychi ngaingai ana ai nai au bo.

AMTAW 26:18

mymychi i mei pali hai ai nai, hunaibaly kaveng dengdairei kangvang mang y hi vui thai ai nai hawi, Setan i aly peang naira i nai ly Tameuh mang y hi vui thai ai nai hawi, kamngo pahen naira nga thai ai nai hawi, kai ai ym nai deaungkho y chai chum naichi theung y yhmtheaung kamtym nga thai ai nai py, mymychi teng y kang pato nai he,’ napi.

ROM AVANGCHI TENG Y PAWLA I CHA PA NAI 8:34

pasum ai nai keung ly ami mo? Dei nai ly Krista ne; ne, mymy ai ly pathau teang veng bo; mymy ly Tameuh i lamtang mang y awm i, achi ai chiu ang sa pi nai keung ne teang.

II KORINTH 5:21

Mymy y ly achi ly Tameuh i hawi naira lawn thai ai nai, kamngo pipi pany y nai ai ly Tameuh my achi deaungkho y kamngo palawn bo.

PHILIPI 2:17

Ne, nangchi i ym naira apathyp naira y hawi atiti sa naira tleaung y ly kai ai lei vui nai awm teu iy py kakawn nai ne, nangchi bawibawi ai py kang kawn hai mang.

KOLOSA 2:15

naibaly mymy ly areng nairachi hawi aly peang nairachi ai ly leng iy kamtawi y my hunichi ai amteng hai nai teaung nai, kraws y ly hunichi ai pajau bo.

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

HEBRAI 12:2

naibaly achi i ym naira sa nai hawi angym hai nai keung Isu mang y khen iy, achi i mo y awm nai angpreng acham naira y ly kham tanga pa-rei angpreng u veangveang sina; ni ly my i mo y amo theu naira awm nai deaungkho y amthang leaung naira sai py tahm khai y naimy kraws tleaung y patang i, Tameuh i areng atehra lamtang mang y ateh bo.

HEBRAI 7:25

Hunaibaly mymychi ai chiu sa pi ai nai mymy ly deungtasarei heng jojo nai deaungkho y mymy i saho y Tameuh teng y jeu naichi ai ly angym pa-rei ang paheng pajau.

HEBRAI 9:24

Krista ly kiu y sa nai Meingtym Kachai, meitang atawm hai naira y kun y leang; na i py vai ly Tameuh i mo y achi i jeng y angdo ai nai kani mang kypkyp y kun lawh veng;

HEBRAI 9:26

hunai ne mo khyly mymy ly khaileaung palum angchei kha i ka-so tlen majirei mo patang ai nai tla lawh veng; na i py vai dymkhawn i neng tem naira y ly amymy ai apathyp nai deaungkho y kamngo tama hai vui ai nai tlenrei my ni ai amteng hai bo.

HEBRAI 9:28

Krista ai py khumi neangneangchi i kamngo la vui ai nai tlenrei talam iy, paheng naira tym hai ai nai mymy ai ajeng nai keungchi teng y ni ly kamngo abawi y naimy pa-nyh amteng teang bi ai.

I JOHAN 2:1

Bechi awi, nangchi ly kamngo so y ai nai hini leu ly nangchi teng y katajiu nai he. Ami py kamngo sa lawh baly, achi i Ampo teng y thui pi nai keung Isu Krista kahawi awm;

I JOHAN 2:12

Bechi awi, mymy i amyn deaungkho y nangchi i kamngochi pahen chum nai y, nangchi teng y katajiu nai he.