ISAIA 53:11 - Khumi Common Language Bible

¹¹ Ni ly no patangra i nai amo theu naira nga ali teang ai. Mymy i patang nai ly jawm ny y, nanai pany ai. Ni ly kai i miseaung kahawi ne iy, mymy i tlang tleaung y kawn parai. Khumi neangneangchi i kamngo mynji pho iy, huna nai sa nai molam y, huni khumichi i kamngo kaimy pahen ai.

ISAIA 53:11 ပူးပေါင်းရင်းမြစ်များ

ISAIA 42:1

Areng my, “Hini khumi ly kaimy atho awm hai nai, kai i miseaung, kai i paleung kangai vawi patyp nai khumi ne. Kai ly kaimy i Phailo ai ni teng y kawi hai ai. Ni py khumi cheng cheaungkhangchi ai, ka-dyh ka-dawi naimy peang ai.

ISAIA 45:25

Kai, Areng ly Jakob i kangpreangchi ai atleu ai. Nichi py kai ai palo u ai.

ISAIA 49:3

Mymy ly kai ai, “Aw Israela, nang ly kai i miseaung ne; nang deaungkho y khumichi ly kai ai palo u ai,” napi.

ISAIA 52:13

Areng my, “Kai i miseaung ly my i sa nai kalopra y cheng parai naimy sa ai. Ni ly palo nai avum iy tahm pasang naira nga ai.

ISAIA 53:12

Hunai deaungkho y kai ly ni ai tahm asang nai khumi, sa thai naira awm nai khumichi hawi vanrei, tahm teng nai meingtymra y pei ai. Ni ly mymy i tlang ai pasai y naimy apei iy, khumi hawi y naichi i taham si nai kham pi. Ni ly kamngo sa naichi i jeng y huni khumichi hawi ataing nai kamngo amtym pi iy, nichi i kamngo lawi ai nai chiu sa pi bo,” napi.

ISAIA 53:8

Khumichi ly ni ai patiu iy, padei ai nai leu pacheang bo. Naibaly padei ai nai pahawi; na i py ni i avum ai nai khym taham ai ly ami py dawndan pi y. Ni ly achi khumichi i kamngochi deaungkho y, padei naira avum nai ne.

DANIELA 12:3

Lu sa nai khumi kachengchi ly kani mang i kangvang kamta, angvang phang na ai. Khumi neangneangchi ai teng nai kalopchi sa ai nai, thui parip pi nai khumichi py, ka-si taukichi kamta deungtasarei angvang ai,” napi.

DANIELA 9:24

“Saneng vui saryh nai meingtym saryhrei nai neng ly nang i chengchi hawi nang i chai parai nai mary ai kamngo hawi, hawi y naira i nai, lawi hai ai nai Tameuh my khai pi takhra nai neng ne. Amteng hai nai hawi amo leu teng khyp nai sai pany hai ai nai hawi, chai parai nai Achura yhm khai takhra teang ai nai molam, Tameuh ly nichi i kamngochi pahen iy, deungtasarei leu meitang adyh adawi nai deung tym ai.

MATTHAI 20:28

hunai kamta teang khumi i Chapo ly mymy ai sabawm ai nai hau nai ny y i, kalangchi ai sabawm ai nai hawi khumi neangneangchi ai atleu ai nai mymy i hengra pei lawh ai nai py ang jeu nai ne,” napi.

LUKA 22:44

Naibaly mymy ly khrikhri pa-rei phailo seaung i, chiu sa patyp bi, naibaly mymy i ka-ui ly thi amai len parai nai kamta khaileaung y leaung.

JOHAN 12:24

Meitang khyp kang thui pi, choh amairei khaileaung y tla iy dei y baly huni my tlairei awm jojo ai khyh; dei baly neangneang peung ai.

JOHAN 16:21

Mymy i neng tym nai deaungkho y neampachy ly chanau tapen nai no iy paleung mawn; na i py deaungdi tapen bo nabaly khaileaung pri y khumi tapen iy kawn nai deaungkho y ni i phailo seaung nai ly dawn ali y leang bo.

JOHAN 17:3

Nang, Tameuh meitang leaungrei awm khyh nai ai hawi, nang i pato nai Isu Krista ai pany nai ly deungtasarei hengra ne.

ROM AVANGCHI TENG Y PAWLA I CHA PA NAI 4:24

achi, Isu achi i Areng ai kadeichi theung i dengdairei pathau nai keung ai ym naichi i vui y palawn ai;

ROM AVANGCHI TENG Y PAWLA I CHA PA NAI 5:9

Hunaibaly achi ly mymy i thi y eaung naira nga nai bo y ly, mymy i saho y achi ly Tameuh i kado theu naira i nai hengra nga takengkei ai.

I KORINTH 6:11

Naibaly nangchi phyreichi ly jangni y huna nai khumi ne chy bo; na i py nangchi ly Areng Isu Krista i amyn y hawi, achi i Tameuh i Phailo y py amju bo, nangchi ai ly pachai bo, nangchi ly eaung naira nga bo.

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

KALATIA 4:19

Bechi awi, Krista ly nangchi theung y angpa be y ryrei ly deaungdi tapen ai achai nai kajeu kano bi nai bo he.

HEBRAI 12:2

naibaly achi i ym naira sa nai hawi angym hai nai keung Isu mang y khen iy, achi i mo y awm nai angpreng acham naira y ly kham tanga pa-rei angpreng u veangveang sina; ni ly my i mo y amo theu naira awm nai deaungkho y amthang leaung naira sai py tahm khai y naimy kraws tleaung y patang i, Tameuh i areng atehra lamtang mang y ateh bo.

HEBRAI 9:28

Krista ai py khumi neangneangchi i kamngo la vui ai nai tlenrei talam iy, paheng naira tym hai ai nai mymy ai ajeng nai keungchi teng y ni ly kamngo abawi y naimy pa-nyh amteng teang bi ai.

I PETERA 2:24

achi ly kamngo lam mang y dei veng iy hawi naira lam mang y heng thai ai nai mymy kypkyp ly achi i kamngochi ai dengkeaung tleaung y mymy i tlang y ang pho pi bo; nangchi ai ly mymy i pakhau nai satlang y hawi ang sa pi bo.

I PETERA 3:18

Ati mana nai mo nabaly Krista ly achi ai Tameuh teng y ang pahawi thai ai nai kamngo nairachi deaungkho y tlenrei patang, khumi kahawi ly hawi y naichi i vui y; tlang mang y padei nai awm i, phailo mang y paheng nai bo;

II PETERA 3:18

Huni ny y naimy achi i Areng hawi Paheng Keung Isu Krista i pahenra y hawi pany naira y py veang u. Vai hawi deungtasa tym pa-rei py mymy teng y nang parai naira awm sy. Amen.

I JOHAN 2:1

Bechi awi, nangchi ly kamngo so y ai nai hini leu ly nangchi teng y katajiu nai he. Ami py kamngo sa lawh baly, achi i Ampo teng y thui pi nai keung Isu Krista kahawi awm;

II JOHAN 1:1

Miteaung keh my ly vawi nai neampachy hawi mymy i chanauchi teng y pa nai: Achi teng y awm jo nai hawi, deungtasa khrairei awm jo ai nai leu meitang deaungkho y nangchi ai meitang khyp naimy kang tamen nai ne:

II JOHAN 1:3

leu meitang hawi tamen naira deaungkho y Ampo Tameuh hawi, Ampo i Chapo Isu Krista teng i dengdairei py tamen naira hawi, pahen naira hawi, awmnem naira py achi teng y awm ai mang.