ISAIA 52:8 - Khumi Common Language Bible

⁸ Mary typ nai risachi ly tao pajeng parai nai hawi amo theu parai naimy vanrei aeu u sau bo. Areng ly Zion mary y ang jeu ali teang ai, nanai nichi kypkyp my niu u nai ne.

ISAIA 52:8 ပူးပေါင်းရင်းမြစ်များ

SAM 102:22

Zion mary salo y nang i amyn amthang hai ai; Jerusalem mary y nang i nang parai nai palo u ai.

Solomon i khulym 3:3

Mary pui tamcheaung typ naichi ly kai ai niu. Kaimy nichi teng y, “Kai i khrei nai keung ai niu u a?” nanai deng.

Solomon i khulym 5:7

Mary amki nai tamcheaungchi ly kai ai niu nai khala y, no pa-rei ang pakhau u; mary apai typ nai risachi py, kai i apam nai ateaung sei u piupa bo.

ISAIA 24:14

Dei kamthum khumichi ly amo theu naimy khulym thui u ai. Nidym mang i khumichi ly Areng i nang parai nai sai pany hai iy,

ISAIA 26:1

Anui mang i khulym ai Juda pri i khumichi my thui u nai neng kani tym ai. Nichi my, “Kaichi i mary ly khaw parai! Atleu pi nai molam y mary apaichi ai ly Tameuh mymy kypkyp my ama hai bo!

ISAIA 27:2

Huni neng khala Areng ly mymy i apu parai nai kreip akho molam y,

ISAIA 30:26

Lo ly kanito tanrei angvang naimy, kanito py kanito saryhrei vanrei theu nai kamta, kari tleaung y phy saryhrei angvang na ai. Mymy ly mymy i khumichi nga nai tamo kalemchi ai kanih hawi bam iy, tamochi ra y asi sa pi nai hawi nai khala y, hini atitichi ly tym ai.

ISAIA 35:10

Nichi ly amo theu seu naimy khulym thui iy, Jerusalem mary mang y tym u ai. Nichi ly amo theu u jojo ai. Paleungsi paleung mawn naira pipi awm ai ny y.

ISAIA 40:9

Aw Jerusalem mary, mawi ka-sang y lyn iy, satang kahawi amthang hai ba! Aw Zion mawi, raawi pajeng parai naimy satang kahawi amthang hai ba! Jei moh, paleung theung y khai y naimy katheu keng ba. Juda marychi teng y nichi i Tameuh jeu ai,” nanai thui pi!

ISAIA 48:20

Babulon pri i dengdairei theu u; tlamsa naimy tako u! “Areng ly mymy i miseaung Israela chengchi ai atleu bo! nanai satang ai amo theu parai naimy aeu u; meingtym tleirei y amthang hai u.

ISAIA 56:10

Mymy ly “Kai i khumichi teng y pany hai yb ai avo nai khumichi napi nai, lu sa nai keungchi ly mei paju u pawn bo! Nichi ly ati sai py pany u y. Nang si y nai yhm typ uichi hawi atawm. Nichi ly i ham ala nai khumichi ne u lawh ly!

ISAIA 58:1

Areng my, “Baw katyn pajeng thai ryrei eng nai kamta aeu! Kai i khumichi teng y mychi i kamngo nai sai thui pi!

ISAIA 62:6

Aw Jerusalem mary, kai ly nang i mary apaichi salo y, tamcheaung risachi khai nai ne. Nichi ly vum kanithun, neng tleirei awm py thai ai ny y. Nichi ly Areng ai mymy i adeu nai leuchi pany jo ai nai sa ai. Mana khala py tami y ai nai pany hai pi ai.

JEREMIA 31:12

Nichi ly jeu iy Zion mawi salo y amo theu nai khulym thui u ai. Kai i amtheaung naira kapei pi nai choh, kreip hang, olive asitui, beramchochi hawi si, painochi molam y amo theu u ai. Nichi ly tui hawihai palai nga nai akhobai kamta ne iy, mo mang y mana khala py paleung bi u ai ny y.

JEREMIA 32:39

Kai ly nichi ai mychi i hawi naira, mo mang i deung kangthauchi hawi naira molam y, ka-dawn harei hawi heng hai ai. Huni ka-dawn ly kai ai jei kaji naimy tahm khai u jojo ai nai ne.

JEREMIA 33:11

amo theu nai raawichi hawi, apom nai pawira i amo theu nai katyn kapauchi thai u ali teang ai. Khumichi ly kawn nai katalamrachi kai i Achura yhm y syn nai tarawi y khulym thui u nai raawichi, nangchi thai u ai. Nichi my, ‘Ati cheaungkhang sa thai nai Areng teng y, kawn nai leu thui u; ati mana nai mo nabaly mymy ly hawi nai ne iy tamen naira ly deungtasarei awm jojo nai deaungkho y ne,’ nanai thui u ai. Kai ly hini pri ai jangni khala i kamta, nang chawn hai teang ai. Hini ly kai Areng i thui nai leu ne,” napi.

JEREMIA 33:7

Kai ly Israela pri hawi Juda pri y nang chawn hai ai. Huni prichi ai jangni i kamta, kasa pi palai teang ai.

JEREMIA 6:17

Baw eng iy pany hai nai katyn tangai ai nai Areng ly tamcheaungchi khai pi bo. Na i py nichi my, “Kaichi tangai ai nai ngai y,” napi u.

Ezekiela 3:17

“Nang khumi cho awi, kai ly Israela chengchi i vui y nang ai tamcheaung kang khai ai. Kaimy pany hai nai leuchi tangai iy, nang ly nichi teng y amti pi ai nai tla.

Ezekiela 33:7

“Nang khumicho awi, vai kai ly nang ai Israela chengchi i vui tamcheaung y kang khai ai. Nang ly kai i pany hai naichi ai nichi teng y thui pi ai nai tla.

ZEPHANIAH 3:9

Naibaly kai ly khumi cheng bawibawichi ai palum pachai teang iy, nichi ly tameuh takhrachi ai chiu y naimy, kai ai naini chiu u ai. Nichi bawibawi py kai i leu tangai u ai.

ZEKHARIAH 12:8

Huni neng khala Jerusalem mary y awm nai khumichi ai, Areng ly kry ai. Hunaibaly nichi theung i atho di keh naichi malawn py, Davida kamta atho ham ai. Davida i katu chanauchi ly kani pri i amtaw thau nai kamta py, Tameuh mymy kypkyp py, nichi ai lu sa iy pahawi ai.

AMTAW 2:1

Naibaly Pentekost kani tym kha y nichi bawibawi paleung vanrei my meingtym harei y awm achu be.

AMTAW 4:32

Naibaly ym nai khumi mipuichi ly paleung py dawn nai py vanrei awm, mymychi theung y leaungrei py yhmtheaung awm nai ly, Kai i teu, nanai angam y; nichi ly atiti bawibawi vanrei ahum bo.

I KORINTH 1:10

Naibaly amjo amnauchi awi, nangchi bawibawi ly leu vanrei thui u i, nangchi theung y akhawi takhra naira den py awm y ai nai, paleung vanrei hawi dawn nai vanrei py amtawm u cheng ai nai, achi i Areng Isu Krista i amyn y kang takeng.

I KORINTH 13:12

Vai ly achi ly dengkhang apui y niu vuivai nai ne, na i py hunai khala y ly moatha ai; vai ly angym y nai kapany, na i py hunai khala y ly kai ai ang pany angym nai kamta kai py kapany angym ai.

HEBRAI 13:17

Nangchi ai peang nai keungchi i leu tangai u ly, nichi i ngaingai awm u; ati mana nai mo nabaly nichi ly mymychi i sa nai sai thui pi cham ai nai tla nai keung kamta, nangchi i phailo ai ang typ pi nai ne; huni ly paleung mawn nai tarawi y ny y naimy, amo theu nai tarawi y so u sy; huni ny y baly nangchi i vui kamran by y leang bo.

AMTENG HAI NAI 18:20

Aw! Kani pri hawi, khumi kachaichi hawi, amtaw thau naichi hawi, amochi awi, mymy i tlang tleaung y kawn u; ni i nangchi i tlang tleaung y tara chih nai ly Tameuh my ni i tlang tleaung y tara chih pi teang bo,” napi nai kathai.

AMTENG HAI NAI 19:4

Naibaly miteaung keh leaung apom phai palyhreichi hawi, heng nai amjy palyhreichi py ambeu u i, “Amen. Haleluja,” na naimy areng atehra tleaung y ateh nai Tameuh ai ly chiu u bo.