ISAIA 52:6 - Khumi Common Language Bible

⁶ Na i py kai ly Tameuh ne, nanai kai i khumichi ly kai i amyn pany iy, nangchi teng y leu pei nai keung ly kai ne, nanai kangkhym y nangchi pany u ai.

ISAIA 52:6 ပူးပေါင်းရင်းမြစ်များ

SAM 48:10

Meingtym tleirei y khumi bawibawichi ly nang ai palo u; nang i satang ly khaileaung pri verei y amthang nai ne. Nang ly leu meitang naimy peang bo.

THEU NAI 3:13

Naibaly Mosi my, “Kai ly Israelachi teng y chei iy nichi teng y, ‘Nangchi i amsi pajochi i Tameuh ly kai ai nangchi teng y pato nai ne,’ nanai thui pi iy nichi my, Huni Tameuh i amyn ly mana mo?,’ nanai deng lawh baly, kai ly mana pathang pi ai mo?” napi.

THEU NAI 33:19

Areng my, “Kai i nang parai nai ngierei nang ai patei iy kai i amyn kachai py, nang teng y amteng hai ai; kai ly Areng ne; kaimy vawi takhra nai khumichi teng y, tamen naira hawi pahen naira kapatei reng nai ne.

THEU NAI 6:3

Abraham, Isaka, Jakob teng y kai ly ati cheaungkhang sa thai nai Tameuh, nanai amteng teu i py, Areng ne, nanai amyn kachai hawi nichi ly kai ai pany u y leang.

ISAIA 40:9

Aw Jerusalem mary, mawi ka-sang y lyn iy, satang kahawi amthang hai ba! Aw Zion mawi, raawi pajeng parai naimy satang kahawi amthang hai ba! Jei moh, paleung theung y khai y naimy katheu keng ba. Juda marychi teng y nichi i Tameuh jeu ai,” nanai thui pi!

ISAIA 42:9

Kai i thui yb nai atitichi ly vai, tym dudu bo. Vai, kai ly nang teng y atiti kangthachi ai hunichi tym y rai khala my, kang pany hai pi ai.

ISAIA 49:23

Samrangchi ly ampo kamta nangchi ai ang kry iy, samrangnuchi ly amhm kamta pacho panei ai. Nichi ly lu meung naimy nang ai chiu u ai. Nichi ly tahm apanem naimy, nang ai tahm khai nai sai patei ai. Huna nai khala y kai ly Areng ne, nanai nangchi pany u ai. Kai i kasabawmra ajeng nai ngiereichi ly paleung phra ai ny y,” napi.

ISAIA 60:16

Amhm ly chanau ai kanu panei nai kamta, khumi cheng cheaungkhangchi i samrangchi ly nang ai ang kry u ai. Kai, Areng ly nang ai atleu bo, nanai py, Israela chengchi i ati cheaungkhang sa thai nai Tameuh ly nang ai miseaungra i nai alaw hai bo, nanai py, nang ly pany ai.

JEREMIA 31:34

Areng ai pany ai nai mary i khumichi tengtawi, pri i khumichi tengtawi apachei leungtang ai nai aly ngai y ai. Ati mana nai mo nabaly katheang keh i dengdairei kalen keh y khrairei, kai ai pany u ai; kai ly nichi i kamngo pahen pi ai. Nichi i sa tamang naichi py kaimy pany pi ali ai ny y. Hini ly kai, Areng i thui nai leu ne,” napi.

Ezekiela 20:44

Aw Israela chengchi awi, kai ly kaimy i amyn saho y kaimy i tahm awm jo ai nai molam, nangchi i khumi aso y nai y, nangchi ai kang pajeng y nai khala, kai ly Areng ne, nanai nangchi pany u ai,” napi. Hini ly sa thai naira angym nai Areng i leu pei nai ne.

Kati Nai 23:19

Tameuh ly khumi kamta ka-chawi leu thui y leang; mymy ly khumi kamta paleung ali vui y leang. Mymy ly leu adeu nai kamta sa khyp; mymy i leu pei nai kamta py ne khyp.