ISAIA 52:3 - Khumi Common Language Bible

³ Areng my mymy i khumichi teng y, “Nangchi ai tangka hawi jo y teu i py, miseaung lawm u bo. Hunai kamta ly nangchi ai atleu nai py, vang tla ai ny y. Nangchi ly jawm naimy law tleaung naira nga u ai.

ISAIA 52:3 ပူးပေါင်းရင်းမြစ်များ

SAM 44:12

Nang ly nangmy i khumichi ai vang kadi hawi jo vui bo; ati kamran py ngo y nai ne.

SAM 44:13

Kaichi i tlang tleaung y nang i sa naichi ai yhm deaungpachi ly niu i, kaichi ai preaung iy panui hai u bo.

ISAIA 1:27

Areng ly hawi nai deaungkho y, mymy ly Jerusalem mary hawi uikheih nai khumi ngiereichi ai atleu ai.

ISAIA 45:13

Ati cheaungkhang amsym iy, kai i dawn pasym nai angym hai ai nai kaimy kypkyp my samrang Kuru ai kapacheang nai ne. Ni i tako ai nai lam ngierei taw hai ai. Ni ly kai i mary pui Jerusalem mary ai sa palum teang iy, langheng hawi nai kai i khumichi ai lawi tleaung hai ai. Hina naichi sa hai ai nai ni ai ami py alai y, un langseaung py pei y,” napi. Hini ly ati cheaungkhang sa thai nai keung Areng i leu pei nai ne.

ISAIA 50:1

Areng my, “Aju akhai vui nai neampacho kamta kai ly kaimy i khumichi ai kapatheu pawn bo, nanai nangchi athang khai u a? Huna nai akhai lawh baly, akhai nai chachi ly ma mang y awm mo? Amy i cho chanauchi ai miseaung y jo vui nai kamta, kai ly nangchi ai langheng palawn iy jo vui bo, nanai nangchi athang khai u a? Nangchi ai patiu iy hawi pawn nai avum u nai ly nangmychi i kamngolai ne. Nangchi ly nangmychi hawi y sa nai molam y ang patheu nai ne.

ISAIA 62:12

Nangchi ly “Tameuh i chai parai nai khumichi,” “Areng i atleu nai khumichi,” nanai ang palau ai. Jerusalem mary ai, “Tameuh i tamen nai mary pui,” “Tameuh my khai su y nai mary pui,” nanai amyn palau nai avum ai.

ISAIA 63:4

Kai ly kaimy i khumichi ai atleu ai nai neng tym bo. Nichi i paleung ka-echi ai pajeng ai nai adawn yb veng bo.

JEREMIA 15:13

Areng my kai teng y, “Kai ly pri verei y kai i khumichi sa tamang nai kamngochi molam y kapajeng ai. Nichi i nang chawn nai muku tangka, vang katengchi la pi pawn ai nai paleung ka-echi kapato ai.

Ezekiela 16:31

Nang ly lam sangum tleirei y nangmy chiu ai nai mynchi sa iy, seng meingtym tleirei y bima kalopchi sa ai nai meingtymchi sa nai khala, bima kalop sa lawh teu i py, kalang bimachi kamta vang lo y lawh.

Ezekiela 34:27

Dengkeaung keungchi ly athai iy khaileaung my amti amjang patheu pi ai. Khumi bawibawichi ly mymychi i pri y chymme naimy awm u ai. Kai ly kaimy i khumichi ai pakheng nai sengkrychi su pi iy, nichi ai miseaung i nai lawi hai nai khala, kai ly Areng ne, nanai nichi pany u ai.

Levi 25:54

Na i py ni ly lam ha harei hawi miseaung i nai alawi pajau y lawh baly, momang i pei ali teang nai saneng tym nai khala, ni hawi ni i cho chanauchi ai miseaung i nai palawi ai nai tla.

I PETERA 1:18

nangchi i amsi sangumchi i pei pateang nai, nangchi i ati sai py ny y nai reita i dengdairei ly atiti mawn thai nai amjychi, tangka hawi muku y ny y naimy,