ISAIA 52:2 - Khumi Common Language Bible

² Aw Jerusalem mary! Nangmy my ai atho sa iy, law tleaung ai nai so. Spryh theung i nai ang thau iy, nangmy i areng atehra y ateh ba! Langheng y hawi nai Zion mary i khumichi awi! nangchi ai ang kawm nai sengkrychi su u pawn jau.

ISAIA 52:2 ပူးပေါင်းရင်းမြစ်များ

ISAIA 10:27

Huni neng kani tym nai khala y kai ly nangchi ai Asuria chengchi kiu i nai law tleaung hai ai. Nangchi i tlang tleaung y mynji kang tleang hai ai ny y. Nangchi khri pa-rei chawn pa nai deaungkho y, nangchi i mynchi ly jang ai,” napi.

ISAIA 14:25

Kai ly kaimy i Israela pri theung i Asuria chengchi ai tamyh pawn iy, kai i mawi aheungchi salo y nichi ai chiu piupa ai. Kai i khumichi ai Asuria chengchi pho hai nai myn kaji hawi kamtang myn kajichi ra i nai lawi hai ai.

ISAIA 29:4

Jerusalem mary ly tapreaung angawm theung y leu katheu ai nai atho sa nai namli hawi atawm ai. Huni mary i katyn py speung theung i dengdairei, sailang amny y nai raawi kamsyh y theu nai katyn lawm ai.

ISAIA 3:26

Mary apai katheuchi ly vo tangam naimy, mary pui py tlang ka-keu naimy, khaileaung y ateh nai neampachychi hawi atawm ai.

ISAIA 49:21

Naibaly nang ly amymy ai, ‘Kai ly hini cho chanauchi ai ami hawi nga nai mo? Kai i cho chanauchi ly dei pawn nai iy, kai ly cho chanau by y leang bo. Kai ly kamlora y pri pala nai avum i, hini cho chanauchi ai ami my, tleaungri pacheang pi mo? Kai ly kaimy leaungrei naini kaawm khyh bo. Hini cho chanauchi ly ma mang i nai tym u nai mo?,” nanai ang deng ai.

ISAIA 51:14

Theaung tla nai khumichi ly kra y naimy law tleaung u ai. Khumichi ly theaung theung y dei y naimy, mychi i ngai nai teicha teinei ngiereichi nga u ai.

ISAIA 51:23

Huni kreip hang ly nangchi ai pahyp y naimy ana nai khumichi, nangchi ai lam y atlym hai iy, spryh kamta kheu hawi chiu nai khumichi teng y kapei ai,” napi.

ISAIA 60:1

Aw Jerusalem mary, anglaw iy kanito kamta angvang ba. Nang i kangvang ly tym bo. Areng i nang parai naira ly nang i tlang tleaung y kangvang ko bo.

ISAIA 61:1

Areng i phailo ly kai ai sa thai naira angym hai bo. Khumi kamawnchi i vui satang kahawi syn pi iy, paleung phra naichi i no-na hawi hai bo; pri pala nai avum nai khumichi hawi theaung tla nai khumichi ai law tleaung naira nga nai satang thai hai ai nai, mymy ly kai ai vawi takhra iy pato bo.

ISAIA 9:4

Ati mana nai mo nabaly nang ly nichi i myn kaji hawi nichi ai pakhau nai thengbeang khei pi vui nai deaungkho y ne. Jangni khala nang ly Midian tavaimichi ai tiu nai pajau pi vui nai kamta, mymy i khumichi ai ana nai khumichi ai patheu pi vui bo.

JEREMIA 51:45

Israela khumichi awi, huni mary i dengdairei theu u! Khumi bawibawichi kangheng tleaung ai nai, kai i khri pa-rei kado theu naira i nai preang u pawn jau.

JEREMIA 51:50

Areng my Babulon mary y awm nai mymy i khumichi teng y leu pei nai ly “Nangchi ly deira i nai law tleaung u bo! Vaimy theu u! Kaneu u moh! Nangchi ly nangmychi i pri hawi palo parai teu i py, nangchi i Areng napi nai kai ai pany u. Jerusalem mary ai py pany u.

JEREMIA 51:6

Babulon mary i nai theu u! Nangchi ly kangheng tleaung ai nai theu u! Babulon mary i kamngo molam y dei u atyhtyh moh. Vai kai ly nichi hawi amlau nai kamngo pajeng iy vawitheung katha nai ne.

Ezekiela 34:27

Dengkeaung keungchi ly athai iy khaileaung my amti amjang patheu pi ai. Khumi bawibawichi ly mymychi i pri y chymme naimy awm u ai. Kai ly kaimy i khumichi ai pakheng nai sengkrychi su pi iy, nichi ai miseaung i nai lawi hai nai khala, kai ly Areng ne, nanai nichi pany u ai.

ZEKHARIAH 2:6

Areng my mymy i khumichi teng y, “Kai ly nangchi ai pri tleirei y ahei hai bo. Na i py nangchi pri pala naira avum nai khumichi awi, vai, nangchi ly Babulon pri dengdairei preang iy, Jerusalem mary y vawi u teang.

LUKA 21:24

Naibaly nichi ly haisau bo y dei ai i, cheng cheaungkhangchi teng y miseaung y hawi ai; naibaly Cheng Takhrachii neng angym y ryrei ly Cheng Takhrachi my Jerusalem ai ly chiu nai tli ai.

LUKA 4:18

“Khumi kamawnchi teng y Satang Kahawi thui ai nai ang khai takhra nai deaungkho y, Areng i Phailo ly kai i tlang tleaung y awm; Miseaungchi teng y alaw hai ai nai leu hawi, Mei kamjuchi teng y mei angvang teang ai nai leu thui ai nai py, Ana patang naichi ai patheu ai nai py,

AMTENG HAI NAI 18:4

Naibaly kani pri mang i dengdairei raawi takhra my ly, “Kai i khumichi awi, nangchi ly mymy i kamngo nairachi hawi amkawm y ai nai hawi, mymy i tlang tleaung y tym nai patang hai naira y phy ngo u teang y ai nai py, mymy teng i dengdairei theu u jau: