ISAIA 52:10 - Khumi Common Language Bible

¹⁰ Areng ly chai parai nai kiu hawi, pri tleireichi mo y mymy i khumichi ai atleu nai deaungkho y, huni atitichi ai khaileaung pri vereichi my niu u nai ne.

ISAIA 52:10 ပူးပေါင်းရင်းမြစ်များ

JOBA 40:9

Nang ly kai kamta sa thai naira awm a? Nang teng y kai i raawi kamta, kani pajyh nai katyn ka-tawm katyn awm a?

SAM 22:27

Khumi cheng cheaungkhangchi ly Areng ai pany u jo ai. Khaileaung pri meingtym tleirei i khumi cheng bawibawichi ly paleung amtlau iy, nang ai chiu u ai.

SAM 67:2

Huna i naini khaileaung pri y awm nai khumi bawibawichi ly nang i kangai pany u ai; khumi cheng bawibawichi ly nang i atleu pi nai pany u ai.

ISAIA 11:9

Tameuh i nang parai nai Zion mawi salo y, ka-jeira lawm hai nai, ti y baly hawi y naira ati sai py awm ai ny y. Panglichi ly tui kawi mang nai kamta, huni pri y Areng ai pany nai cheng naira hawimy kawi angym ai.

ISAIA 25:9

Hini atitichi tym nai khala y khumi bawibawichi my, “Mymy ly kaichi i Tameuh ne lawh ly! Kaichi ly mymy ai ym nai deaungkho y, mymy py kaichi ai atleu bo. Mymy ly Areng ne. Kaichi ly mymy ai kaym u nai ne. Mymy ly kaichi ai atleu pi nai ne i, vai kaichi ly amo theu seu naimy atho kanga u bo,” nanai thui u ai.

ISAIA 30:30

Areng ly khumi bawibawichi teng y phum-ang angym nai raawi thai hai iy, mymy i kado theu nai haiho avum hai ai. Mai kadeu kangveaungchi, kani pajyh nai, ji amaichi tla nai hawi, khri pa-rei kani nai hai ai.

ISAIA 33:13

Kamlo kangsara y awm nai khumi ngiereichi ly kai i sa nai satangchi thai iy kai i sa thai naira pany u na mang,” napi.

ISAIA 40:5

Huna nai khala y Areng i nang parai nai ly amteng ai i, khumi angso bawibawichi ly huni nang parai nai niu u ai. Huna nai tym ai nai Areng mymy kypkyp my adeu pi nai ne,” nanai aeu bo.

ISAIA 45:22

“Khaileaung pri verei i khumi bawibawichi awi, Kai teng y jeu u ly atleu naira ngo u! Harei awm khyh nai Tameuh ly kai ne.

ISAIA 48:20

Babulon pri i dengdairei theu u; tlamsa naimy tako u! “Areng ly mymy i miseaung Israela chengchi ai atleu bo! nanai satang ai amo theu parai naimy aeu u; meingtym tleirei y amthang hai u.

ISAIA 49:6

Areng my kai ai, “Kai i miseaung, kai ly nang ai kalop kalenra y sa hai ai. Dei kamthum Israela chengchi sa thai naira haiho nga u ali teang nai khyh chang y i, khaileaung pri verei malawn py atleu naira nga ai nai, kai ly nang ai khumi cheng cheaungkhangchi i kangvang lawm hai ai,” napi.

ISAIA 51:9

Aw Areng, ang thau ly kaichi ai sabawm ba! Nang i sa thai nai haiho hawimy, kaichi ai atleu kyh ba. Angthau ly jangni jangkhawn i kamta, sa thai naira tym hai ba. Pangli naka pui Rahabi ai tameang piupa nai keung py nang ne.

ISAIA 53:1

Khumi mipuichi my, “Vai, kaichi my thui pi nai satang ai ami my ym ai mo? Hinira i Areng i kupe lasa, ami my niu pajau ai mo?

ISAIA 59:16

Ana naira avum nai khumichi ai atleu ai nai khumi by y nai py niu i, lyh parai nai ne. Hunai deaungkho y mymy ly nichi ai sa thai naira hawi atleu iy, mymy i hawi nai saho y eaung naira nga u ai.

ISAIA 62:1

Kai ly Jerusalem mary ai atho pei nai leu thui pi ai. Huni mary ly atleu naira nga iy, nichi i eaung naira ly vum y angvang nai maiteaung kamta, angvang y ryrei ly Jerusalem mary i vui kaawm pypy ai ny y.

ISAIA 63:5

Kai ai sabawm ai nai khumi leaungrei py by y nai niu nai khala y, kai ly lyh na lawh bo. Na i py kai i kado theu naira my kai ai atho pei nai deaungkho y, kaimy kypkyp my eaung naira nga tanga nai ne.

MIKHA 5:4

Huni samrang ang jeu nai khala y, ni ly Areng teng i sa thai naira hawi py, my i Areng Tameuh teng i sa thai naira hawi py, mymy i khumichi ai peang ai. Khaileaung pri verei y awm nai khumi bawibawichi ly mymy i nang parai nai sai pany nai deaungkho y, my i khumichi ly chymme naimy awm u ai.

LUKA 2:30

Ati mana nai mo nabaly Cheng Takhrachi teng y amteng hai ai nai kangvang hawi, Nang i khumi Israelachi ai tahm paseng ai nai py.

LUKA 3:6

Khumi bawibawichi my py Tameuh i paheng naira niu ai,’ napi,” nanai ne.

AMTAW 13:47

Hunai kamta Areng my leu ang pei i, ‘Khuteng taki y tym pa-rei nang paheng keung y awm thai ai nai, Cheng Takhrachi ai angvang hai ai nai keung y kang khai mang,’ nanai tajiu nai kamta ly,” napi.

JOSUA 4:24

Hini lyh ai hawi nai ka-ma-ra molam y, khaileaung pri y awm nai khumi bawibawichi ly Areng i nang parai nai sai pany u ai. Nangchi py nangmychi i Areng Tameuh ai jei kaji naimy tahm khai u jojo ai,” napi nai ne.

AMTENG HAI NAI 14:6

Naibaly kani pri i amtaw thau nai takhra leaungrei ly kani laileaung y angkheang nai kaniu: khaileaung pri y awm nai theaung cheaungkhangchi hawi, cheng cheaungkhangchi hawi, leu cheaungkhangchi hawi, khumi cheaungkhangchi teng y py deaungtasarei Satang Kahawi thui pi ai nai mymy teng y au bo;

AMTENG HAI NAI 15:4

Aw Areng, nang i amyn tahm khai y nai hawi palo y nai py ami awm ai mo? Nang leaungrei chai khyh; Nang i atiti kahawi sa naichi ly amteng hai nai deaungkho y, Cheng bawibawichi ly na i mo y tym iy ang chiu u ai,” nanai napi.