ISAIA 52:1 - Khumi Common Language Bible

¹ Jerusalem mary awi, nang ly atho alo teang ly lo-pa teang jau ba! Tameuh i mary pui kachai awi, nangmy ai phum-ang hawi khiu ba! Pri takhra chochi ly mo mang y mana khala py, nang i apai pa-kho theung y kun u ai ny y.

ISAIA 52:1 ပူးပေါင်းရင်းမြစ်များ

1 NENG SATANG 16:29

Nang parai nai keung Areng i amyn palo u. Katalamra syn naimy mymy i Achura yhm y kun u. Chai parai nai keung ang jeu nai khala lu meung u.

NEHEMIA 11:1

Lu sa naichi ly Jerusalem mary y awm u; takhra khumichi ly yhm dengtheung horei y deaung deaungrei, Jerusalem mary kachaira y hawi, huni bo i khumichi ly takhra mary katheang kalenchira y py, awm hai ai nai tambe va u bo.

SAM 110:3

Paleung ka-echi ai nangmy tiu nai kani y, nang i khumichi ly alyly naimy, nang hawi vanrei thau u ai. Khawn mang y tla nai kadam kamta, atho awm nai khumi ka-cheang neangneangchi ly nang i awm nai mawi kachai salo y ang tym u ai.

THEU NAI 28:2

Nang i amjo Aron, pathyp pi nai keung i vui rym-ah awm iy apu parai nai ateaungchi sa pi ai nai tla.

THEU NAI 28:40

“Aron i chapochi ateaung ai nai rym-ah awm iy apu parai nai baichuchi, khobaichi hawi lukhym kasauchi aneng pi ai nai tla.

ISAIA 1:21

Vaichi khala ka-ym awm nai mary ly vai i neng y bimanu kamta lawm veng lawh bo ly! Vaichi khala huni mary theung y khumi kahawichi awm u nai ne teu i py, vai ly khumi ai padei naichi naini awm khyh bo.

ISAIA 1:26

Jangni i kamta nang teng y lu sa naichi hawi tau pei nai bangtangchi kang pei ai. Hunaibaly Jerusalem mary ai khumi kahawichi i reita angym nai mary, ka-ym awm nai mary, nanai amyn pathi ai,” napi.

ISAIA 26:2

Mary apai katheuchi paeaung chum baly kahawi sa nai khumi cheng, ka-ym awm nai khumi cheng kun ai nai pei u.

ISAIA 35:8

Huni meingtym y, “Meingtym kachai mang y chei nai lam,” nanai amyn pathi nai lam manglai pui amteng ai. Kamngo sa nai khumi ngiereichi ly huni lam tako ai nai nga u ai ny y. Khumi ka-khum ngiereichi ly huni lam tako nai khumichi ai lam tamang hai pajau ai ny y.

ISAIA 4:3

Tameuh my vawi takhra naira abawi iy, Jerusalem mary y awm rai nai khumi ngiereichi ai ly khumi kachaichi ne, nanai amyn pathi ai.

ISAIA 48:2

Huna nai ne teu i py, nangchi ly nangmychi my chai parai nai marychochi nanai py, ati cheaungkhang sa thai nai Areng napi nai Israela chengchi i Tameuh ai paleung pado u nai khumichi nanai py, amlyh u nai ne.

ISAIA 49:18

Nang i tengpang y ati mana lawh mo, nanai khen prei cham! Nang i chengchi ly akachu u iy, mychi i pri mang y vawi u dudu bo! Kai ly Tameuh kangheng ne nai deaungkho y, nang ly amia lengseaungchi amthyp iy deaung vawi nai anglo kamta, my i chengchi molam y amlyh ai.

ISAIA 51:17

Aw Jerusalem mary, anglaw jau! Amymy ai apalaw ly ang thau jau! Areng my kado theu nai deaungkho y, nang ai pei nai khaura i pajeng nai kreip hang nang ly nei bo. Huni ai nei nai deaungkho y pavui tapai nai ne.

ISAIA 51:9

Aw Areng, ang thau ly kaichi ai sabawm ba! Nang i sa thai nai haiho hawimy, kaichi ai atleu kyh ba. Angthau ly jangni jangkhawn i kamta, sa thai naira tym hai ba. Pangli naka pui Rahabi ai tameang piupa nai keung py nang ne.

ISAIA 60:1

Aw Jerusalem mary, anglaw iy kanito kamta angvang ba. Nang i kangvang ly tym bo. Areng i nang parai naira ly nang i tlang tleaung y kangvang ko bo.

ISAIA 60:21

Nang i khumi bawibawichi ly kateng sa u naimy, pri py peang ai nai nga u jojo ai. Khumi bawibawichi i mo y kai i nang parai nai amteng hai ai nai, kai ly nangchi ai kry iy kapalum ai.

ISAIA 61:10

Jerusalem mary ly Areng i sa nai kalop molam y amo theu ai. Ni ly apom ai nai ateaung amthyp nai, deaung vawi nai anglo hawi atawm. Tameuh ly ni ai atleu naira, eaung nairachi hawi amthyp hai bo.

ISAIA 61:3

Zion mary i paleung si vo tangam nai khumichi teng y, vo tangam nai i jeng y amo theu naira py, paleung mawn nai i jeng y palo nai khulym py, pei ai nai mymy ly kai ai pato bo. Nichi ly Areng i nang parai nai amteng hai ai nai, Tameuh my ui nai, hawi naira napi nai Ngopraibiu keungchi kamta cheang u sau ai.

ISAIA 64:10

Nang i chai parai nai marychi ly khutaha daichi ka-vymchi lawm iy Jerusalem mary py, phra seaungkhrang naimy khumi angso by y naira lawm bo.

JEREMIA 31:23

Israela chengchi i ati cheaungkhang sa thai nai keung Areng Tameuh my, “Hini khumichi ai mychi i pri y kaimy pahawi ali teang nai khala, ‘Areng ly mymy i awm nai meingtym kachai,napi nai Jerusalem mawi kachai ai amtheaung hai sy,’ nanai nichi ly Juda pri marychira y thui u taleang bi ai.

Ezekiela 44:9

“Lengkhym takip y nai cheng takhra khumichi, kai i leu tangai y nai khumichi, Israela chengchi hawi vanrei awm nai cheng takhra khumichi ne lawh teu i py, kai i Achura yhm theung y kun ai nai nga u ai ny y, nanai sa thai naira angym nai kai, Areng my pei nai leu ne,” napi.

DANIELA 10:9

Huni khumi i leu raawi thai nai khala, kai ly khaileaung y atlym mawp i, paleung pany y vui nai ne.

JOELA 3:17

Areng my, “Israela chengchi awi, huna nai khala kai ly nangchi i Areng Tameuh ne, nanai pany u ai. Kai ly kaimy i Zion mawi kachaira y kaawm nai ne. Jerusalem mary ly mary kachai lawm ai. Cheng takhra khumichi ly huni mary ai, mana khala py peang u bi pajau ai ny y.

NAHUM 1:15

Khen cham, satang kahawi syn nai khumi savai ly mawichi tako prei bo. Ni ly eaung nai satang thai hai ai nai jeu nai ne. Aw Juda khumichi awi, nangmychi i reita pawi so u. Tameuh teng y talam u. Khumi hawi y naichi ly nangchi i pri y ang jeu u bi ai ny y. Nichi ly angchi khyp, tama u pawn veng bo.

HAKAI 2:4

Na i py aw mipuichi awi, paleung atho di u mo? Kai ly nangchi hawi vanrei awm nai ne iy, nangmychi sa ai awm nai kalop naini, nangchi so u.

ZEKHARIAH 3:4

Kani pri amtaw thau nai ly my i nithun abang nai kani pri chochi teng y, “Hini khumi i amchiu nai chai y nai ateaungchi leng pi vui,” napi chum baly Josua teng y, “Kai ly nang i kamngo kang la pi vui iy, nang amchiu ai nai ateaung kangthachi kang pei ai,” napi.

MATTHAI 4:5

Huni pajau khala y diabola ly mymy ai avang kachai y hawi i, achura yhm kalen pui saleung kamsui y angdo hai i, mymy teng y,

LUKA 15:22

Na i py ampo my ly mymy i miseaungchi teng y, ‘Kanih hawi keh nai lo kaliki ly, akhiu hai u; kiu pajeung y kiu sabyh hawi, kheu y phainai py pachu hai u,

ROM AVANGCHI TENG Y PAWLA I CHA PA NAI 13:14

Areng Isu Krista ai phai amthyp u ly, nangchi i tlang i ngai phi teng y naira amcheang ai nai ati sai py so u moh.

ROM AVANGCHI TENG Y PAWLA I CHA PA NAI 3:22

huni ly mana mo nabaly Isu Krista ai ym nai deaungkho y Tameuh i hawi naira ly ym nai ngiereichi teng y amteng hai nai ne:

EPHESI 4:24

leu meitang hawi naira hawi chai naira y py Tameuh kamta ang sa nai ly amthyp u, nanai he.

EPHESI 5:14

Hunai deaungkho y mymy ly, “I nai khumi awi, anglaw ly! Kadeichi theung i dengdairei angthau, Hunaibaly Krista my ly angvang hai ai mang,” napi.

EPHESI 6:10

Kangkhym i naira y ly Areng y hawi mymy i atho y ly ham parai naimy awm u.

AMTENG HAI NAI 11:2

Na i py achura yhm kalen pui angam mang i apai theung i lyum ai ly pata y naimy khai su; huni ai ly Cheng Takhrachi teng y au nai bo:nichi ly lo vui palyh pa-ngo lo nyhrei sala y avang kachai ai ly kheu y chiu teuteu ai.

AMTENG HAI NAI 19:14

Naibaly kani pri i atiu ai nai kamkawmchi ly kanih mai ka-syn kangleung hawi amchai nai akhiu naimy keaungngo kangleungchi tleaung y atang nai ni teng y abang u bo.

AMTENG HAI NAI 19:8

mymy ly kaleung pahathyp nai hawi amchai nai kanih mai ka-syn akhiu ai nai leu nga bo: huni kanih mai ka-syn ly khumi kachaichi i atiti kahawi sa nai ne lawh,” nanai kathai.

AMTENG HAI NAI 21:2

Naibaly avang pui kachai, Jerusalem kangtha ly, deaung vawi nai anglo ly mymy ai palyn nai keung i vui y asa tarengdeng nai angveirym nai kamta, Tameuh teng i dengdairei kathiu nai kaniu.

AMTENG HAI NAI 21:27

naibaly atiti chai y nai amjy mo, amso ngailai nai hawi ka-chawi thui nai keung mo huni theung y tlen py kun ai ny y; Beram Cho i heng naira cha-iu y amyn tajiu angchi nai ngiereichi naini kun ai khyh.