ISAIA 51:9 - Khumi Common Language Bible

⁹ Aw Areng, ang thau ly kaichi ai sabawm ba! Nang i sa thai nai haiho hawimy, kaichi ai atleu kyh ba. Angthau ly jangni jangkhawn i kamta, sa thai naira tym hai ba. Pangli naka pui Rahabi ai tameang piupa nai keung py nang ne.

ISAIA 51:9 ပူးပေါင်းရင်းမြစ်များ

JOBA 26:12

Mymy ly sa thai naira hawimy pangli ai tiu iy, tau cheng naira hawi pangli naka rahabi ai tamyh vui bo.

JOBA 9:13

Tameuh i kado theu nai ly rym y; mymy ly amy ai tiu nai pangli naka rahabiai sabawm nai paleung ka-echi ai tamyh pawn nai ne.

SAM 21:13

Aw Areng, nang ly sa thai naira phum-ang awm nai deaungkho y, nang ai kaichi my kang palo u bo! Nang i nang parai nai ai palo nai khulym thui ai.

SAM 44:1

Aw Tameuh, jangni amsi pajochi deung y, nangmy sa pi nai leaungsaichi satang ai nichi my thui pi nai deaungkho y, kaimychi thai khyp bo.

SAM 44:2

Nangmy naimy cheng takhra khumichi ai patheu vui iy, nang i khumichi ai hini pri y meingtym pala pi nai py, cheng takhra khumichi ai kamngo pajeng iy, nangmy i khumichi ai lo pa, nang chawn hai nai satang py thui pi bo.

SAM 44:23

Aw Areng, anglaw ly ang thau ba! Nang ly ati mana nai y i pi vui lawh mo? Angthau ba! Kaichi ai deungtasarei khai su moh kyh ba!

SAM 44:24

Nang ly ati mana nai y kaichi teng i nai meimai hi pi lawh mo? Kaichi i no patang nai hawi, ngari kamtangchi ai tami pi veng moh kyh ba!

SAM 59:4

kai i tamang nai sai sairei molam y ny y leang; kai i sa nai kamngo hawi tamang nai molam py ny y leang.

SAM 7:6

Aw Areng, kado theu naimy ang thau ba! Kai i tlang tleaung y ka-jo hau nai khumichi i kado theu nai paka pi kyh ba. Angthau iy kai ai sabawm ba! Nang ly leu meitang adyh adawi nai ai ngai nai deaungkho y,

SAM 77:5

Kai ly katlen vui nai kanichi ai adawn pasym baly, jangni i law veng nai sanengchi ai dawn tami pajau y.

SAM 78:65

Kangkhym y Areng ly i naira i anglaw nai khumi kamta py, kreip hang pavui nai khala paleung sorai nai neampacho kamta py ang thau nai ne.

SAM 87:4

Mymy i leu pei nai ly “Kai i leu tangai nai prichi amyn la nai khala, Aikupta pri hawi Babulon pri tabawi ai; Philistin pri, Turu pri hawi Ethiopia pri i khumichi py, Jerusalem mary i khumichi amyn la naira y tabawi ai.

SAM 89:10

Nang ly tuirengnam Rahabi ai padei iy, tamyh veng bo; nang i sa thai naira hawimy, nangmy i paleung ka-echi ai pasum bo.

SAM 89:11

Kani khusang ai py, khaileaung ai py peang nai ne; nang ly khaileaung hawi khaileaung salo y awm nai ngiereichi ai sa nai ne.

SAM 93:1

Areng ly samrang ne. Mymy ly nang parai nai phum-ang amthyp iy, sa thai naira khobai akawm bo. Mymy ly khaileaung khaw hai iy, huni ly amchyh lei y nai ne.

THEU NAI 6:6

Hunaibaly nang ly Israelachi teng y thui pi ai nai ly, ‘Kai ly Areng ne, Aikupta chengchi teng y miseaungra i nai nangchi ai kaimy lawi hai ai. Kai i sa thai naira kiu ban pheu iy Aikupta chengchi i tlang tleaung y ka-jei hawi parai nai kapajeng ai i, nangchi ai atleu ai.

ISAIA 27:1

Huni neng khala y Areng ly chiu parai nai haisau hawi a-ieih naimy awm nai pavui pui tuireng nam (Levithan) ai pajeng iy, pangli Naka pui ai py padei ai.

ISAIA 30:7

Aikupta pri i pei nai kasabawmra ly ati sai py ny y leang. Hunai deaungkho y kai ly Aikupta pri ai ‘Thailai by y nai naka,’ nanai amyn pathi pi bo,” napi.

ISAIA 51:17

Aw Jerusalem mary, anglaw jau! Amymy ai apalaw ly ang thau jau! Areng my kado theu nai deaungkho y, nang ai pei nai khaura i pajeng nai kreip hang nang ly nei bo. Huni ai nei nai deaungkho y pavui tapai nai ne.

ISAIA 51:5

Kai ly jeu hawi kaliki iy nichi ai atleu ai. Kai i eaung naira nga ai nai neng ly kasa bo. Khumi cheng cheaungkhangchi ai, kaimy kypkyp my peang ai. Pri takhra i khumichi ly kai, jeu ai nai ajeng u nai ne. Mymychi ai atleu ai, nanai athang khai nai hawimy, nichi ly kai ai ajeng u bo.

ISAIA 52:1

Jerusalem mary awi, nang ly atho alo teang ly lo-pa teang jau ba! Tameuh i mary pui kachai awi, nangmy ai phum-ang hawi khiu ba! Pri takhra chochi ly mo mang y mana khala py, nang i apai pa-kho theung y kun u ai ny y.

ISAIA 52:10

Areng ly chai parai nai kiu hawi, pri tleireichi mo y mymy i khumichi ai atleu nai deaungkho y, huni atitichi ai khaileaung pri vereichi my niu u nai ne.

ISAIA 53:1

Khumi mipuichi my, “Vai, kaichi my thui pi nai satang ai ami my ym ai mo? Hinira i Areng i kupe lasa, ami my niu pajau ai mo?

ISAIA 62:8

Areng ly sa thai naira lamtang kiu hawi vaineng abeu bo. “Nang i amti amjangchi ly paleung ka-echi i vui, cha nei ateaung lawm ai ny y. Cheng takhra khumichi py, nang i atho sa nai kreip hang nei ai nai nga u ai ny y.

Ezekiela 29:3

Sa thai naira angym nai Areng my ati mana leu pei mo, nanai Aikupta samrang Pharao teng y amti pi ai nai ly: tavo theung i atho len parai nai satam pui awi, kai ly nang i paleung ka-e ne. Naing tavo ai ly nangmy peang, huni tavo ai nangmy palum nai ne, nanai nang ly thui bo.

MIKHA 7:15

Areng nangmy kaichi ai Aikupta pri i dengdairei pahawi nai thym khala, nangmy sa pi nai rengrang ka-ma-rachi patei pi kyh ba.

HABAKKUK 2:19

Nangchi ly taham si u! Deng keaung beang ai, “Anglaw jau” nanai py, lengseaung ai, “Angthau jau” nanai py, nangchi thui u reng nai ne. Myn ly nangchi ai ati thui pi pachai thai ai mo? Muku tangkachi hawi an paleaung nai ne i py, huni myn ly heng y leang.

HABAKKUK 3:13

Nang ly nangmy i khumichi hawi nangmy i khai takhra nai khumi ai, atleu ai nai jeu kyh ba. Nang ly khumi hawi y nai i lu sa nai ai, taphra vui iy ni i nithun abang naichi ai tama hai chauchau bo.

ZEKHARIAH 10:11

Nichi ly ka-jeira awm nai pangli y angpeang nai khala, kai Areng ly tui sampyhchi anawn hai ai. Naing tavo i thiu parai nai meingtymchi py, tui kang pawn ai. Asuria pri i paleung len nai ai, kapanem pi vui ai. Atho awm nai Aikupta pri py, sa thai naira jum vui ai.

ZEKHARIAH 2:13

Khumi mipuichi awi, Areng ly mymy i awm nai nang parai nai meingtym i dengdairei ang jeu ai i, mymy i mo y tyn kryh y naimy awm u.

LUKA 1:51

Atho awm nai sai ly mymy i kiuban y amteng bo; Am-e naichi ai ly mymychi i paleung adawn naira y ahei hai bo.

JOHAN 12:38

“Areng, kaichi i leu thui nai ami ym mo? Areng i kiu ban py ami teng y amteng mo?” nanai amo Isaia i leu thui nai tym ai nai.

AMTAW 7:7

Naibaly nichi ai miseaung palawn ai nai chengchi ai ly kaimy chih ai, naibaly hunai bo y nichi ly theu ai i, hini meingtym y kai i kalop sa ai, nanai thui.

Leu Thui Nai 4:34

Nangchi i Areng Tameuh ly Aikupta chengchi kiu i atleu iy, mymy i khumi palawn naimy pahawi bo. Tameuh takhra ly khumi cheng harei i vui, huna nai kamta sa pi vai sai a? Areng ly mymy i len parai nai sa thai naira patei nai, ka-jeira hawi tavai takai tym hai nai, rengrang ka-ma-rachi hawi lyh ai hawi nairachi sa pi nai, hunichi ai nangmychi kypkyp my niu u bo.

AMTENG HAI NAI 11:17

“Aw, Atiti py Sa Thai Nai Areng Tameuh, vai awm nai hawi jangni i dengdairei awm nai keung hawi: nang i sa thai naira len parai nai nang la iy peang nai deaungkho y kawn nai leu kaichi kang thui pi.

AMTENG HAI NAI 12:9

Naibaly khaileaung pri bawibawi ai tapawp nai keung, jangni jangkhawn kha i awm nai pavui, Diabola hawi Setan napi nai, naka kalen pui ai ly khaileaung y aphi kathiu bo, mymy i amtaw thau naichi py mymy hawi vanrei aphi kathiu teang.

TARA CHIH NAI KEUNGCHI 6:13

Kideon my ni teng y, “Aw areng, Areng ly kaichi hawi vanrei awm nai ne khyp nabaly, ati mana nai y hini patang naira tym hai lawh mo? Areng ly mymy i khumichi ai, Aikupta pri i dengdairei pahawi nai saichi hawi, lyh ai awm nai saichi sa pi nai py, amsi pajochi my ang thui pi bo. Huni lyh ai awm nairachi ly ma mang y mo? Areng ly kaichi ai khai su iy, Midian chengchi teng y ang-au su lawh ly!,” napi.