ISAIA 51:6 - Khumi Common Language Bible

⁶ Kani khusang ai khen ang deng u; khaileaung ai py khen u! Kani khusang ly maikhyh kamta tama vui ai. Khaileaung ly ateaung tangym nai kamta phra dudu ai. Hini khaileaung i khumi bawibawichi py, pathau kamta dei be ai. Na i py kai i atleu naira ly deungtasarei awm jojo ai. Kai i eaung naira ly mana khala py phra ai ny y.

ISAIA 51:6 ပူးပေါင်းရင်းမြစ်များ

SAM 103:17

Na i py Areng ai jei naimy tahm khai naichi i vui y, mymy i tamen nai ly deungtasarei khaw jo nai ne.

SAM 111:3

Mymy i sa nai leaungsai ngiereichi ly nang parai nai hawimy kawi na bo; mymy i hawi naira ly deungtasarei ne.

ISAIA 13:13

Ati cheaungkhang sa thai nai keung kai, Areng my kado theu hai nai khala, kani khusang ly amchyh neung ai i, khaileaung py awm kari ra i nai asyh vui ai.

ISAIA 33:6

Israela chengchi ai khaw parai naira pei ai. Mymy ly mymy i khumichi ai avawrei ama hai iy, cheng naira hawi pany thai naira pei pi. Nichi i vang teng keh nai yhmtheaung katui ly Areng ai tahm khai naimy jei kaji nai ne.

ISAIA 34:4

Kanito, lo, ka-si taukichi ly khaileaung y tla ai. Kani khusang ly taeang veng nai cha aeang kamta tama ai i, ka-sichi ly kreip keung, ti y baly thaidu keungra i ngam vui nai kamta vui ai.

ISAIA 40:26

Kani mang y khen angdeang u! Nangchi niu nai ka-sichi ai ami my sa nai mo? Hunichi ai tavaimichi kamta pahawi nai keung ne. Mymy ly ka-sichi ai kati chum baly amyn pathi iy palau na a! Mymy ly sa thai naira len parai nai deaungkho y, huni ka-sichi ly ha harei py tama, nanai by y.

ISAIA 45:17

Na i py Israela chengchi ly Areng i atleu nai nga u iy, nichi i eaung nai ly deungtasa akan jo ai. Nichi ly mana khala py, tahm anem u ai ny y.’ ”

ISAIA 50:9

Areng mymy kypkyp my, kai mang y asa hai ai i, kai teng y kamngo awm, nanai ami my pany hai nai ka-ma-ra patei pajau ai mo? Kai ai neng hai nai khumi ngiereichi ly tama veng ai. Nichi ly thaikem my cha nai ateaung kamta phra ai.

ISAIA 51:8

Huna nai khumichi ly thaikem my cha nai ateaung kamta tama vui ai! Na i py kai i hawi naira ly deungtasarei awm jojo ai. Kai i sa thai nai atleu naira py, deungtasarei awm jojo ai,” napi.

ISAIA 54:10

Mawi katheang kalenchi ly anawi iy phra pawn ai. Na i py nangchi i tlang tleaung y kai i tamen nai ly mana khala py tem ai ny y. Aly nai leu ka-deu ai, kai ly khaw hai jojo ai, nanai nangchi ai tamen nai Areng my leu pei bo.

ISAIA 54:9

“Kai ly khaileaung pri y tuibai theu hai bi ai ny y, nanai Nova deung y leu adeu pi yb bo. Nangchi ai kado theu hai ali bi ai ny y, nanai vai, kai adeu bo. Kai ly nangchi ai thui parip nai hawi, pajeng nai py kang tym hai ai ny y.

DANIELA 9:24

“Saneng vui saryh nai meingtym saryhrei nai neng ly nang i chengchi hawi nang i chai parai nai mary ai kamngo hawi, hawi y naira i nai, lawi hai ai nai Tameuh my khai pi takhra nai neng ne. Amteng hai nai hawi amo leu teng khyp nai sai pany hai ai nai hawi, chai parai nai Achura yhm khai takhra teang ai nai molam, Tameuh ly nichi i kamngochi pahen iy, deungtasarei leu meitang adyh adawi nai deung tym ai.

MATTHAI 24:35

Kani khaileaung ly tama ai i, kai i leu ly tamo y ai.

JOHAN 5:24

“Meitang khypkhyp kang thui pi, ami py kai i leu thai iy, kai ai pato nai keung ai ym nai ngierei ly deungtasarei hengra nga bo, sum py sum y ai, na i py dei naira i nai theu iy heng naira y kun bo.

Leu Thui Nai 4:19

Kani mang y nangchi i niu nai kanito, lo hawi ka-si taukichi ka-tawm myn sa iy, chiu y ai nai atyp u. Achi i Areng Tameuh ly cheng takhra khumichi ai huni mynchi chiu ai nai pei nai ne.

II THESALONIKA 2:16

Hunaibaly achi i Areng Isu Krista kypkyp hawi, Tameuh achi i Ampo, achi ai ang tamen nai keung py pahenra deaungkho y deungtasarei awmnem naira hawi athang khai naira kakhaw ang pei nai keung my ly,

HEBRAI 5:9

hunaibaly mymy ai ly angym hai iy, mymy i leu tangai nai bawibawichi i vui y ni ly deungtasarei heng naira pakeung lawn bo:

HEBRAI 9:12

naibaly mymy ly mi-i hawi si cho i thi deaungkho y ny y naimy, mymy i thi kypkyp deaungkho y Meingtym Kachai y ly kun bi ai nai aly by y pa-rei tlenrei my kun i, deungtasarei atleu naira nga chum bo.

HEBRAI 9:15

Naibaly leu maikawm kangman i anui y taphra nairachi atleu ai nai ang dei vui nai deaungkho y, palau naichi ly deungtasarei yhmtheaung amtym nai leu adeu naira nga thai ai nai ni ly leu maikawm kangtha i savai ne.

AMTENG HAI NAI 20:11

Hunaibaly areng atehra kangleung kalen pui hawi, huni tleaung y ateh nai keung ai py kaniu; mymy i mei ka-niu dengdairei ly kani khaileaung preang pawn bo: hunini i vui y awmra py by y leang bo.