ISAIA 51:5 - Khumi Common Language Bible

⁵ Kai ly jeu hawi kaliki iy nichi ai atleu ai. Kai i eaung naira nga ai nai neng ly kasa bo. Khumi cheng cheaungkhangchi ai, kaimy kypkyp my peang ai. Pri takhra i khumichi ly kai, jeu ai nai ajeng u nai ne. Mymychi ai atleu ai, nanai athang khai nai hawimy, nichi ly kai ai ajeng u bo.

ISAIA 51:5 ပူးပေါင်းရင်းမြစ်များ

SAM 110:6

Mymy ly khumi cheng cheaungkhangchi ai tara chih ai i, tavai atiu nai meingtym y khumi kadeichi kawi hai ai; khaileaung pri verei y awm nai samrangchi ai pasum ai.

SAM 67:4

Nang ly khumichi ai leu meitang naimy tara chih iy, khumi cheng cheaungkhangchi ai lam patei nai deaungkho y, nichi ly amo theu naimy khulym thui u sy.

SAM 85:9

Mymy ly mymy ai jei kaji naimy tahm khai nai khumichi ai atleu takengkei ai nai ly angchi yb nai ne.

SAM 96:13

Ati mana nai mo nabaly Areng ly khaileaung pri y peang ai nai ang jeu nai deaungkho y ne. Mymy ly khaileaung pri khumi bawibawichi ai, leu meitang naimy peang ai.

SAM 98:9

mymy i mo y vanrei, amo theu khulym thui naimy palo u. Mymy ly khaileaung pri khumi bawibawichi ai leu meitang naimy peang ai.

ISAIA 11:11

Huni neng kani tym nai khala y, Areng ly mymy i sa thai nai haiho teaung bi iy Asuria pri, Aikupta pri, Pathros pri, Ethiopia pri, Elam pri, Babulon pri, Hamath pri, pangli peang meingtymchi hawi tlawnchira y awm rai nai Israela chengchi ai, mymychi i saleaung khuteng mang y pahawi ali teang ai.

ISAIA 24:15

nisi mang i khumichi my, mymy ai palo u ai. Pangli peang y awm u nai khumichi py, Israela chengchi i Areng Tameuh ai palo u ai.

ISAIA 26:4

Areng ai ly ym u jojo; mymy ly achi ai ama hai jojo ai.

ISAIA 33:2

Aw Areng, kaichi ai pahen kyh ba. Kaichi ly nang ai kadeaung nai ne. Kani tleirei kaichi ai ama hai iy, patang naira tym nai neng khala atleu kyh ba.

ISAIA 33:22

Huni paleaung, samphochi i alika teang hawi vuinawnchi ly asu vui i, alika py kadai ai nai ngo y lawh ly! Paleung ka-e tavaimichi teng i vawnsaichi lawm u ai. Huni vawnsaichi ly nawi parai nai deaungkho y, kheu kangbaichi malawn py mychi i vui phy nga u ai. Areng mymy kypkyp py, achi i samrang lawm ai. Mymy ly achi ai peang iy ama hai ai.

ISAIA 40:10

Ati cheaungkhang sa thai nai Areng ly mymy atleu nai khumichi aipalau iy, sa thai naira hawi peang ai nai ang jeu ai.

ISAIA 42:4

Ni ly paleung phra atho di ai ny y. Khaileaung pri y ka-dyh ka-dawi naimy peang nai ly khaw jojo ai. Kamlo prichi py ni i parip nai ai, paleung apei parai naimy ajeng u ai,” napi.

ISAIA 46:13

Kai ly nangchi law tleaung ai nai neng kasa hai ai. Huni neng ly pipi palo y leang bo. Kai ly atleu y nai py awm pi vui ai ny y. Kaimy Jerusalem mary ai atleu iy, Israela chengchi ai tahm asang hai ai.”

ISAIA 49:1

Pri takhra i khumi cheng cheaungkhangchi awi, kamlora y awm nai khumichi awi, kai i thui nai leu nangchi tangai u! Kai ai tapen y rai khala my Areng ly kai ai vawi takhra iy, mymy i miseaung y ang khai bo.

ISAIA 54:17

Na i py mani tavai ateaung py, nang ai no pei pajau y leang. Nang ly nangmy ai ang seu nai ngiereichi ai, tlau teang pajau ai. Kai ly kaimy i miseaungchi ai kry iy, eaung naira kapei ai,” napi. Hini ly Areng i leu pei nai ne.

ISAIA 56:1

Areng my mymy i khumichi teng y, “Kai ly kra y naimy nichi ai atleu ai. Hunai deaungkho y nangchi ly hawi naira hawi, adyh adawi naira so u.

ISAIA 59:16

Ana naira avum nai khumichi ai atleu ai nai khumi by y nai py niu i, lyh parai nai ne. Hunai deaungkho y mymy ly nichi ai sa thai naira hawi atleu iy, mymy i hawi nai saho y eaung naira nga u ai.

ISAIA 60:9

Huni samphochi ly pri kamlo mang i dengdairei, Tameuh i khumichi ai, mychi pri mang y tang nai samphochi ne. Hunichi ly Israela chengchi i chai parai nai Tameuh ai palo ai nai muku hawi tangkachi syn u. Mymy ly mymy i khumichi ai tahm pasang nai ne.

ISAIA 62:11

“Nangchi ai atleu nai keung Areng ly mymy i atleu pi nai khumichi ai hawi iy ang jeu ai,” nanai Jerusalem mary i khumichi teng y thui pi ai nai, Areng ly khaileaung pri khumi bawibawichi teng y amthang hai ai.

ISAIA 63:5

Kai ai sabawm ai nai khumi leaungrei py by y nai niu nai khala y, kai ly lyh na lawh bo. Na i py kai i kado theu naira my kai ai atho pei nai deaungkho y, kaimy kypkyp my eaung naira nga tanga nai ne.

JOELA 3:12

Areng my, “Khumi cheng bawibawichi ly angveirym iy, tara chih ai nai leaunghawira jeu u ai nai tla ai. Tengpang sahawi i khumi cheng bawibawichi ai tara chih ai nai huni meingtym y kai ateh ai.

ZEPHANIAH 2:11

Areng ly nichi ai kaso theu hai ai. Mymy ly khaileaung pri y awm nai tameuhchi ai tama hai ai i, khumi cheng cheaungkhangchi ly mymychi i pri tleitleirei y, mymy ai chiu u ai.

MATTHAI 28:18

Hunaibaly Isu ly nichi teng y chei i, nichi hawi arum iy, “Kani y hawi khaileaung y py aly peang naira bawibawi ly kai teng y ang pei nai bo.

MATTHAI 3:2

“Uikhei u, kani pri my peang nai ly kasa bo,” napi.

MARKA 16:15

Naibaly mymy ly nichi teng y, “Khaileaung pri verei y chei u ly, Tameuh i sa naichi bawibawi teng y Satang Kahawi thui u.

LUKA 24:47

naibaly mymy i amyn y uikhei ai nai leu hawi, kamngo pahen ai nai leu py Jerusalem y pateaung iy, cheng cheaungkhangchi teng y thui pi ai nai tla, nanai tajiu nai awm.

AMTAW 17:31

mymy ly mymy i khumi khai rym nai ai ly khaileaung pri y hawihai palai tarahih hai ai nai kani thui yb nai deaungkho y; huna nai Tameuh my mymy ai ly kadeichi theung i dengdairei pathau iy, khumi bawibawichi teng y thai hai khyp bo,” napi.

ROM AVANGCHI TENG Y PAWLA I CHA PA NAI 2:16

mymychi i hawi nai hawi y nai pany naira my pany hai iy mymychi i dawn naira my apasum py apasum lawh ai, ti y baly akhi py akhi hai lawh ai.

II KORINTH 5:10

Achi bawibawi ly tlang y atiti sa naichi, hawi nai hawi y nai achi i sa nai kamta nga bawibawi thai ai nai, achi ai ly Krista i tara chih nai atehra mo y amteng hai bebe ai nai tla.

Leu Thui Nai 30:14

Huni reita leu pei nai ly hi y nangchi hawi vanrei awm. Nangchi pany yb nai reita leu, nangchi my patawm thai nai reita teu. Hunai deaungkho y nangchi ly huni reita ai vai patawm u.

1 SAMUELA 2:10

Areng i paleung ka-echi ly tama naira avum ai; nichi i tlang tleaung y kani pajyh hai ai. Areng ly khaileaung pri verei y tara chih ai; mymy ly mymy i vawi takhra nai samrang ai sa thai naira angym hai iy, mymy i khai takhra nai khumi ai eaung naira pei ai,” nanai thui bo.