ISAIA 51:4 - Khumi Common Language Bible

⁴ “Kai i khumichi awi, kai i leu tangai u. Kai i thui nai leu tangai u. Kai ly khumi cheng cheaungkhangchi ai thui parip iy, kai i reita leuchi ly nichi i vui kangvang lawm ai.

ISAIA 51:4 ပူးပေါင်းရင်းမြစ်များ

SAM 106:5

Kai ai nang i khumichi nang chawn nai niu ai nai pei ba; nang i pri khumichi amo theu naira y py, nang i peang nai khumichi amo theu amlyh naira y py, kai ai tabawi kyh ba.

SAM 147:20

Mymy ly cheng takhrachi i vui, hina nai kamta so pi y leang; nichi ly mymy i reita leu ai pany u y. Areng ai palo u!

SAM 33:12

Areng ai Tameuh palawn iy chiu nai khumi cheng ly taham hawi; Mymy i khumi lawm ai nai vawi takhra nai khumichi ly taham hawi.

SAM 50:7

Mymy ly “Kai i khumichi awi, tangai u; kaimy leu pei ai. Aw Israela chengchi awi, kai ly nangchi ai kang chih ai. Kai ly Tameuh, nangchi i Tameuh ne.

SAM 78:1

Kai i khumichi awi, kai i patiu nai leu tangai u; kai i thui nai leu ai kano patheung u.

THEU NAI 19:6

Nangchi ly kai i vui khai takhra nai khumi cheng, kai i kalop sa pi ai nai pathyp pi nai keungchi lawm u ai, nanai Israela chengchi teng y thui pi,” napi.

THEU NAI 33:13

Nang ly kai ai paleung no na baly, kai ly nang i kalop sa iy nang i paleung kangai sa thai ai nai, nang i sa ai dawn tau naichi thui pi kyh. Hini khumichi ly nangmy vawi takhra nai khumichi ne, nanai py pany pi kyh,” napi.

LEU KACHENG 6:23

Reita leuchi ly maisi yhm kamta ne i, nichi i ang thui pi nai leuchi ly kangvang hawi atawm. Nichi i thui parip nai leuchi ly nang heng ai nai lam patei pajau.

ISAIA 1:27

Areng ly hawi nai deaungkho y, mymy ly Jerusalem mary hawi uikheih nai khumi ngiereichi ai atleu ai.

ISAIA 2:3

Nichi my, “Areng i mawi salo y Israela chengchi i Tameuh i Achura yhm mang y, achi lyn u sina. Mymy i kangai amtiu u sina. Mymy i vawi takhra pi nai lam y achi tako u sina,” nanai thui u ai. “Areng i reita leu ly Jerusalem mary i dengdairei py, mymy i leu ly Zion mawi salo i dengdairei py theu ai.”

ISAIA 26:2

Mary apai katheuchi paeaung chum baly kahawi sa nai khumi cheng, ka-ym awm nai khumi cheng kun ai nai pei u.

ISAIA 26:8

Kaichi ly nang i ngai nai kamta sa iy, nang ai athang khai naimy awm; nang ai naini kakadeaung u bo.

ISAIA 33:22

Huni paleaung, samphochi i alika teang hawi vuinawnchi ly asu vui i, alika py kadai ai nai ngo y lawh ly! Paleung ka-e tavaimichi teng i vawnsaichi lawm u ai. Huni vawnsaichi ly nawi parai nai deaungkho y, kheu kangbaichi malawn py mychi i vui phy nga u ai. Areng mymy kypkyp py, achi i samrang lawm ai. Mymy ly achi ai peang iy ama hai ai.

ISAIA 42:21

Areng ly atleu ai nai paleung awncha nai Tameuh ne iy, mymy ly my i reita hawi mymy i leu tahm khai nai khumi lawm ai nai aly ngai nai ne.

ISAIA 42:6

“Kai, Areng ly nang ai palau iy, khaileaung pri y ka-dyh ka-dawi awm ai nai, sa thai naira pei bo. Nang deaungkho y kai ly khumi bawibawichi hawi leu maikawm asa iy, prichi salo y kangvang tym hai ai.

ISAIA 49:6

Areng my kai ai, “Kai i miseaung, kai ly nang ai kalop kalenra y sa hai ai. Dei kamthum Israela chengchi sa thai naira haiho nga u ali teang nai khyh chang y i, khaileaung pri verei malawn py atleu naira nga ai nai, kai ly nang ai khumi cheng cheaungkhangchi i kangvang lawm hai ai,” napi.

ISAIA 55:3

“Kai i khumichi awi, kai i leu tangai iy, kai teng y jeu u. Hina nai kamta sa baly nangchi ly hengra nga u ai! Kai ly nangchi hawi deungtasarei leu maikawm asa iy, Davida teng y adeu nai amtheaung nairachi ly nangchi teng y kang pei ai.

ISAIA 63:8

Areng my, “Nichi ly kai i khumichi ne nai deaungkho y, kai ai li-tapawp u ai ny y,” napi. Naibaly mymy ly nichi i avum nai ngari kamtang cheaungkhangra i nai atleu pi ai.

MIKHA 4:2

“Tameuh i Achura yhm awm nai Areng i mawi mang y kalau u sina. Mymy ly achi ai, mymy i kangai hawi vanrei awm ai nai patiu pi ai. Mymy i lam patei nai kamta tako u ai. Mymy i reita leu ly Zion mawi i dengdairei py, Areng i leu pei nai ly Jerusalem mary i dengdairei py, ang tym nai ne,” nanai thui u.

LUKA 2:32

Kai i mei y kaniu bo,” nanai Tameuh ai palo.

I KORINTH 9:21

kai ly Tameuh i mo y Reita y awm y nai ny y naimy, Krista i reita anui y awm naimy Reita by y naichi ai kanga thai ai nai Reita by y naichi teng y Reita by y nai kamta kaawm.

Leu Thui Nai 18:18

Kai ly nichi i cheng theaung theung i dengdairei nang ka-tawm amo leaungrei pato pi ai; kaimy ni teng y kaimy leu pei nai ngiereichi ai ni ly khumichi teng y thui pi pateang ai.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;