ISAIA 51:22 - Khumi Common Language Bible

²² Nangchi i Areng Tameuh ly nangchi ai ang kry iy, “Kaimy nangchi teng y kado katheu ang pei nai khau ly nangchi teng i nai kang la pi ali teang ai. Nangchi ai pavui tapai hai nai kreip hang ly nangchi nei u ali bi ai ny y.

ISAIA 51:22 ပူးပေါင်းရင်းမြစ်များ

SAM 35:1

Aw Areng, kai ai ka-awi sa nai khumichi ai ka-awi so teang ly kaichi ai tiu nai khumichi ai tiu teang ba!

SAM 60:3

Nang ly nangmy i khumichi ai, patang naira tym hai bo; kaichi ai nei cha ala nai khumichi kamta, atlym hai khikha na bo.

LEU KACHENG 22:23

Areng ly nichi i mang y asa hai ai. Nichi i heng nai ai pajei pahyn nai khumichi ai Areng my pajei pahyn teang ai.

ISAIA 29:9

Nangchi ly tau akhum naimy awm u! Mei paju naimy awm u! Kreip hang nei y naimy pavui u! Amjawnreichy py nei y naimy atlym khikha u!

ISAIA 3:12

Tangka paseng nai khumichi ly kai i khumichi ai ana u bo. Paisa tangka ko nai khumichi my, nichi ai li-tapawp u bo. Kai i khumichi awi, nangchi ai lu sa naichi ly nangchi ai lam kateng patei y nai deaungkho y, nangchi ly mani lam mang y tako ai mo, nanai malawn py, pany u pajau y nai ne.

ISAIA 3:13

Areng ly mymy i kalop ai patei pi yb bo. Mymy ly khumi cheang cheaungkhangchi ai tara chih ai nai angchi yb nai ne.

ISAIA 49:25

Areng my, “Vai tym ai nai leaungsai ly hina nai kamta ne. Tavaimi risa my patiu iy langheng hawi naichi ai kaimy patleaung vui ai. Samrang hawi y naichi i nga nai vawnsaichi ai, kaimy pakym vui ai. Kai ly nang ai tiu nai khumichi ai tiu iy, nang i cho chanauchi ai atleu ai.

ISAIA 51:17

Aw Jerusalem mary, anglaw jau! Amymy ai apalaw ly ang thau jau! Areng my kado theu nai deaungkho y, nang ai pei nai khaura i pajeng nai kreip hang nang ly nei bo. Huni ai nei nai deaungkho y pavui tapai nai ne.

ISAIA 62:8

Areng ly sa thai naira lamtang kiu hawi vaineng abeu bo. “Nang i amti amjangchi ly paleung ka-echi i vui, cha nei ateaung lawm ai ny y. Cheng takhra khumichi py, nang i atho sa nai kreip hang nei ai nai nga u ai ny y.

JEREMIA 25:15

Israela chengchi i Areng Tameuh my kai teng y, “Nang ly kai i kado theu naira kawi nai hini kreip hang khau ai, kai teng i nai la iy nang ai kang pato nai khumi cheng cheaungkhangchi ai panei.

JEREMIA 50:34

Na i py nichi ai atleu ai nai keung ly atho awm parai nai ne. Ni i amyn ly ati cheaungkhang sa thai nai keung Areng ne. Mymy kypkyp ly nichi ai ama hai iy, huni pri y tlamsa naira tym hai ai. Na i py Babulon khumichi ai ly khrukhra naira tym hai ai,” napi.

JEREMIA 51:36

Hunai deaungkho y Jerusalem mary i khumichi teng y, “Kai ly nangchi hawi ai nai molam, vawitheung tha pi ai. Babulon pri i tuikanchi hawi tavo micheaungchi kang hai ai.

TANGAM NAI LEU 3:15

Mymy ly kai i tlang tleaung y no patang naira ai, teicha teinei kamta ang pacho.

TANGAM NAI LEU 3:58

“Aw Areng, nang ly kai ai sabawm ai nai jeu i, atleu pi bo.

Ezekiela 39:29

Kai ly kaimy i khumi Israela chengchi tlang tleaung y kai i phailo lei pi ai. Nichi ai mana khala py kai nithun thun bi ai ny y. Hini ly sa thai naira angym nai kai, Areng my pei nai leu ne,” napi.

JOELA 3:2

Khumi cheng cheaungkhangchi ai angym hai teang iy tara chih nai leaunghawi mang y pahawi ai. Kai i khumichi ai nichi my sa nai molam y huni meingtym y nichi ai, kaimy tara chih ai. Nichi ly Israela chengchi ai, pri takhra mang y ahei hai i, kai i pri Israela ai ahei hai akyhkyh nai ne.

OBADIA 1:16

Kai i khumichi ly kai i mawi kachai salo y kai i kho nai pajeng nai khau nei u bo. Tengpang sahawi i khumi cheng cheaungkhangchi py huni tleaung y kho keh nai pajeng nai khau nei u ai. Nichi ly huni ai nei pyn chum baly, tama u pawn ai.

MIKHA 7:9

Kaichi ly kamngo sa nai deaungkho y, tanarei ly Areng i kado theu nai avum u ai. Na i py mymy ly kangkhym y kaichi i molam ama hai iy, leu meitang naimy tara chih ai. Mymy ly kaichi ai kangvang mang y pahawi ai. Kaichi ly mymy i atleu nai niu takengkei ai.

ZEKHARIAH 12:2

“Kai ly Jerusalem mary ai kreip hang khau lawm hai ai. Mary tengpang sahawi i khumi cheng cheaungkhangchi ly huni kreip hang nei iy nei cha ala naichi kamta, atlym u khikha ai. Nichi ly Jerusalem mary ai katanmeuh iy tiu u nai khala, takhra Juda marychi py, katanmeuh naira avum ai.

MATTHAI 20:22

Isu my ly, “Nangni i hnei nai ly nangni ly pany y. Kai i khau nei ai nai ly nangni nei hawi thai a?” napi nai pathang. Nini my ly mymy teng y, “nei thai chy,” napi.

1 SAMUELA 25:39

Davida ly Nabala dei nai satang thai nai khala y, “Areng ly palo naira awm sy! Mymy ly Nabala my kai ai mei aniu y nai sa nai molam y vawitheung tha pi i, mymy i miseaung kai ai py, tamang y ai nai ang paka bo. Areng ly Nabala i kamngo nai molam y ni ai pajeng nai ne,” nanai thui. Huni bo baly Davida ly Abikaila ai pom ai nai, khumi pato iy atli hai bo.