ISAIA 51:19 - Khumi Common Language Bible

¹⁹ Nang ly ka-jeira phy nyhrei avum bo. Nang i pri ly tavai takai molam y phra pawn bo. Nang i mary i khumichi py, teicha teinei alam u bo. Nang ai tamen nai paleung ang khai nai leaungrei py by y.

ISAIA 51:19 ပူးပေါင်းရင်းမြစ်များ

JOBA 2:11

Joba i ahawi leaung thomrei ly Teman mary i Eliphe, Shua pri i Vilada hawi, Naamah pri i Zawphachi ne. Nichi ly Joba manatanrei no patang na mo, nanai satang thai u nai khala, ni teng y chei iy paleung awm hai nem ai nai neng adeu u bo.

JOBA 42:11

Joba i amjo amnau, tuicho, amjo neampachychi hawi, ahawi kangngym bawibawichi ly ni i yhm y jeu iy, ni hawi vanrei cha nei pawi sa u bo. Nichi ly Areng my avum hai nai ngari kamtangchi molam, Joba teng y paleung hawi y nai leu thui u naimy paleung pahawi u chum baly, tangka maidenrei hawi muku kano ha harei pei u bo.

SAM 69:20

Mei aniu y naira avum nai deaungkho y, kai ly paleung mawn iy paleung phra atho di na bo. Kai ly kapahenra kadeaung nai khala y, pahen ai nai keung avum y; paleung awmnem naira kadeaung nai khala y, paleung awmnem naira pei ai nai khumi by y.

Parip nai leu 4:1

Naibaly kai ly hini khaileaung pri i adyh adawi y nai sai kakhen lawh bo. Ana patang naira avum nai khumichi ly vo u; nichi ai sabawm ai nai khumi leaungrei py by y. Ati mana nai mo nabaly nichi ai ana nai khumichi ly sa thai naira awm nai deaungkho y ne.

ISAIA 14:30

Areng ly mymy i khumichi theung i, kamawn katichi ai beram typ nai keung kamta typ iy, chymme naimy awm hai ai. Na i py Philistinchi ai ly ka-jei hawi parai nai takang theu hai ai i, nichi ly leaungrei py dei kamthum awm ai ny y.

ISAIA 22:4

Vai ly kai ai, kaimy tlairei khrikhri pa-rei kavo ai nai pei kyh. Kai i khumi neangneangchi ly dei u pawn lawh bo i, kai ai paleung pahawi ai nai atho so moh jau ba.

ISAIA 47:9

Na i py nang ly kanirei y my, tanarei sala y my, hini amjy nyhrei avum ai. Atam kakawp bawibawichi ai teaung i py, cho chanauchi dei nai my lumai lawm ai.

ISAIA 54:11

Areng my, “Aw Jerusalem mary, patangra tym iy jeaungmang nai mary ne nai, awm hai nem nai keung leaungrei py by y nai mary awi, kai ly langdengchi ai, vang kateng lengseaungchi hawi sa palai teang ai.

ISAIA 60:18

Khrukhra nai katyn katengchi theu ai ny y leang bo. Nang i pri py phra naira avum bi ai ny y. Kai ly mary apai kamta nang ai ama hai iy kang kry ai. Nang py nangmy ai atleu nai molam y kai ai palo ai.

ISAIA 61:2

Areng ly mymy i khumichi ai atleu iy, paleung ka-echi ai taphra nai neng tym bo, nanai thai hai ai nai kai ai pato bo. Paleungsi tangam nai khumi bawibawichi ai awmnem naira pei ai nai,

ISAIA 8:21

Khumichi ly mymychi i pri y paleung phra athosi naimy kajeu alam iy heng u ai. Nichi ly kajeu alam nai hawi kado theu naichi molam y, mychi i samrang hawi mychi i Tameuh ai josei u ai. Nichi ly kani mang y khen angdeang kalau nai khala py,

ISAIA 9:20

Khumichi ly meingtym tleirei y mychi nga thai nai ryrei, teicha teineichi cha u teu i py, kajeu kanglam dam ai ny y. Nichi ly mychi i cho chanauchi ai malawn py cha u lawh bo ly!

JEREMIA 15:5

Areng my, “Jerusalem mary i khumichi awi, nangchi ai ami my ang pahen ai mo? Nangchi i vui ami my paleung si ai mo? Ami nai ly lam y angdo iy, nangchi i noso satang ang deng u ai mo?

JEREMIA 24:10

Nichi hawi nichi i amsi pajochi teng y pei nai pri y leaungrei ai py kangheng tleaung y pa-rei, kai ly nichi ai tavai takai ka-jeira py, tahum takang hawi no kanghawi py katym hai ai,” napi.

TANGAM NAI LEU 1:12

Ni ly tengpang sahawi i aki aleaung nai khumi lutengchi teng y, “Kai ai khen u cham! Hina nai kamtang ly awm vai reng a? Kai kamta patang nai ly leaungrei py by y leang. Hini kamtang ly Areng my kado theu i, kai ai avum hai nai patangra ne.

TANGAM NAI LEU 1:9

Ni i chai y nai sai niu hawihai pajau teu i py, ni ly my i avum nai khym taham ai dawndan y. Ni i phra nai sai ly ka-jei hawi parai na. Ami my py awmnem naira pei pajau y. Ni ai paleung ka-echi my pajau vui nai deaungkho y, ni ly pahen naira nga ai nai Areng teng y hnei takeng bo.

TANGAM NAI LEU 3:47

Kaichi ly phra seaungkhrang naichi ka-vum u bo. Kaichi ly paka naira hawi, ka-jeirachi theung y kaheng u nai ne.

Ezekiela 14:15

“Ti y baly kaimy khumichi ai tamyh ai nai mawi kasichi pato ai; huni pri y khumi angso savai tlang iy aki aleaung thai y na pa-rei, mawi kasichi deaungkho y khri pa-rei ka-jeira awm ai.

Ezekiela 14:21

Sa thai naira angym nai Areng my leu pei nai ly “Kai ly khumi hawi tawnbawichi tamyh ai nai tavai takai, tahum takang, mawi kasichi hawi no kanghawi napi nai, hawi y keh nai pajeng naira amjy palyhrei, Jerusalem mary y tym hai ai.

AMOS 7:2

Huni akhutamachi ly pri verei i sai kangpho ngiereichi cha pawn nai kaniu. Naibaly kaimy, “Aw sa thai naira angym nai Areng, nang i khumichi i kamngo pahen pi kyh ba! Nichi ly mana heng ai mo? Nichi ly atho di parai na a!” kana pi.

NAHUM 3:7

Nang ai niu nai khumi bawibawichi ly nithun mang y anaw u ai. Nichi my, ‘Ninevi mary ly phra seaungkhrang veng bo! Huni mary ai ami my pahen ai mo? Ami nai ly paleung pahawi pi ai mo?,’ ” nanai thui u ai.

II KORINTH 7:13

Hunai deaungkho y kaichi ly awmnem naimy awm bo; naibaly kaimychi i awmnem naira harei khyh ny y i, mymy i paleung ly nangmychi deaungkho y amcheng naira nga nai y, Tita i kawn naira deaungkho y kaichi my kawn nai tleaung y khri pa-rei kawnra na.