ISAIA 51:16 - Khumi Common Language Bible

¹⁶ Kai ly kani khusang ai khiutapai iy, khaileaung y langdeng pala nai ne. Jerusalem mary i khumichi teng y, ‘Nangchi ly kai i khumichi ne na a! Kai ly kaimy i reita nangchi teng y kang pei iy, kiu hawi nangchi ai ama hai bo,’ nanai kang thui pi,” napi.

ISAIA 51:16 ပူးပေါင်းရင်းမြစ်များ

SAM 75:3

Khaileaung hawi vanrei heng nai amjy cheaungkhangchi ly anghyn teu i py, kai ly khaileaung i sangum langdengchi ai khaw hai jo ai.

SAM 91:4

Mymy ly my i pakhi hawimy, nang ai ang khiu ai; nang ly mymy i kry nai saho y chymme naimy awm ai; mymy i ka-ym awm naimy ly nang ai ama hai naira khupui lawm ai.

SAM 92:13

Nichi ly Areng i yhm y ui iy, achi i Tameuh i Achura yhm y angvai nai dengkeaung keungchi hawi atawm.

THEU NAI 33:22

Kai i nang parai nai kangvang sangso ko nai khala, kai ly nang ai lengseaung ka-ko sala y kang khai iy, kai katlen vui y ryrei ly nang ai kai i kiu hawi kang tamym vui ai.

THEU NAI 4:15

Nang i thui hai ai nai leu ly ni teng y thui pi. Kai ly nangni mana thui ai nai tla mo, nanai kang thui pi ai.

ISAIA 45:18

Areng ly kani khusang ai sa; mymy leaungrei naini Tameuh ne na a! Mymy ly khaileaung ai sa palum iy, khaw hai typ nai ne. Mymy ly huni ai khumi angso by y nai meingtym palawn ai nai sa nai ny y. Khumichi awm ai nai meingtym sa pi nai ne. Mymy ly “Kai ly Areng ne; kai ny y baly tameuh takhra by y.

ISAIA 48:13

Kai i kiu ly khaileaung sangum langdengchi pala iy, kani khusang ai khiu tapai nai ne. Kai ly khaileaung hawi kani khusang ai kapalau nai khala y, vaimy tym u praw bo.

ISAIA 49:2

Mymy ly kai i labeaung ai haisau kamta chiu hai iy, mymy kiu hawi kai ai ama hai bo. Mymy ly khai yb nai thailiho chyn chiu parai nai kamta, kai ai lawm hai nai ne.

ISAIA 49:8

Areng ly mymy i khumichi teng y, “Nangchi ai atleu ai nai neng tym nai khala y, kai ly nangchi ai neng ka-pe pei iy, sabawm ai nai, nangchi i aeu nai raawi tangai pi ai. Kai ly nangchi ai kang kry ai. Nangchi i molam y, khumi bawibawichi hawi py, leu maikawm asa ai. Vai, anawi seaungkhrang nai nangchi i pri y, saleaung khuteng achah iy awm u ali teang ai nai kang pei ai.

ISAIA 50:4

Atho bai nai khumi ai atho awm teang ai nai mana atho pei ai mo, nanai kai Areng my leu pei nai ne. Mymy thui pi ai naichi tangai ai nai mymy ly kai ai khawn tleirei, awn hai na bo.

ISAIA 57:19

Israela pri y awm nai paleung si paleung mawn naichi i labeaung mang, kawn nai leu thui u sy. Kamlo kang sa awm nai khumi bawibawichi teng y tlamsa naira kapei ai! Awmnem naira py kapei ai. Kai i khumichi ai no hawi kasa pi ai, nanai Areng my leu pei nai ne.

ISAIA 59:21

Nangchi hawi leu maikawm asa ai. Kai ly nangchi teng y kai i sa thai naira hawi parip naichi kang pei ai. Hunichi ai vai i dengdairei, nangchi hawi nangchi i kangpreangchi ly deungtasa khrairei sa patawm u jo ai nai tla,” napi.

ISAIA 60:21

Nang i khumi bawibawichi ly kateng sa u naimy, pri py peang ai nai nga u jojo ai. Khumi bawibawichi i mo y kai i nang parai nai amteng hai ai nai, kai ly nangchi ai kry iy kapalum ai.

ISAIA 61:3

Zion mary i paleung si vo tangam nai khumichi teng y, vo tangam nai i jeng y amo theu naira py, paleung mawn nai i jeng y palo nai khulym py, pei ai nai mymy ly kai ai pato bo. Nichi ly Areng i nang parai nai amteng hai ai nai, Tameuh my ui nai, hawi naira napi nai Ngopraibiu keungchi kamta cheang u sau ai.

ISAIA 65:17

Areng my, “Khaileaung kangtha hawi kani kangtha sa ai. Jangni khala i atiti awm naichi ly tama pawn veng ai.

ISAIA 66:22

“Khaileaung kangtha hawi kani kangthachi ly kai i sa thai nai saho y khaw jo nai kamta, nangchi i amyn hawi kangpreangchi ly khaw u jojo ai.

JEREMIA 1:9

Naibaly Areng ly mymy i kiu jaha iy, kai i labeaung y ang teaung chum baly, “Tangai ba, nang i thui ai nai leu, vaimy nang ai kang pei ryp bo.

JEREMIA 24:7

Kai ly Areng ne, nanai pany ai ngai nai paleung nichi teng kapei pi ai. Hunaibaly nichi ly kai i khumichi lawm u ai i, kai py nichi i Tameuh lawm ai. Ati mana nai mo nabaly nichi ly paleung hawi verei, kai teng y vawi u teang ai nai deaungkho y ne.

JEREMIA 31:33

Nichi hawi kai asa nai Leu Maikawm kangtha ly hini ne. Kai ly kaimy i reita leu ai nichi i paleung theung y kapakun pi ai. Kai ly nichi i Tameuh lawm iy, nichi ly kai i khumichi lawm u ai.

JEREMIA 32:38

Naibaly nichi ly kai i khumichi lawm iy, kai py nichi i Tameuh lawm ai.

ZEKHARIAH 13:9

Naibaly kai ly tangka ai mai hawi pachai nai kamta, dei kamthum phy thomrei y phyrei ai pachai ai. Nichi ai cham iy khen ai. Kai ly muku ai cham nai kamta, nichi ai cham ai. Naibaly nichi ly kai teng y chiu sa u ai, Kai py pathang pi ai. Nichi ly kai i khumichi ne, nanai nichi teng y thui pi ai. Nichi my py kai ly mychi i Tameuh ne, nanai pany u ai,” napi.

ZEKHARIAH 8:8

Jerusalem mary y awm u ai nai nidym, nisi mang i dengdairei, nichi ai kapahawi ai. Nichi ly kai i khumichi lawm ai. Kai py nichi i Tameuh lawm ai i, nichi ai leu meitang hawi ka-ym awm naimy peang ai.

JOHAN 17:8

nangmy kai ai leu pei naichi ly kaimy nichi teng y thui pi bo; hunichi ly nichi tangai iy, kai ly nang teng i theu, nanai pany tatang bo, nangmy kai ai pato, nanai py ym u bo.

JOHAN 3:34

Tameuh i pato nai keung ly Tameuh i leu thui reng; Tameuh ly pata kalei iy Phailo ai pei nai ny y.

Leu Thui Nai 18:18

Kai ly nichi i cheng theaung theung i dengdairei nang ka-tawm amo leaungrei pato pi ai; kaimy ni teng y kaimy leu pei nai ngiereichi ai ni ly khumichi teng y thui pi pateang ai.

Leu Thui Nai 33:27

Tameuh ly nangchi ai ama hai jojo nai ne; mymy i deungtasa kiuban my nangchi ai ang dawmkhawn bo. Mymy ly nangchi tako nai lam i, paleung ka-echi ai paryh pi pawn bo; huni paleung ka-echi ai tamyh pawn ai nai nangchi ai leu kang pei bo.

HEBRAI 8:10

Ati mana nai mo nabaly huni neng bo y ly Kai ly Israelachi dengtheung teng y leu maikawm khai nai ly hini ne he, nanai Areng my napi: Mymychi dawn naira y kai i leu pei naichi kapachei iy Nichi i paleung y py katajiu teang ai; Naibaly kai ly nichi i vui y Tameuh kalawn ai i, Nichi ly kaimy i vui y kai i khumichi lawn ai;

II PETERA 3:13

Na i py mymy i leu adeu nai kamta hawi naira awm nai, kani khaileaung kangtha ai ly achi athang khai.

AMTENG HAI NAI 1:1

Hini ly Isu Krista i Amteng Hai Nai Leu ne. Huni ai ly Tameuh my ni i miseaungchi teng y neangneang kra y nai sala y atiti tym ai naichi i satang thui pi ai nai ni teng y pei bo; naibaly ni ly mymy i kani pri i amtaw thau nai ai pato iy,