ISAIA 51:10 - Khumi Common Language Bible

¹⁰ Mymy atleu pi nai khumichi angpeang thai ai nai pangli tui kang hai iy, lam sa pi nai keung ly nang ne.

ISAIA 51:10 ပူးပေါင်းရင်းမြစ်များ

SAM 106:10

Mymy ly nichi ai niu ngai y nai khumichi kiu i nai atleu nai ne; mychi i paleung ka-echi kiu i nai atleu pi bo.

SAM 106:9

Mymy ly pangli kamsen ai leu pei baly, huni ly tui kang vui nai ne; naibaly mymy i khumichi ai tui kang nai pangli tako prei ai nai pahawi bo.

SAM 74:13

Nang ly nangmy i sa thai naira hawimy, pangli ai akhawi hai iy, tuireng namchi i luchi ai pakhau piu bo.

SAM 77:19

Nang ly pangli salo y aleaung iy, thiu parai nai suida pangli aleaung prei bo; na i py nang i kheu lawichi ai ly niu pajau nai ne.

THEU NAI 14:29

Israela chengchi ly tui akalym nai sala pangli paichi kaphui mang angpeang prei ai nai nga bo.

THEU NAI 15:13

Nang i leu adeu nai ly ym ai nai hawi; nang ly nangmy i vawi takhra nai khumichi ai pahawi nai ne. Nang i sa thai naira hawi pri kachai mang y nichi ai lam patei bo.

ISAIA 11:15

Areng ly ali kabi aho hai iy Zu-e pangli katheaung hawi Euphrat tavochi ai tui kang hai chum baly, amimi py ne sy, tako prei thai nai tavochy saryhrei naini awm hai ai.

ISAIA 11:16

Aikupta pri dengdairei Israela chengchi theu u nai thym khala i kamta, Asuria pri y awm rai nai, mymy i khumichi theu u ai nai i vui y, lam manglai pui harei lawm hai ai.

ISAIA 35:10

Nichi ly amo theu seu naimy khulym thui iy, Jerusalem mary mang y tym u ai. Nichi ly amo theu u jojo ai. Paleungsi paleung mawn naira pipi awm ai ny y.

ISAIA 35:8

Huni meingtym y, “Meingtym kachai mang y chei nai lam,” nanai amyn pathi nai lam manglai pui amteng ai. Kamngo sa nai khumi ngiereichi ly huni lam tako ai nai nga u ai ny y. Khumi ka-khum ngiereichi ly huni lam tako nai khumichi ai lam tamang hai pajau ai ny y.

ISAIA 35:9

Huni meingtym y mani khrangsi py awm ai ny y; Huni meingtym mang y mani mawi kasichi py, jeu ai nai nga ai ny y. Areng my atleu nai khumichi ly huni lam mang mychi i avang saleaung y vawi ai nai nga u ai.

ISAIA 42:15

Kai ly mawi katheang kalenchi ai panawi iy, acha hawi dengkeaung keungchi jei hai pawn ai. Kai ly tavo jawnbaichi ai jengha nai daichi ka-vymchilawn hai iy, tui sampumchi kang hai pawn ai.

ISAIA 43:16

Jangni y Areng ly panglira y tako prei ai nai lam sa pi nai ne.

ISAIA 50:2

Kai ly kaimy i khumichi ai atleu ai nai jeu nai thym khala y, ati mana nai y nichi ly kai ai ka-vum so u y lawh mo? Kaimy palau nai khala, ati mana nai y pathang u y lawh mo? Kai ly nichi ai atleu pajau y na pa-rei, atho di nai sai a? Kaimy pangli ai leu pei baly tui kang hai pajau. Tavochi ai khutaha daichi ka-vym lawm hai vui pajau nai ne. Huni tavochi ra y tui by y nai deaungkho y, ngochi ly dei be bo.

ISAIA 62:12

Nangchi ly “Tameuh i chai parai nai khumichi,” “Areng i atleu nai khumichi,” nanai ang palau ai. Jerusalem mary ai, “Tameuh i tamen nai mary pui,” “Tameuh my khai su y nai mary pui,” nanai amyn palau nai avum ai.

ISAIA 63:9

Nichi ai atleu nai keung ly kani pri amtaw thau ny y. Na i py Areng mymy kypkyp ne. Mymy ly tamen naira hawi pahen naira awm nai deaungkho y, nichi ai atleu nai ne. Jangni y mymy ly nichi ai kry jojo teu i py,

MIKHA 7:15

Areng nangmy kaichi ai Aikupta pri i dengdairei pahawi nai thym khala, nangmy sa pi nai rengrang ka-ma-rachi patei pi kyh ba.

ZEKHARIAH 10:11

Nichi ly ka-jeira awm nai pangli y angpeang nai khala, kai Areng ly tui sampyhchi anawn hai ai. Naing tavo i thiu parai nai meingtymchi py, tui kang pawn ai. Asuria pri i paleung len nai ai, kapanem pi vui ai. Atho awm nai Aikupta pri py, sa thai naira jum vui ai.