ISAIA 51:1 - Khumi Common Language Bible

¹ Areng my, “Nangchi atleu naira nga ai ngai nai khumichi awi, kasabawmra hnei ai nai kai teng y jeu nai khumichi awi, kai i leu tangai u. Nangchi ai thiu nai lengseaung ai khen u. Nangchi ai tai nai lengseaung kho ai khen u.

ISAIA 51:1 ပူးပေါင်းရင်းမြစ်များ

2 NENG SATANG 15:2

Azariah ly samrang Asa teng y chei i, ni teng y, “Aw samrang Asa hawi vanrei Juda hawi Benjamin theaungchi awi, kai i leu tangai u! Nangchi ly Areng teng y awm nai ryrei, mymy ly nangchi hawi vanrei awm ai. Nangchi ly mymy ai hau u baly mymy ly nangchi hawi ka-vum sa ai. Na i py nangchi ly mymy ai nithun thun u lawh baly, mymy py nangchi ai ang khai su ai.

2 NENG SATANG 15:4

Na i py patang naira tym nai khala, nichi ly Israela chengchi i Areng Tameuh teng y ali iy, mymy ai hau baly avum bo.

SAM 24:6

Huna nai khumichi ly Tameuh teng y ahihawi nai khumichi, Jakob i Tameuh ai chiu u nai khumichi ne.

SAM 94:15

Tara jeungchira y leu meitang tara chih nai ly awm teang ai; khumi kahawi bawibawichi py, huni leu meitang tara chih nai ai ly paleung pado u ai.

LEU KACHENG 15:9

Areng ly khumi hawi y naichi i reita lam ai ly paso; na i py leu meitang teaung nai khumichi ai ly khrei nai ne.

LEU KACHENG 21:21

Neaung hawi iy pahen reng nai khumi ly heng sau ai. Khumi takhra my tahm khai ai i, hawihai palai my amkawm ai.

ISAIA 45:19

Kai ly kangviu kam-ai y kathui y; kaimy i dawn pasym nai py apha vai y. Kai ly Israela chengchi ai khumi angso by y nai meingtym y hau hai nai ny y. Kai ly Areng ne; kai ly ka-ym awm nai leu katheu iy kateng lam kapatei pi reng nai ne,” nanai leu pei nai keung ne.

ISAIA 48:1

Nangchi Juda kangpreang Israela chengchi awi, hini leu tangai u: Nangchi ly Areng i amyn y vaineng abeu u iy, Israela chengchi i Tameuh ai kachiu u bo, nanai thui u; na i py nangchi i leu ly sairei py teng y.

ISAIA 48:12

Areng my, “Aw kaimy palau nai khumi, Israela chengchi awi, kai i leu tangai u! Kai ly Tameuh ne; kangman keh nai hawi kangkhym keh nai leaungrei khyh nai Tameuh ne!

ISAIA 51:4

“Kai i khumichi awi, kai i leu tangai u. Kai i thui nai leu tangai u. Kai ly khumi cheng cheaungkhangchi ai thui parip iy, kai i reita leuchi ly nichi i vui kangvang lawm ai.

ISAIA 51:7

“Leu meitang pany nai khumichi awi, kai i patiu pi nai leu ai dawn thleng nai khumichi awi, kai i thui nai leu tangai u. Nangchi ai kangji kangai pei iy, khumichi my thui tamawn nai khala jei u mo?

ISAIA 55:6

Areng ly vai, nangchi sahawi y awm; mymy mang y hi iy hnei takeng u.

ISAIA 65:10

Nichi ly kai ai chiu naimy, mymychi i beram hawi si, painochi ai nidym mang i Sharon adym y py, nisi mang i Akhaw leaunghawi sui tlai naichira y py, anawnra palawn iy typ u ai.

AMOS 5:6

Areng teng y chei u; hunaibaly nangchi heng u ai. Huna ny y baly mymy ly Israela khumichi i tlang tleaung y, mai kamta ang tym ai. Mai ly Bethela mary i khumichi kang be iy, huni mai ai ami py pathym pajau ai ny y.

ZEPHANIAH 2:3

Mymy i leu pei naichi tangai iy, paleung apanem nai khumi mipuichi awi, Areng teng y jeu u. Kahawi sa naimy Areng i mo y paleung apanem u. Areng i kado theu nai neng khala, nangchi ly pajeng naira i nai law tleaung naira nga u lym ai.

MATTHAI 5:6

“Hawi naira nga ai nai kajeu kanglam tui kanghai dawn y pa-rei hau naichi ly taham hawi: nichi ly bym pa-rei nga ai.

MATTHAI 6:33

Na i py mymy i peang nai hawi mymy i hawi naira phai hau u man, hunaibaly hunichi bawibawi py ang pei panawi bi ai mang.

ROM AVANGCHI TENG Y PAWLA I CHA PA NAI 10:3

Nichi ly Tameuh i hawi naira pany y naimy, mymychi i hawi naira khaw hai ai nai tau iy, Tameuh i hawi naira y apei u y lawh.

ROM AVANGCHI TENG Y PAWLA I CHA PA NAI 14:19

Hunaibaly achi ly aly ai naira hawi akhaw hai leungtang ai nai atitichi ai hui u sina.

PHILIPI 3:13

Amjo amnauchi awi, kanga bo nanai kadawn y leang. Na i py hini harei ly kasa reng: nithun mang i atiti awm naichi ai ly dawn y iy, mo mang i atiti awm naichi ai ly katapo tanga nai,

I TIMOTHEI 6:11

Na i py nang, Tameuh i khumi awi, huni atitichi ai ly angpreng veng! Hawi naira hawi, Tameuh ai dawn ryhryh naira hawi, ym naira hawi, tamen naira hawi, kham pajau naira hawi, leu anui naira ai py hui veangveang.

II TIMOTHEI 2:22

Hunaibaly thawndeang thym khala i ngai phi teng y nairachi ai ly angpreng veng, naibaly paleung kamchym y Areng ai palau nai ngiereichi hawi vanrei hawi naira hawi, ym naira hawi, tamen naira hawi, aly naira py hui jojo.

HEBRAI 12:14

Khumi bawibawichi hawi aly naira ai hawi chai naira ai py hui u; huni chai naira ny y baly ami py Areng ai niu y ai;