ISAIA 50:7 - Khumi Common Language Bible

⁷ Na i py Areng ly kai ai sabawm nai deaungkho y, nichi i ana nai ly kai i tlang tleaung y patang naira tym hai y leang. Hunichi ai kham pajau ai nai, kai ly khamta bo.

ISAIA 50:7 ပူးပေါင်းရင်းမြစ်များ

SAM 110:1

Areng my, “Kai ly nang i paleung ka-echi ai nang i kheu khaira lawn hai ai; huna nai lawm y ryrei ly kai i lamtang mang y ateh,” nanai kai i Areng teng y leu pei bo.

SAM 54:6

Aw Areng, kai ly nang teng y amo theu parai naimy amthyp ai; nang ly hawi nai deaungkho y, kai ly kawn naimy palo ai.

ISAIA 29:22

Hunai deaungkho y Abraham ai ngari kamtangra i atleu nai Israela chengchi i Areng Tameuh my, “Aw, kai i khumichi awi, nangchi ly kangji nga u ai ny y. Kangji nga iy meimai phra u ai ny y.

ISAIA 42:1

Areng my, “Hini khumi ly kaimy atho awm hai nai, kai i miseaung, kai i paleung kangai vawi patyp nai khumi ne. Kai ly kaimy i Phailo ai ni teng y kawi hai ai. Ni py khumi cheng cheaungkhangchi ai, ka-dyh ka-dawi naimy peang ai.

ISAIA 45:17

Na i py Israela chengchi ly Areng i atleu nai nga u iy, nichi i eaung nai ly deungtasa akan jo ai. Nichi ly mana khala py, tahm anem u ai ny y.’ ”

ISAIA 49:23

Samrangchi ly ampo kamta nangchi ai ang kry iy, samrangnuchi ly amhm kamta pacho panei ai. Nichi ly lu meung naimy nang ai chiu u ai. Nichi ly tahm apanem naimy, nang ai tahm khai nai sai patei ai. Huna nai khala y kai ly Areng ne, nanai nangchi pany u ai. Kai i kasabawmra ajeng nai ngiereichi ly paleung phra ai ny y,” napi.

ISAIA 49:8

Areng ly mymy i khumichi teng y, “Nangchi ai atleu ai nai neng tym nai khala y, kai ly nangchi ai neng ka-pe pei iy, sabawm ai nai, nangchi i aeu nai raawi tangai pi ai. Kai ly nangchi ai kang kry ai. Nangchi i molam y, khumi bawibawichi hawi py, leu maikawm asa ai. Vai, anawi seaungkhrang nai nangchi i pri y, saleaung khuteng achah iy awm u ali teang ai nai kang pei ai.

ISAIA 50:9

Areng mymy kypkyp my, kai mang y asa hai ai i, kai teng y kamngo awm, nanai ami my pany hai nai ka-ma-ra patei pajau ai mo? Kai ai neng hai nai khumi ngiereichi ly tama veng ai. Nichi ly thaikem my cha nai ateaung kamta phra ai.

ISAIA 54:4

Jei moh, nang ly kangji ngo bi y leang bo. Cheh nai py avum ai ny y. Nang ly anglo deaungdi nai khala y, ka-ym by y nai aju lawm vai nai py, neampachy lumai kamta, jeaungmang nanai pa-rei avum nai py, tami veng ai.

JEREMIA 1:18

Jeremia awi, tangai ba! Hini pri y awm nai khumi bawibawichi napi nai Juda samrangchi, samrang i bangtangchi, pathyp pi nai keungchi hawi, mipuichi ly nang ai ang tiu u ai. Na i py nichi ai amtang pajau ai nai pa-rei, nang ai vaini kang sa pi ai. Nang ly amtangra mary kamta py, tamo yhmmawm hawi kheupaja angpang kamta py lawm ai. Kai ly nang hawi vanrei awm ai i, nang ai ama hai ai. Hunai deaungkho y nichi ly nang ai ang tiu pajau ai ny y. Hini ly kai Areng i thui nai leu ne, napi.

MIKHA 1:2

Khumi cheng cheaungkhangchi awi, tangai u; khaileaung pri i khumi bawibawichi awi, tangai u! Sa thai naira angym nai Areng ly nangchi hawi y nai pany hai ai. Tangai u! Mymy ly kani pri Achura yhm mang my leu pei bo.

LUKA 9:51

Naibaly hina nai awm, mymy ai pahawi kalau ai nai neng tym kasa iy, mymy ly Jerusalem y chei ai nai tau tanga i, mo mang y khumichi ai pato;

JOHAN 16:33

Nangchi ly kai teng y awmnem naira nga ai nai kaimy hini satang kang thui pi bo. Nangchi ly khaileaung pri y patang naira avum ai; na i py paleung awmnem naimy awm u, kaimy khaileaung pri ai pajau bo,” nanai pathang.

ROM AVANGCHI TENG Y PAWLA I CHA PA NAI 1:16

Kai ly Satang Kahawi ai ly kakaji hai y leang; huni ly ami py ym nai ngierei i vui ly paheng ai naira lawn ai nai Tameuh i atiti sa thai naira ne; angchei y ly Judachi i vui ne, naibaly krikchi i vui py ne teang.

HEBRAI 13:6

Hunaibaly achi ly vam parai pa-rei my, “Areng ly ang sabawm nai keung ne, Kai ly kajei y ai; Khumi my ati ang sa pajau ai mo?” napi reng nai ne.

I PETERA 4:1

Hunaibaly Krista ly tlang mang y patang nai deaungkho y nangchi py hunai kamta paleung ly hai kamta teaung u teang; tlang mang y patang nai khumi ai ly kamngo mang y anawn hai veng nai bo;

I PETERA 4:16

na i py Kristian ne nai deaungkho y patang nai ne baly, kaji moh sy; huni i amyn deaungkho y Tameuh ai phai palo sy.