ISAIA 50:2 - Khumi Common Language Bible

² Kai ly kaimy i khumichi ai atleu ai nai jeu nai thym khala y, ati mana nai y nichi ly kai ai ka-vum so u y lawh mo? Kaimy palau nai khala, ati mana nai y pathang u y lawh mo? Kai ly nichi ai atleu pajau y na pa-rei, atho di nai sai a? Kaimy pangli ai leu pei baly tui kang hai pajau. Tavochi ai khutaha daichi ka-vym lawm hai vui pajau nai ne. Huni tavochi ra y tui by y nai deaungkho y, ngochi ly dei be bo.

ISAIA 50:2 ပူးပေါင်းရင်းမြစ်များ

ATITI AWM ANGCHEI NAI 18:14

Areng so pajau y nai awm a? Kaimy kang thui pi nai kamta vai i dengdairei lo takawrei khala y kai kang tym teang ai i, Sarah ly chapo tapen ai,” napi.

2 NENG SATANG 32:15

Vai ly nangchi ai Hezekia my li-tapawp moh sy; ni i leu ai nangchi ym u moh! Mani pri i tameuhchi ly my i khumichi ai Asuria empara kiu i atleu pi nai awm vai y leang. Hunai deaungkho y nangchi i tameuh py, nangchi ai atleu pi pajau y leang!,” nanai thui hai nai ne.

SAM 106:9

Mymy ly pangli kamsen ai leu pei baly, huni ly tui kang vui nai ne; naibaly mymy i khumichi ai tui kang nai pangli tako prei ai nai pahawi bo.

SAM 107:33

Areng ly tavochi ai tui kang hai pawn bo; tavo micheaungchi ai py tamym typ pawn nai ne.

THEU NAI 14:21

Mosi ly pangli salo y kiu pheu nai khala, Areng my nisi ali vumtorei aho hai nai deaungkho y, pangli tui ly akhawi thla i akalym pawn iy, tuili paichi ly phui hai rawm veng bo.

THEU NAI 14:29

Israela chengchi ly tui akalym nai sala pangli paichi kaphui mang angpeang prei ai nai nga bo.

THEU NAI 7:18

Tavo theung i ngochi ly dei ai i, tavo jeungrei kaveaung mui nai deaungkho y, Aikupta khumichi ly huni tui nei pajau ai ny y,’ nanai samrang teng y thui pi,” napi.

THEU NAI 7:21

Tavo theung i ngochi ly dei bo; tui ly khri pa-rei mui nai deaungkho y Aikupta khumichi ly huni tui nei thai y nai ne. Aikupta pri meingtym tleirei y thi kawi na bo.

LEU KACHENG 1:24

Kai ly nangchi ai aeu naimy kang palau teu i py, nangchi ly tangai ai nai ngai u y; kai i leu py tahm pateng u y bo.

ISAIA 11:15

Areng ly ali kabi aho hai iy Zu-e pangli katheaung hawi Euphrat tavochi ai tui kang hai chum baly, amimi py ne sy, tako prei thai nai tavochy saryhrei naini awm hai ai.

ISAIA 19:5

Naing tavo ly tui di iy kangryh kangryh ai.

ISAIA 23:11

Areng ly pangli salo y kiu pheu iy, huni prichi ai phra hai pawn bo. Phoenisiachi i ka-sum ka-pai sa nai meingtymchi taphra pawn ai nai py, leu pei pi veng bo.

ISAIA 36:20

Huni pri bawibawichi i tameuhchi theung y mani tameuh ly my i pri ai kaichi empara samrang kiu i nai, mana khala atleu pi vai mo? Tumbaly Areng py Jerusalem mary ai atleu pajau, nanai nangchi ati mana nai athang khai u mo?,” napi.

ISAIA 41:28

Kai ly tameuhchi ai khen nai khala y, nichi ly kai teng y leu sairei py pathang u y. Kaimy deng nai leuchi py, ami py pathang u pajau y.

ISAIA 42:15

Kai ly mawi katheang kalenchi ai panawi iy, acha hawi dengkeaung keungchi jei hai pawn ai. Kai ly tavo jawnbaichi ai jengha nai daichi ka-vymchilawn hai iy, tui sampumchi kang hai pawn ai.

ISAIA 43:16

Jangni y Areng ly panglira y tako prei ai nai lam sa pi nai ne.

ISAIA 44:27

Kai ly leu pei iy suida pangli ai py tui kang hai bo.

ISAIA 51:10

Mymy atleu pi nai khumichi angpeang thai ai nai pangli tui kang hai iy, lam sa pi nai keung ly nang ne.

ISAIA 54:6

Israela chengchi awi, nangchi ly juvo my khai su nai deaungkho y, khri pa-rei paleung bi nai, saneng nau nai aju hawi atawm. Na i py Areng ly nangchi ai palau ali teang ai.

ISAIA 59:1

Areng ly nangchi ai atleu pajau y na pa-rei atho di nai ny y. Nangchi kasabawmra nga ai nai aeu iy, hnei takeng nai raawi thai y na pa-rei kano pang y leang!

ISAIA 59:16

Ana naira avum nai khumichi ai atleu ai nai khumi by y nai py niu i, lyh parai nai ne. Hunai deaungkho y mymy ly nichi ai sa thai naira hawi atleu iy, mymy i hawi nai saho y eaung naira nga u ai.

ISAIA 63:13

Areng ly nichi ai tui kathiu angpeang hai iy pahawi nai khala, nichi ly keaungngo karamchi kamta kheu amchyn nai khaw parai i, mana khala py atlym u vai y.

ISAIA 64:6

Kaichi bawibawi ly kamngochochi ne. Kaichi i kahawi keh sa nai malawn py, amso ngailai nai cheichei teu bo. Kaichi ly kaimychi i kamngochi deaungkho y, ali my pakheang veng nai phaicham kajeichi hawi atawm.

ISAIA 65:12

haisau hawi tleh nai avum ai. Nangchi ly kaimy palau nai khala y pathang u y. Kaimy kang thui nai khala py tangai u y. Nangchi ly kai i mo y hawi y naira sa naimy, kai i ngai y nairachi sa u lawh bo.

ISAIA 66:4

Hunai deaungkho y kai ly nichi jei u nai ka-jeirachi py, nichi i tlang tleaung y tym hai bo. Hunai kamta tym hai nai ly kaimy palau nai khala y, ami py pathang u y. Kaimy thui nai khala py ami py pathang u y nai deaungkho y ne. Nichi ly kai i leu tangai y, hawi y sa ai naini vawi takhra u lawh,” napi.

JEREMIA 14:9

Ati mana nai y nang ly mynkym vui nai kamta py, sabawm ai nai sa thai naira by y nai tavaimi risa kamta py, lawm lawh mo? Aw Areng, nang ly kaichi hawi vanrei awm khyp na a! Kaichi ly nang i khumichi ne i, khai su moh kyh ba,’ nanai takeng u bo”

JEREMIA 35:14

Jonada i katu chanauchi ly kreip hang nei y ai nai Jonada my pei nai reita patawm u bo. Nichi ly mychi i amsi pajo my leu pei nai tangai u nai deaungkho y, vaini khrairei ami py kreip hang nei u y nai ne. Na i py nangchi ly kaimy kang thui pi veangveang teu i py, kai i leu tangai u y.

JEREMIA 35:15

Kai ly kaimy i miseaung amochi ai kang pato pi veangveang bo. Nichi my py nangchi ai nangmychi i hawi y naichi khai su iy, kahawi sa u ai nai ang thui pi bo. Nangchi ly nangmychi i amsi pajochi teng y kaimy pei nai pri y awm u jojo ai nai deaungkho y, tameuh takhrachi ai chiu u y ai nai, nangchi ai kang pany hai nai ne. Na i py nangchi ly kai i leu tangai u y, kai ai py tahm khai u y.

JEREMIA 5:1

Jerusalem mary i khumichi awi, nangmychi i lamchira y chei u! Tengpang sahawi y hau u! Adawn pasym u! Seng mang y chei iy hau u! Kahawi sa nai khumi, Tameuh i tlang tleaung y ka-ym awm ai nai atho sa nai khumi leaungrei niu pajau na a? Huni khumi ai nang avum lawh teu baly, Areng ly Jerusalem mary i kamngo lawi hai ai.

JEREMIA 7:13

Nangchi ly vaichi khala y kaimy pany hai yb nai kamngo cheaungkhangchi sa u bo. Kaimy avaw avawrei kang thui pi teu i py, nangchi ly tangai u y. Kaimy nangchi ai kang palau nai khala py pathang u y.

JEREMIA 7:27

“Hunai deaungkho y Jeremia awi, nang ly hini leuchi ai nichi teng y thui pi keng teu i py, nichi tangai u ai ny y. Nang ly nichi ai palau teu i py, nichi ly pathang u ai ny y.

JEREMIA 8:6

Kai ly hawihai palai katangai pi teu i py, nangchi ly leu meitang katheu u y. Nangchi theung y ami py nangmychi i hawi y nai molam y paleung mawn u y. ‘Kai ly ati hawi y nai kasa lawh mo?’ nanai ami py deng u y. Tavai keung y athorei my angpreng nai keaungngo kamta, khumi luteng ly amy ngai ngai sa u lawh.

DANIELA 3:15

Vai nangchi ly bawchi, byhlyhchi, atymchi, taro katheang kalenchi hawi takhra katyn kapauchi beu nai katyn thai phai thai u baly, muku myn pui ai lu meung u. Huna nai kamta so u y lawh baly, nangchi ai mai pui kangveaung theung y vaimy aphi ai. Nangchi ai atleu pajau nai tameuh awm, nanai nangchi athang khai u a?” napi.

DANIELA 3:29

Naibaly leu cheaungkhang katheu nai khumi bawibawichi hawi pri tleirei i ami py ne sy, Sadraka, Mesheka hawi Abedanekochi i Tameuh ai tahm khai y nai leu thui lawh baly, huni khumi ai tawp piupa iy ni i yhm py, maidym satlawi lawm hai sy, nanai vai, kaimy leu pei. Nichi leaung thomreichi i Tameuh kamta, mani tameuh py atleu pajau y leang,” napi.

DANIELA 6:20

Khrangsi angawm y tym nai khala, paleung mawn nai raawi hawimy, “Tameuh kangheng i miseaung Daniela awi! Nang i ka-ym awm naimy chiu nai Tameuh ly nang ai khrangsichi teng i nai atleu pi pajau a?” nanai deng.

DANIELA 6:27

Mymy ly sabawm nai hawi atleu naimy, kani mang y py, khaileaung pri y py, lyh ai nairachi hawi rengrang ka-ma-rachi patei pi bo. Mymy ly Daniela ai khrangsichi teng i nai atleu bo,” nanai ne.

HOSEA 11:2

Na i py kai ly ni ai kapalau baly, kai teng i nai angpreng ra bo. Kai i khumichi ly Bala tameuh teng y apathyp iy, mynchi teng y rimui patawi u.

HOSEA 11:7

Nichi ly kai teng i nai angphri vui iy tako u reng nai ne. Nichi tleang nai kaneaung tamtleang molam y tangam naimy aeu u teu i py, ami py huni tamtleang ai dawmkhawn pi ai ny y.

NAHUM 1:4

Mymy ly pangli ai leu pei nai khala y, pangli tui ly kang vui na! Mymy ly tavochi ai py tui kang hai vui bo. Basan mawi ly jeirawm iy Karamela mawi ly a-au jawn bo. Lebanon mawi i kaseaung pauchi py rawm veng bo.

HABAKKUK 3:8

Aw Areng, nang kado theu ai nai kachyh nai ly tavochi, micheaungchi my a? Nang ai khri pa-rei kado theu hai nai ly pangli my a? Nang ly tamaichi theung y atang bo; nang i khumichi teng y eaung naira tym hai nai khala, ali kani hawi tamai ly nang i tavai keaungngo ka-ri ne.

Kati Nai 11:23

Areng my, “Kai so thai y nairachi awm a? Kai i thui naichi ly ne khyp mo, ne khyp y mo, nanai kra y naimy nang niu ai mang!” napi.

MARKA 4:39

Naibaly mymy ly anglaw i ali ai jo iy, ang teng y py, “Anawn ly, awm pypy jau,” napi. Naibaly ali ly aham i rym chauchau bo.

JOHAN 1:11

Mymy i khumichi teng y ang jeu i, mymy i khumichi ly ni ai kawn y.

JOHAN 3:19

Pasum naira ly hini ne he: kangvang ly khaileaung pri y ang tym bo, na i py khumichi i atiti sa naichi ly hawi y nai deaungkho y, nichi ly kangvang tleaung y kaveng ngai keh bo.

JOSUA 3:16

tui leaung nai anawn vui i, tavo syh mang palo kyh naira y awm nai Zarethan mary ahawi i Adam mary y tui am-eng cheng nai ne. Pangli kadei tym pa-rei leaung nai tavo tui ly kang vui nai deaungkho y, khumi bawibawichi ly Jeriko mary sahawi i tavo vai mang y angpeang u thai nai ne.