ISAIA 5:26 - Khumi Common Language Bible

²⁶ Areng ly ka-ma-ra patei iy, kamlora awm nai cheng takhrachi ai palau ai. Mymy ly nichi ai khaileaung katem mang dengdairei jeu u ai nai, amsui sai hawi ka-ma-ra pei pi ai. Huni khumichi py huni meingtym y jeu u kaliki ai!

ISAIA 5:26 ပူးပေါင်းရင်းမြစ်များ

SAM 60:4

Nang ai jei kaji nai khumichi ly phra naira i nai lawira nga ai nai, nichi ai nang ly pany hai ba.

SAM 72:8

Samrang ly pangli katem y tym pa-rei py, Euphrat tavo dengdai khaileaung katem khrairei py peang ai.

ISAIA 10:3

Nangchi i tlang tleaung y Tameuh my pajeng nai khala, nangchi ati mana sa u ai mo? Mymy ly nangchi ai kamlora i dengdairei ang jeu nai ka-jeira avum hai nai khala, nangchi ati mana sa u ai mo? Kasabawmra hnei ai nai ami teng y angpreng u ai mo? Nangmychi i yhmtheaung katuichi ly ma mang y heu u ai mo?

ISAIA 11:12

Mymy ly amprei phro nai Israela khumichi ai py, ahei phro nai Juda khumichi ai khaileaung taki palyh dengdairei kachu ali teang nai ai py, pany hai ai nai Areng my patei nai tamkhawn theaung ai.

ISAIA 13:2

Mawi tabiuliu nai saleung y tavai tamkhawn theaung u! Paleung len amlyh nai mary pui katheu pa-khochi ai tiu ai nai aeu naimy, nangchi i kiu pheu iy tavaimichi ai leu pei u.

ISAIA 13:3

Areng ly mymy i kado theu hai nai khumichi i tlang tleaung y pajeng ai nai molam, mymy ka-ym awm iy tahm khai nai tavaimi kahawichi ai palau nai ne.

ISAIA 13:4

Mawi salo y awm nai khumi mipuichi i raawi tangai u. Huni raawi ly khumi cheng cheaungkhangchi hawi prichi akachu u nai katynchi ne. Kani pri tavai luchi i Areng ly mymy i tavaimichi ai tavai thau hai ai nai angveirym bo.

ISAIA 13:5

Nichi ly khaileaung pri katemra y awm nai, pri kamlochira i dengdairei ang jeu u bo. Areng ly kado theu nai deaungkho y, tavai ateaung hawi pri vereichi ai tamyh pawn ai nai ang jeu ai.

ISAIA 18:3

Khaileaung pri y awm nai khumi bawibawichi awi, khaileaung salo y awm u nai khumi bawibawichi awi, tangai u! Mawi saleungra y pado ai nai ka-ma-ra tamkhawn ai khen angdeang u!

ISAIA 30:16

Huna nai tangai ai nai tleaung y ly rang parai nai keaungngochi atang iy, paleung ka-echi teng i dengdairei preang ai nai dawn pasym u nai ne. Nangchi i ka-dawn ly hawichy y! Ati mana nai mo nabaly nangchi ly preang u takengkei ai tla nai deaungkho y ne. Nangchi ly nangmychi i keaungngochi ai rang parai, nanai athang khai u teu i py, nangchi ai ang hui nai nichi i keaungngochi ly rang keh ai.

ISAIA 31:9

Nichi i samrang py jei i, preang vui ai. Tavailu arengchi ly mychi i tavai tamkhawnchi khai u su ai,” napi. Huni ly Areng my leu pei nai ne. Mymy ly Jerusalem mary y khumichi my chiu nai Areng ne iy, mymy i mai kangveaung py tawnbawichi ai leng patlum ai nai angveaung nai ne.

ISAIA 39:3

Naibaly Isaia ly samrang Hezekia teng y chei iy, “Huni khumichi ly manira i jeu u nai mo? Nichi my nang teng y ati thui u mo?,” nanai deng. Hezekia my, “Nichi ly khri pa-rei palo nai Babulon pri dengdairei jeu u nai ne,” napi baly,

ISAIA 7:18

“Huni neng tym nai khala Areng ly Aikupta chengchi ai pathauchi kamta, Naing tavo kangprei syh mang dengdairei py, Asuria chengchi ai khawichi kamta mychi pri i dengdairei py tym u ai nai, amsui sai hawi ka-ma-ra pei ai.

JEREMIA 4:13

Khen u cham, paleung ka-e ly khupanym kamta ang jeu ai. Ni i tavai ka-richi ly ali lengli hawi atawm iy, nichi i keaungngochi ly ahmtlauchi tleaung y rang nai ne. Kaichi ly sum bo! kaichi ly taham si lawh bo ly!

JEREMIA 5:15

Areng my Israela mipuichi teng y, “Kai ly nangchi ai tiu hai ai nai pri kamlora i khumi kamkawm harei kang hawi ai. Nichi ly atho len iy jangni jangkhawn i khumi cheng, nangchi pany thai y nai leu katheu nai khumi cheng ne.

JEREMIA 51:27

“Atiu ai nai pany hai nai ka-ma-ra patei u! Khumi cheng cheaungkhangchi thai u ai nai baw eng u! Babulon mary y tiu ai nai khumi cheng cheaungkhangchi ai angveirym hai u! Ararat pri, Minni pri hawi Ashakena prichi ai tiu ai nai thui pi u. Lu sa iy tiu pajau ai nai tavailu areng keh vawi takhra u. Akhu kanghuchi kamta tavai thau hai u.

TANGAM NAI LEU 4:19

Nichi ly kani salo mang dengdairei, taba kathiu nai ahmtlauchi kamta, kaichi ai ang patiu u. Mawi aheungchi mang y kaichi ai kheulawi ang padyh bo; daichi ka-vymra y athang khai y naimy ang patiu u bo.

Ezekiela 38:17

Vai mo mang y kai ly Israela pri y tiu ai nai khumi leaungrei pato ai, nanai law veng nai neng khala, amochi dengdairei kaimy leu pei nai ly nang ai patyp iy thui nai ne. Huni neng khala amochi my, kai ly nang ai huni khumichi ai tiu hai ai, nanai saneng neangneang kakra thui pi bo,” napi. Hini ly sa thai naira angym nai Areng i pei nai leu ne.

JOELA 2:7

Akhutama michi ly tavaimi risachi kamta tiu u. Nichi ly risachi kamta mary apaichira y lyn u. Nichi bawibawi ly mo kataw lyn u prei nai ne. Mychi i lam amphri vui y.

HABAKKUK 1:8

“Nichi i keaungngochi ly takaikheng tleaung y rang iy, teicha alam nai kasui tleaung y malawn py jei ai nai hawi. Keaungngo atang nai risachi ly keaungngochi ai kamlo mang dengdairei, athorei my ang jeu hai bo. Nichi i keaungngochi ly khaileaung y muiken hawi kaseu u bo. Nichi ly teicha ni nai ahmtlau kamta, athorei my ang jeu u nai ne.

ZEKHARIAH 10:8

“Kai ly kaimy i khumichi ai palau iy kachu ai. Khumichi ai atleu iy jangni i kamta khumichi peung hai ai.

MALAKHI 1:11

Khaileaung katemra y khrairei, khumichi ly kai ai tahm khai nai palo u bo. Nichi ly meingtym tleirei y mui katuichi patawi iy, paleung ka-nora hawi nai kapathyprachi kai teng y talam u. Nichi bawibawi py kai i amyn palo u bo!

Leu Thui Nai 28:49

Areng ly nangchi ai tiu hai ai nai nangchi hawi leu atlyh y nai khaileaung pri katemra i khumi cheng harei ang tym hai ai. Huni khumichi ly ahmtlau my ni nai kamta, nangchi ai ang tiu ai.